ຍທຂ ຕິດ­ຕາມ​ການ​ສ້າງ​ທາງລົດ­ໄຟ​ລາວ-ຈີນ​ຢູ່​ຫຼວງ​ນ້ຳ​ທາ

ວັນ​ທີ 28 ມີ­ນາ 2017 ທ່ານ ບຸນ​ຈັນ ສິນ​ທະ​ວົງ ລັດຖະ​ມົນ­ຕີ​ກະ­ຊວງ​ໂຍ­ທາ​ທິ​ການ ແລະ​ການ​ຂົນ­ສົ່ງ ຫົວ­ໜ້າ​ຄະ­ນະຊີ້​ນຳ​ໂຄງ­ການ​ກໍ່­ສ້າງ​ເສັ້ນ​ທງ​ລົດ­ໄຟ​ລາວ-ຈີນ, ພ້ອມ​ດ້ວຍ​ຄະ ນະ​ລົງ​ກວດ­ກາ​ຕິດ­ຕາມ​ໂຄງ­ການ​ກໍ່­ສ້າງ​ເສັ້ນ­ທາງລົດ­ໄຟ​ລາວ-ຈີນ​ຢູ່​ແຂວງ​ຫຼວງ​ນ້ຳ​ທາ.

ໂດຍ​ການ​ຕ້ອນ­ຮັບ​ຢ່າງ​ອົບ​ອຸ່ນ​ຂອງ​ທ່ານ ເພັດ​ຖາ­ວອນ ພິ­ລາ​ວັນ ເຈົ້າ­ແຂວງ​ຫຼວງນ້ຳ​ທາ, ມີ​ກຳ­ມະ­ການ​ພັກ​ແຂວງ ແລະພ້ອມ​ດ້ວຍ​ບັນ­ດາ​ຄະ­ນະ​ນຳ​ຂອງ​ແຂວງ, ຕະ­ຫຼອດ​ຮອດ​ພະ­ນັກ­ງານ​ວິ­ຊາ​ການ​ລົງ ກວດ­ກາ​ຊີ້​ນຳ​ໂຄງ­ການ​ກໍ່­ສ້າງ​ເສັ້ນ­ທາງ ລົດ­ໄຟ​ລາວ-ຈີນ.

ການ​ລົງ​ເຄື່ອນ​ໄຫວ​ດັ່ງ­ກ່າວ​ແມ່ນ ເພື່ອ​ປະ­ຕິ­ບັດ​ຕາມ​ທິດ​ຊີ້​ນຳ​ໂຄງ­ການ ກໍ່­ສ້າງ​ເສັ້ນ­ທາງ​ລົດ­ໄຟ​ລາວ-ຈີນ ຕາມ​ການ​ແຈ້ງ​ການ​ແນະ­ນຳ​ຂອງ​ກະ ຊວງ​ໂຍ­ທາ​ທິ​ການ ແລະ​ການ​ຂົນ­ສົ່ງ, ສະ ບັບ​ເລກ​ທີ 777/ຍທຂ.ລຟ, ລົງ​ວັນ​ທີ 01 ມັງ­ກອນ 2017, ວ່າ​ດ້ວຍ​ການ​ດຳ­ເນີນ​ກໍ່­ສ້າງ​ເສັ້ນ­ທາງ​ເວັ້ນ​ຢູ່​ຂອບ​ເຂດ​ດ່ານ​ສາ­ກົນ​ບໍ່​ເຕ່ນ ແລະ​ດ່ານ​ພາ­ສີ​ສາ­ກົນ​ບໍ່​ເຕ່ນ, ຕັ້ງ​ເປັນ​ປ້ອມ​ກວດ­ກາ​ສະ­ເພາະ ສຳ­ລັບຂົນ­ສົ່ງ​ວັດ​ສະ​ດຸ, ອຸ­ປະ­ກອນ ແລະ​ກົນ​ຈັກ ເພື່ອ​ນຳ​ມາ​ຮັບ​ໃຊ້​ໂຄງ­ການ​ກໍ່­ສ້າງ​ທາງ​ລົດໄຟ​ລາວ-ຈີນ, ບໍ­ລິ­ສັດ​ກໍ່­ສ້າງ​ທາງ​ລົດ­ໄຟ ເປັນ​ຜູ້​ຮັບ­ຜິດ­ຊອບ​ງົບ­ປະ­ມານ​ທັງ​ໝົດ ແລະ​ສົມ­ທົບ​ກັບ​ພາກ­ສ່ວນ​ທີ່​ກ່ຽວ­ຂ້ອງ ຂອງ​ແຂວງ ເພື່ອ​ຈັດ​ຕັ້ງ​ປະ­ຕິ­ບັດ​ໃຫ້​ໄດ້ ຮັບ​ຜົນ​ດີ, ໂດຍ​ສະ­ເພາະ​ແມ່ນ​ພື້ນ​ທີ່​ເຈາະ ອຸ­ມົງ​ມິດ­ຕະ­ພາບ​ລາວ-ຈີນ, ສະ­ຖາ­ນີ​ບໍ່ເຕ່ນ, ຈຸດ​ຕັ້ງ​ແຄ້ມ ແລະ​ສິ່ງ​ອຳ­ນວຍ ຄວາມ​ສະ­ດວກ​ອື່ນໆ, ບັນ­ດາ​ບ້ານ ແລະ ເຮືອນ​ທີ່​ຖືກ​ເສັ້ນ­ທາງ​ລົດ­ໄຟ​ແມ່ນ​ໃຫ້ ຍົກ­ຍ້າຍ​ອອກ​ໄປ​ຕັ້ງ​ເຮືອນ​ໃໝ່​ໃຫ້​ແບບ ຊົ່ວ­ຄາວ, ພ້ອມ​ທັງ​ໄດ້​ອຳ­ນວຍ​ຄວາມ ສະ­ດວກ​ດ້ານ​ໂດຍ​ແມ່ນ​ໄຟ­ຟ້າ ແລະ​ນ້ຳ ປະ­ປາ​ບໍ­ລິ­ສັດ​ທາງ​ລົດ­ໄຟ​ເລກ 5 ສປ ຈີນ ເປັນ​ຜູ້​ຮັບ­ຜິດ­ຊອບ​ໃນ​ການ​ໃຊ້​ຈ່າຍ ແລະ ເພື່ອ​ລໍ­ຖ້າ​ການ​ຈັດ​ສັນ​ໃໝ່​ຂອງ​ລັດ, ປະຊາ​ຊົນ​ສ່ວນ​ໃຫ່​ຍ​ໄດ້​ເຂົ້າ­ໃຈ​ເຖິງ​ແນວ ທາງ​ນະ­ໂຍ­ບາຍ​ຂອງ​ພັກ-ລັດ ໃນ​ການພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ປະ ເທດ​ເຮົາ ແລະ​ທຸກ​ຄົນ​ເຫັນ​ດີ​ເຫັນ​ພ້ອມ ໃນ​ການ​ກໍ່­ສ້າງ​ເສັ້ນ­ທາງ​ລົດ­ໄຟ​ລາວ-ຈີນ.

ຄວາມ​ຄືບ​ໜ້າ​ການ­ຈັດ­ຕັ້ງ​ປະ­ຕິ­ບັດ ໂຄງ­ການ​ກໍ່­ສ້າງ​ເສັ້ນ­ທາງ​ລາວ​ຈີນ​ຊ່ວງ ທີ່​ໜື່ງ​ເລີ່ມ​ແຕ່​ບໍ່​ເຕ່ນ​ຊາຍ​ແດນ​ລາວ-ຈີນ ຫາ​ເມືອງ​ນາ​ໝໍ້​ແຂວງ​ອຸ­ດົມ​ໄຊ​ມີ​ຄວາມຍາວ 52,9 ກິ­ໂລ­ແມັດ,ໃນ​ນັ້ນ​ ຜ່ານແຂວງ​ຫຼວງ​ນ້ຳ​ທາ 16,9 ກິ­ໂລ­ແມັດ, ມີ​ສອງ​ສະ­ຖາ­ນີ​ຄື: ສະ­ຖາ­ນີ​ບໍ່​ເຕ່ນ​ເປັນສະ­ຖາ­ນີ​ນ້ອຍ​ສຳ­ລັບ​ກວດ​ຄົນ​ເຂົ້າ​ອອກ ເມືອງ ແລະ​ສະ­ຖາ­ນີ​ນາ​ເຕີຍ​ເປັນ​ສະ​ຖາ ນີ​ໃຫຍ່​ສຳ­ລັບ​ຄ່ຽນ​ຖ່າຍ​ສິນ­ຄ້າ, ມີ​ຂົວ 7 ແຫ່ງ ຍາວ 4.907 ແມັດ ແລະ​ອຸ­ມົງ 3 ແຫ່ງ ຍາວ 10.054 ແມັດ​ຄື: ອຸ­ມົງມິດ­ຕະ­ພາບ​ລາວ-ຈີນ, ອຸ­ມົງ​ບໍ່​ເຕ່ນ ແລະ ອຸ­ມົງ​ຕີນ​ຕົກ,ສຳ­ເລັດ​ການ​ເກັບ​ກູ້​ລະ­ເບີດ​ຍັງ​ບໍ່​ທັນ​ແຕກ​ຕາມ​ແລວ​ທາງ ແລະ​ຂອບ ເຂດ​ສະ­ຖາ­ນີ​ລົດ­ໄຟ​ມາ​ຮອດ​ປະ­ຈຸ​ບັນ ເກືອບ 100%, ໄກ່​ເກ່ຍ​ແກ້​ໄຂ​ຜົນ​ກະ­ທົບ ແລະ​ສິ່ງ​ກິດ​ຂວາງ​ອອກ​ແລວ​ທາງ​ນັ້ນ​ແມ່ນ​ທາງ​ຄະ­ນະ​ກຳ­ມະ­ການ​ໄດ້​ໄກ່​ເກ່ຍ ແລະ​ມອບ​ດິນ​ໃຫ້​ຜູ້​ຮັບ​ເໜົາ​ແລ້ວ.

ມື້­ຕໍ່­ມາ ທ່ານ​ລັດ­ຖະ­ມົນ­ຕີ​ຍັງ​ໄດ້​ໂອ້ ລົມ​ຄະ­ນະ​ຊີ້​ນຳ​ຂອງ​ແຂວງ​ໃຫ້​ເອົາ­ໃຈ ໃສ່​ຄຸ້ມ​ຄອງ​ຊີ້​ນຳໆ​ພາ​ວຽກ​ງານ​ທາງ​ລົດໄຟ​ລາວ-ຈີນ, ໂດຍ​ສະ​ພາ​ະ​ຢູ່​ຂອບ​ເຂດດ່ານ​ສາ­ກົນ​ບໍ່​ເຕ່ນ ແລະ​ດ່ານ​ພາ­ສີ​ສາກົນ, ສຳ­ລັບ​ຂົນ­ສົ່ງ​ວັດ​ສະ​ດຸ, ອຸ­ປະ­ກອນ ແລະ​ກົນ​ຈັກ​ເພື່ອ​ຮັບ​ໃຊ້​ເຂົ້າ​ໃນ​ການ​ກໍ່ສ້າງ​ທາງ​ລົດ­ໄຟ​ລາວ-ຈີນ ແລະ​ຍັງ​ໃຫ້​ຮູ້​ວ່າ​ກ່ຽວ​ກັບ​ການ​ຕົກ­ລົງ​ຂອງ​ລັດ​ຖະບານ​ໃນ​ການ​ສ້າງ​ທາງ​ລົດ­ໄຟ​ລາວ-ຈີນ ແລະ​ການ­ຈັດ­ຕັ້ງ​ປະ­ຕິ­ບັດ​ການ​ກໍ່­ສ້າງ, ທັງ​ຕິດ­ຕາມ​ກວດ­ກາ, ປຶກ­ສາ​ຫາ­ລື​ການແບ່ງ​ທີ່​ດິນ ແລະ​ສິ່ງ​ກິດ​ຂວາງ​ທາງ​ດ້ານຜົນ­ລະ­ປູກ, ຮ້ານ​ຂາຍ­ເຄື່ອງ, ເຮືອນ​ຂອງປະ­ຊາ­ຊົນ.

ໂຄງ­ການ​ນີ້​ແມ່ນ​ໂຄງ­ການ​ທີ່​ນອນ ຢູ່​ໃນ​ແຜນ​ຍຸດ​ທະ​ສາດ​ຂອງ​ລັດ­ຖະ­ບານ ແລະ​ນອນ​ໃນ​ແຜນ­ການ​ຍຸດ​ທະ​ສາດ​ຂອງ ກະ­ຊວງ​ໂຍ­ທາ​ທິ​ການ ແລະ​ຂົນ­ສົ່ງ, ເປັນ​ການ​ຕົກ­ລົງ​ຂອງ​ສອງ​ລັດ­ຖະ­ບານ ເມືອ​ສຳ­ເລັດ​ແລ້ວ ສປປ ລາວ ຈະ​ມີ​ການເຊື່ອມ​ໂຍງ​ຕໍ່​ພາກ​ພື້ນ​ຂອງ​ອາ​ຊຽນ, ເປັນການ​ພັດ­ທະ­ນາ​ເສດ­ຖະ­ກິດ​ສັງ­ຄົມ​ຂອງ ປະ­ເທດ​ກໍ​ຄື: ການ​ຄ້າ, ການ​ບລິ​ການ, ການ­ທ່ອງ­ທ່ຽວ ແລະ​ໂຄງ­ການ​ນີ້​ແມ່ນລັດ­ຖະ­ບານ​ລົງ­ທຶນ 730 ລ້ານ​ໂລ​ດາ​ສະຫະ​ລັດ, ຖື​ຫຸ້ນ 40%.

ໂດຍ: ກິ່ນ​ນາ​ລົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.