ຊຳ​ຊຸງ ກາ​ແລັກ​ຊີ ໂນ໊ດ 8 ສາ­ມາດ​ສັ່ງ​ຈອງ​ໄດ້​ແລ້ວ​ໃນ​ລາວ

ຊຳ​ຊຸງ ກາ​ແລັກ​ຊີ ໂນ້ດ 8 (Samsung Galaxy Note 8) ທີ່​ມາ​ພ້ອມກັບ​ຟັງ​ຊັ່ນ​ໃໝ່ໆ​ຫຼາກ​ຫຼາຍ​ຢ່າງ​ທີ່​ສາ­ມາດ​ຕອບ​ໂຈດ​ທັງ​ການ​ເຮັດ​ວຽກ ແລະ ການ​ໃຊ້​ຊີ­ວິດ​ກັບ​ສື່​ສັງ­ຄົມ​ອອນ​ລາຍ​ມີ​ກ້ອງ​ຄູ່ ເພື່ອ​ເກັບ​ພາບ​ສວຍ​ງາມ​ຢ່າງ​ບໍ່​ເຄີຍ​ມີ​ມາ​ກ່ອນ ປະ­ຈຸ​ບັນ ມີ​ຈຳ­ໜ່າຍ​ແລ້ວ​ໃນ​ປະ­ເທດ​ລາວ ຊຶ່ງ​ໄດ້​ເປີດ​ໂຕ​ຢ່າງ​ເປັນ​ທາງ​ການ​ໃນ​ວັນ​ທີ 1 ກັນ­ຍາ 2017 ນີ້.

ທ່ານ ຊຶງ​ໂຮ ຊອຍ ຜູ້​ຈັດ­ການ​ໃຫຍ່ ປະ­ຈຳ​ລາວ-ກຳ­ປູ­ເຈຍ ບໍ­ລິ­ສັດ​ໄທ​ຊຳ​ຊຸງ ເອ​ເລັກ​ໂຕ​ນິກ ຈຳ­ກັດ ກ່າວ​ວ່າ: ສຳ­ລັບ Samsung Galaxy Note 8 ໃໝ່​ເປັນ​ການ­ສະ­ແດງ​ໃຫ້​ເຫັນ​ເຖິງ​ນະ​ວັດ­ຕະກຳ​ທີ່​ໂດດ​ເດັ່ນ​ດ້ວຍ​ການ​ຍົກ​ລະ­ດັບຄວາມ​ສາ­ມາດ​ຂອງ S Pen ໃຫ້​ມີ​ຄວາມສະ­ຫຼາດ​ລ້ຳ​ຍິ່ງ​ຂຶ້ນ​ລວມ​ເຖິງ​ກ້ອງ​ຄູ່ Dual Camera ທີ່​ຊົງ​ປະ­ສິດ­ທິ­ພາບ​ຫຼາຍ​ທີ່​ສຸດ​ທີ່​ເຮົາ​ເຄີຍ​ມີ​ມາ ແລະ​ຈໍ​ສະແດງ​ຜົນ​ແບບ​ໄຮ້​ຂອບ​ເປີດ​ມູມ​ມອງ​ການ​ໃຊ້​ໃຫ້​ກວ້າງ​ຂຶ້ນ, ທັງ​ໝົດ​ນີ້ ລ້ວນແຕ່​ແມ່ນ​ຄຸນ­ສົມ­ບັດ​ທີ່​ຕອກ​ຢ້ຳ​ຄວາມ​ເປັນ​ສະ­ມາດ​ໂຟນ​ທີ່​ດີ​ທີ່​ສຸດ​ແຫ່ງ​ການປະ­ຕິ­ວັດ​ວົງ​ການ Galaxy Note 8 ສາມາດ​ຊ່ວຍ​ຕອບ​ສະ­ໜອງ​ໃຫ້​ທຸກ​ສິ່ງ​ໄດ້ດັ່ງ​ໃຈ​ແມ່ນ​ແຕ່​ສິ່ງ​ທີ່​ຄົນ​ອື່ນ​ຄິດ​ວ່າ​ຈະເປັນ​ໄປ​ບໍ່​ໄດ້.

Samsung Galaxy Note8 ໃໝ່​ນີ້​ແມ່ນ​ມາ​ພ້ອມ​ກັບ​ກ້ອງ​ໜ້າ​ຄວາມ​ລະ­ອຽດ 8MP ເພື່ອ​ທຸກ​ການ​ຖ່າຍ​ເຊວ​ຟີ ແລະ​ວີ​ດີ​ໂອ​ທີ່​ຄົມ​ຊັດ, ສ່ວນ​ກ້ອງ​ຫຼັງ​ມີ ຄວາມ​ລະ­ອຽດ 12MP ສອງ​ໂຕ, ພ້ອມລະ­ບົບ​ປ້ອງ​ກັນ​ການ​ສັ່ນ​ສະ­ເທືອນ OIS ທັງ​ສອງ​ເລນ ແລະ ປະ­ກອບ​ດ້ວຍກ້ອງ​ເລນ​ມູມ​ກວ້າງ ແລະ​ເລນ​ເທ​ເລ​ໂຟໂຕ, Galaxy Note8 ເປັນ​ສະ­ມາດ​ໂຟນໃນ​ຕະ­ກຸນ Galaxy ທີ່​ມີ​ຈໍ​ຂະ­ໜາດ 6,3 ນິ້ວ ສາ­ມາດ​ຈັບ​ໄດ້​ຖະ­ໜັດ​ດ້ວຍ​ມື​ດຽວ, ນອກ​ນັ້ນ​ຍັງ​ກັນ​ນ້ຳ​ກັນ​ຝຸ່ນ (IP68) ທັງໂຕ​ເຄື່ອງ ແລະ S Pen, ປາກ­ກາ S Pen ນັບ​ວ່າ​ເປັນ​ອີກ​ໜຶ່ງ​ຈຸດ​ເດັ່ນ​ໜຶ່ງ​ເພື່ອໃຊ້​ແທນ​ມື ແລະ​ສະ­ດວກ​ກວ່າ​ໂທລະ­ສັບທີ່​ອອກ​ມາ​ໃໝ່​ນີ້​ແມ່ນ​ສາ­ມາດ​ປ້ອງ​ກັນຮອຍ​ຂີດ, ແປ​ພາ­ສາ​ໄດ້ ແລະ​ຂຽນ​ຂໍ້ຄວາມ​ເຄື່ອນ​ໄຫວ, ສ່ວນ​ສາກ​ແບັດ​ຕາ​ລີໄດ້​ໄວ ແລະ​ຍັງ​ເນັ້ນ​ມາດ​ຕະ­ການ​ຄວາມປອດ​ໄພ​ອັນ​ລ້ຳ​ໜ້າ​ໄດ້​ຄື​ລະ­ບົບ​ສະ​ແກນສາຍ­ຕາ ແລະ​ ລະ­ບົບ​ສະ​ແກນ​ລາຍ​ນິ້ວ​ມື.

ສຳ­ລັບ Samsung Galaxy Note 8 ປະ­ກອບ​ດ້ວຍ 3 ສີ​ຄື: ດຳ, ທອງ ແລະ​ເທົາ​ມ່ວງ, ຊຶ່ງ​ຈະ​ຂາຍ​ໃນ​ລາ­ຄາ 7,59 ລ້ານ​ກີບ​ຕໍ່​ໜຶ່ງ​ໜ່ວຍ, ຫາ​ກວ່າ​ລູກຄ້າ​ທ່ານ​ໃດ​ສົນ­ໃຈ​ສາ­ມາດ​ສັ່ງ​ຈອງ​ໄດ້ ແຕ່​ມື້­ນີ້ຫາ​ວັນ​ທີ 22 ກັນ­ຍາ​ນີ້, ທີ່​ຮ້ານ​ຕົວ​ແທນ​ຂອງ​ຊຳ​ຊຸງ​ທົ່ວ​ປະ­ເທດ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.