ຊາ​ອຸ​ດິດອາຣັບບີ-​ຍີ່ປຸ່ນ​ເຫັນ​ດີ​ຮ່ວມ​ຕັ້ງ​ເຂດ​ເສດຖະກິດ​ພິ​ເສດ

ກະສັດ ຊັລມານ ​ແຫ່ງ​ຊາ​ອຸ​ດິດອາຣັບບີ ​ແລະ ທ່າ​ນ ຊິນ​ໂຊ ອາ​ເບະ ນາຍົກລັດຖະມົນຕີຍີ່ປຸ່ນ ​ເຫັນ​ດີ​ຮ່ວມ​ກັນຕັ້ງ​ເຂດ​ເສດຖະກິດ​ພິ​ເສດ​ຢູ່​ຊາ​ອຸ​ດິດອາຣັບບີ.

ສຳນັກຂ່າ​ວຕ່າງປະ​ເທດ​ລາຍ​ງາ​ນວ່າ: ກະສັດ ຊັລມານ ບິນ ອັບ​ດູລາ​ຊິ​ສ ​ແຫ່ງ​ຊາ​ອຸ​ດິດອາຣັບບີ ສະ​ເລັດ​ຢ້ຽມຢາມ​ຍີ່ປຸ່ນ ​ເພື່ອ​ຮັດ​ແໜ້ນ​ຄວາມ​ສຳພັນ​ທາງ​ການ​ທູດ ​ແລະ ການ​ຄ້າ ​ໂດຍ​ຜົນ​ຂ​ອງການ​ຫາລື​ກ່ຽວ​ກັບ“ວິ​ໄສ​ທັດ ຊາ​ອຸ​ດິດ​ອາຣັບບີ-​ຍີ່ປຸ່ນ​ປີ 2030” ລະຫວ່າງ​ກະສັດ​ຊັລມານ ​ແລະ ທ່ານ​ຊິນ​ໂຊ ອາ​ບະ​ນາຍົກລັດຖະມົນຕີຍີ່ປຸ່ນ​ໂດຍ​ຈະ​ເຮັດ​ການ​ສຶກສາ​ຈັດ​ຕັ້ງ​ເຂດ​ເສດຖະກິດ​ພິ​ເສດ​ໃນ​ຊາ​ອຸ​ດິດອາຣັບບີ, ຊຶ່ງ​​ໄດ້​ມີ​ການ​ຫາລື​ການ​ຈົດ​ທະບຽນ​ຫຸ້ນ​ບໍລິສັດ ຊາ​ອຸ​ດິ ອາຣາມ​ໂຄ​ໃນ​ຕະຫຼາດ​ຫຸ້ນ​ໂຕ​ກຽວ ອຳນວຍ​ຄວາມ​ສະດວກ​ໃນ​ກາ​ນຈັດ​ຕັ້ງຫ່ວງ​ໂຊ້​ອຸປະ​ທານ​ພາຍ​ໃນ​ປະ​ເທດ​ໃນ​ຂະ​ແໜງ​ການ​ຜະລິດ​ຂອງ​ຊາ​ອຸ​ດິດອາຣັບບີ ສະໜັບສະໜູນ​ໂຄງການ​ຜະລິດ​ນ້ຳ​ຈືດ​ຈາກ​ນ້ຳ​ທະລ ຮ່ວມ​ມື​ສົງ​ເສີມ​ການ​ໃຊ້​ພະລັງງານ​ທົດ​ແທນ​ໃນ​ຊາ​ອຸ​ດິດອາຣັບບີ.

ນອກຈາກ​ນີ້ ທັງ​ 2 ຝ່າຍ ຍັງ​ເຫັນ​ດີ​ຮ່ວມ​ມື​ກັນ​ດ້ານ​ການ​ຄົ້ນຄວ້າ​ວິ​ໄຈ ​ແລະ ຝຶກ​ອົບຮົມ​ດ້ານ​ການ​ແພດ ລວມທັງ​ແລກປ່ຽນ​ຜູ້​ຊ່ຽວຊານ ຮ່ວມ​ມື​ໃນ​ການ​ສົ່ງ​ເສີມ​ສີ​ລະ​ປະວັດ​ທະ​ນາ​ທຳ​ຂອງ​ຊາ​ອຸ​ດິດອາຣັບບີ ຈັດ​ຕັ້ງ​ສຳນັກງານ​ໃໝ່​ໃນ​ນະຄອນຣິຍາດ ​ແລະ ນະຄອນຫຼວງ​ໂຕ​ກຽວ​ເພື່ອ​ຮ່ວມ​ມື​ໃນ​ໂຄງການ​ຕ່າງໆ ​ແລະ ອຳນວຍ​ຄວາມ​ສະດວກ​ໃນ​ການ​ອອກ​ວີ​ຊ່າ ​ແລະ ປ່ຽນ​ແປງ​ຄ່າ​ທຳນຽມ​ວີ​ຊ່າ​ໃຫ້​ຢູ່​ໃນ​ລະດັບ​ທີ່​ເໝາະ​ສົມ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.