ຊຸຊຸກິ ຄັບ 2018 ແຂ່ງຂັນລະບົບໃໝ່ດ້ວຍການເພີ່ມ 10 ທີມ ໃນຮອບສຸດທ້າຍ

ສະຫະພັນບານເຕະອາຊຽນ ( ເອເອັຟເອັຟ ) ຖະແຫຼງການເມື່ອວັນທີ 21 ມີນາ ທີ່ຜ່ານມາ ວ່າ: ການແຂ່ງຂັນບານເຕະ ເອເອັຟເອັຟ ຊຸຊຸກິ ຄັບ ໃນປີ 2018 ຈະເພີ່ມທີມເຂົ້າແຂ່ງຂັນໃນຮອບສຸດທ້າຍເປັນ 10 ທີມ ແບ່ງເປັນ 2 ກຸ່ມໆລະ 5 ທີມ ແລະ ຮອບແບ່ງກຸ່ມທຸກຈະໄດ້ແຂ່ງຂັນໃນບ້ານ 2 ນັດ ແລະ ນອກບ້ານ 2 ນັດ.

ຖືເປັນຂ່າວດີ ແລະ ຫຼາຍທີມຈະມີໂອກາດໄປຫຼິ້ນຮອບສຸດທ້າຍໃນການແຂ່ງຂັນບານເຕະ ເອເອັຟຊີ ຊຸຊຸກິ ຄັບ 2018 ຫຼາຍຂຶ້ນ ເພາະທາງ ເອເອັຟເອັຟ ປະກາດເພີ່ມທີມຈາກ 8 ທີມ ເປັນ 10 ທີມ ແລະ ແບ່ງການແຂ່ງຂັນອອກເປັນ 2 ກຸ່ມໆລະ 5 ທີມ, ແຕ່ລະທີມຈະໄດ້ຫຼິ້ນໃນບ້ານ 2 ນັດ ແລະ ໄປຢາມອີກ 2 ນັດໃນຮອບແບ່ງກຸ່ມ ໂດຍຈະຄັດເອົາ 2 ທີມທີ່ດີທີ່ສຸດໃນແຕ່ລະກຸ່ມເຂົ້າຮອບຕໍ່ໄປ, ສ່ວນໃນຮອບຮອງຊະນະເລີດ ແລະ ຮອບຊີງຊະນະເລີດຈະຍັງຫຼິ້ນກັນແບບໃນບ້ານ ແລະ ນອກບ້ານ.

ຂະນະທີ່ ທ່ານ ດາຕຸກ ຮາມິດິນ ໂມຮໍາໝັດ ອາມິນ ເລຂາທິການສະຫະພັນບານເຕະມາເລເຊຍ ( ເອັຟເອເອັມ ) ລະບຸວ່າ: ພໍໃຈກັບລະບົບໃໝ່ຂອງການແຂ່ງຂັນບານເຕະ ຊຸຊຸກິ ຄັບ ເພາະຈະເປັນໂອກາດສູງສໍາລັບຊາດສະມາຊິກທີ່ເຂົ້າຮ່ວມການແຂ່ງຂັນລາຍການດັ່ງກ່າວ.

“ ຂ້ອຍຍັງບໍ່ເຫັນລາຍລະອຽດສະບັບເຕັມໃນການປ່ຽນລະບົບໃໝ່ຂອງ ຊຸຊຸກິ ຄັບ, ແຕ່ຂ້ອຍໝັ້ນໃຈວ່າຈະມີທ່າອ່ຽງໄປໃນ​ທາງທີ່ດີຂຶ້ນຢ່າງແນ່ນອນ ແລະ ຂ້ອຍເຊື່ອວ່າແຟນຂອງພວກເຮົາຈະໃຫ້ການສະໜັບສະໜູນທຸກການແຂ່ງຂັນຢ່າງແນ່ນອນ ” ທ່ານ ມິນ ເລຂາທິການສະຫະພັນບານເຕະມາເລເຊຍ ( ເອັຟເອເອັມ ) ກ່າວ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.