ຍທຂ ໄຊ​ຍະ​ບູ​ລີ​ສະ​ຫຼ​ບວຽກ​ງານ​ປະ­ຈຳ​ປີ

ກອງ​ປະ­ຊຸມ​ວຽກ​ງານ​ໂຍ­ທາ​ທິການ ແລະ​ຂົນ­ສົ່ງ (ຍທຂ) ທົ່ວ​ແຂວງໄຊ​ຍະ​ບູ​ລີ​ປະ­ຈຳ​ປີ 2016 ໄດ້​ໄຂ​ຂຶ້ນ​ໃນວັນ​ທີ 29 ມີ­ນາ 2017 ນີ້ ທີ່​ຫ້ອງ​ປະ­ຊຸມ ຫ້ອງ​ວ່າ­ການ​ປົກ­ຄອງ​ແຂວງ ໂດຍ​ການເປັນ​ປະ­ທານ​ຂອງ ທ່ານ ເພັງ​ນິ​ລັນ ຄຳພັນ​ເພັງ ຮອງ​ເຈົ້າ­ແຂວງໆ​ໄຊ​ຍະ​ບູ​ລີ ເຂົ້າຮ່ວມ​ມີ ທ່ານ ສັນ­ຕິ​ສຸກ ສິມ​ມາ­ລາ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ​ຂົນ­ສົ່ງ, ມີ​ຫົວ­ໜ້າ​ກົມ, ຫົວ­ໜ້າ- ຮອງ​ຫົວ­ໜ້າ​ພະ­ແນກ­ການ​ອ້ອມ​ຂ້າງແຂວງ, ມີ​ເຈົ້າ­ເມືອງ-ຮອງ​ເຈົ້າ­ເມືອງ, ມີ​ຫົວ­ໜ້າ-ຮອງ​ຫົວ­ໜ້າ​ຫ້ອງ­ການ​ໂຍ ທາ​ທິ​ການ 11 ເມືອງ, ຕະ­ຫຼອດ​ເຖິງ ຫົວ­ໜ້າ​ບໍ­ລິ­ສັດ​ລັດ​ວິ​ສາ​ຫະ​ກິດ ແລະ​ບໍ​ລິສັດ​ເອ­ກະ​ຊົນ​ເຂົ້າ​ຮ່ວມ.

ກອງ​ປະ­ຊຸມ​ຜູ້​ເຂົ້າ​ຮ່ວມ​ໄດ້​ຮັບ​ຟັງ​ບົດສະ­ຫຼຸບ​ຕີ​ລາ­ຄາ​ການ­ຈັດ­ຕັ້ງ​ປະ­ຕິ­ບັດວຽກ​ງານ​ໂຍ­ທາ​ທິ​ການ ແລະ​ຂົນ­ສົ່ງ​ທົ່ວແຂວງ​ປະ­ຈຳ​ປີ 2016 ແລະ ຜ່ານ​ທິດທາງ​ແຜນ­ການ​ປີ 2017 ຈາກ ທ່ານ ແພງ​ຊ້ອຍ ແພງ​ເມືອງຫົວ­ໜ້າ​ພະ​ແນກໂຍ­ທາ​ແຂວງ ຊຶ່ງ​ກ່ອນ​ອື່ນ​ທ່ານ​ໄດ້​ຍົກໃຫ້​ເຫັນ​ຜົນ­ງານ​ດ້ານ​ດີ-ດ້ານ​ອ່ອນ, ຂໍ້ ຄົງ​ຄ້າງ ແລະ​ບົດ­ຮຽນ​ທີ່​ຖອດ​ຖອນ​ໄດ້ ຈາກ​ການ­ຈັດ­ຕັ້ງ​ປະ­ຕິ­ບັດ​ໜ້າ­ທີ່​ວຽກງານ​ວິ­ຊາ​ການ​ສະ­ເພາະ​ໃນ​ໄລ­ຍະ​ຜ່ານມາ.

ທ່ານ​ຍັງ​ໄດ້​ກ່າວ​ຕື່ມ​ອີ​ກວ່າ: ທົ່ວແຂວງ​ມີ​ຕາ​ໜ່າງ​ເສັ້ນ­ທາງ​ຄົມ​ມະ​ນາ ຄົມ​ຍາວ​ທັງ​ໝົດ 3 ພັນ​ກວ່າ​ກິ­ໂລ­ແມັດ ໃນ​ນັ້ນ​ທາງ​ຫຼວງ​ແຫ່ງ​ຊາດ​ຍາວ 500 ກວ່າ​ກິ­ໂລ­ແມັດ ທາງ​ຫຼວງ​ທ້ອງ­ຖິ່ນ 2,7 ພັນ​ກວ່າ​ກິ­ໂລ­ແມັດ ແລະ​ແຍກ​ເປັນທາງ​ປູ­ຢາງ​ຂົ້ວ 83 ກວ່າ​ກິ­ໂລ­ແມັດ, ປູ­ຢາງ​ນ້ຳ 2 ຊັ້ນ 855 ກວ່າ​ກິ­ໂລ­ແມັດ, ປູ​ຫີນ ແລະ​ປູ​ດິນ​ທຳ​ມະ​ຊາດ 2 ພັນ ກວ່າ​ກິ­ໂລ­ແມັດ, ທົ່ວ​ແຂວງ​ມີ​ເສັ້ນ­ທາງ ເຂົ້າ​ເຖິງ 430 ບ້ານ ໃນ​ນັ້ນ​ເສັ້ນ­ທາງທີ່​ສາ­ມາດ​ທຽວ​ໄດ້ 2 ລະ­ດູ​ມີ 355 ບ້ານ, ບໍ​ລິ​ມາດ​ຂົນ­ສົ່ງ​ສິນ­ຄ້າ​ເທົ່າ​ກັບ 95% ຂອງ​ແຜນ­ການ, ການ​ຂົນ­ສົ່ງ​ໂດຍ­ສານ​ເທົ່າ​ກັບ 105% ຂອງ​ແຜນ­ການ, ພາ­ຫະ­ນະ​ທາງ­ບົກ​ທີ່ ຂຶ້ນ​ທະ­ບຽນ​ທັງ​ໝົດ 2,5 ພັນ​ກວ່າ​ຄົນ, ທາງ­ນ້ຳ16 ລຳ.

ໃນ​ສົກ 2015-2016 ຜ່ານ​ມາ​ຍັງ​ມີໂຄງ­ການ​ກໍ່­ສ້າງ​ພື້ນ­ຖານ​ໂຄງ​ລ່າງ​ທີ່​ອະນຸ​ມັດ​ທັງ​ໝົດ​ມີ 123 ໂຄງ­ການ, ລວມມູນ​ຄ່າ 1.200 ຕື້​ກວ່າ​ກີບ, ໂຄງ­ການ ລັດ­ຖະ­ບານ​ມອບ​ໃຫ້​ແຂວງ​ຄຸ້ມ​ຄອງ​ມີ 108 ໂຄງ­ການ. ມູນ​ຄ່າ 737 ຕື້​ກວ່າກີບ. ປະ­ຕິ­ບັດ​ສຳ­ເລັດ​ແລ້ວ 100% ມີ 87 ໂຄງ­ການມູນ​ຄ່າ 631 ຕື້​ກວ່າ​ກີບ ທຽບ­ໃສ່​ແຜນ­ການ​ປີ​ເທົ່າ​ກັບ 85,67%.

ກອງ​ປະ­ຊຸມ​ຜູ້​ເຂົ້າ​ຮ່ວມ​ຍັງ​ຈະ​ໄດ້​ຜັດປ່ຽນ​ກັນ​ຂຶ້ນ​ປະ­ກອບ​ຄຳ​ຄິດ​ຄຳ​ເຫັນ​ໃສ່ບົດ​ສະ­ຫຼຸບ​ເພື່ອ​ໃຫ້​ບົດ​ດັ່ງ­ກ່າວ​ມີ​ເນື້ອ​ໃນ ຄົບ​ຖ້ວນ, ຈາກ​ນັ້ນ ກໍ​ຈະ​ໄດ້​ຮັບ​ຟັງ​ການໂອ້​ລົມ​ຂອງທ່ານ ສັນ­ຕິ​ສຸກ ສິມ​ມາ­ລາ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ​ຂົນ­ສົ່ງ​ຕື່ມ​ອີກ ແລະ​ຈະ​ໄດ້​ດຳ­ເນີນກອງ​ປະ­ຊຸມ​ໄປ​ເປັນ​ເວ­ລາ 2 ວັນ ຈິ່ງ​ຈະສຳ­ເລັດ.

ໂດຍ: ອຸ່ນ​ເຮືອນ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.