ຍີ່ປຸ່ນມອບອາຫານທ່ຽງເດັກນ້ອຍລາວມູນຄ່າ 27 ຕື້ກວ່າກີບ

  ລັດຖະບານຍີ່ປຸ່ນໃຫ້ການຮ່ວມມືຊ່ວຍເຫຼືອໂດຍຜ່ານອົງການອາຫານໂລກໃນການຈັດຕັ້ງປະຕິບັດສະໜັບສະໜູນອາຫານທ່ຽງໃນໂຮງຮຽນໃຫ້ແກ່ເດັກນ້ອຍລາວເພື່ອປະກອບສ່ວນສ້າງຊຸມຊົນມີຄວາມເຂັ້ມແຂງ ແລະເດັກມີສຸຂະພາບດີໃນນັ້ນປະກອບມີເຂົ້າສານ ແລະປາກະປ໋ອງລວມມູນຄ່າ 3,2 ລ້ານໂດລາ ເທົ່າ ກັບ 27,2 ຕື້ກວ່າກີບ.

  ພິທີມອບ-ຮັບໄດ້ຈັດຂຶ້ນວັນທີ 7 ມິຖຸນາ 2019 ທີ່ສາງເກັບເຄື່ອງອົງການອາຫານໂລກປະຈຳລາວ ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງ ທ່ານ ທາເກຊິ ຮິກິຮາຣະ ເອກອັກຄະຣາຊະ ທູດຍີ່ປຸ່ນປະຈຳລາວ, ທ່ານ ຢານ ເດວ ບາເຣີ ຜູ້ອຳນວຍການ ແລະຜູ້ຕາງໜ້າອົງການອາຫານໂລກປະຈຳລາວບັນດາແຂກພາກສ່ວນກ່ຽວຂ້ອງເຂົ້າຮ່ວມ.

  ສຳລັບເຄື່ອງທີ່ໄດ້ຮັບຈາກລັດຖະບານຍີ່ປຸ່ນໃນການສະໜັບສະໜູນຄັ້ງນີ້ປະກອບມີເຂົ້າສານ ແລະປາກະປ໋ອງລວມມູນຄ່າທັງໝົດ 3,2 ລ້ານໂດລາ ເທົ່າກັບ 27 ຕື້ກວ່າກີບເພື່ອນຳໄປໃຊ້ໃນວຽກງານອາຫານທ່ຽງໃນໂຮງຮຽນໃຫ້ກັບເດັກນ້ອຍທົ່ວປະເທດລາວໃນນັ້ນສະເພາະພາກໃຕ້ແຂວງທີ່ໄດ້ຮັບຜົນກະທົບໄພພິບັດນໍ້າຖ້ວມທີ່ຮ້າຍແຮງເຊັ່ນ: ແຂວງອັດຕະປື ແລະແຂວງເຊກອງແມ່ນຈະໄດ້ຮັບເຄື່ອງຊ່ວຍເຫຼືອເຂົ້າສານຈຳນວນ 205 ໂຕນ ແລະປາກະປ໋ອງ 17 ໂຕນ ເພື່ອຕອບສະໜອງບັນດາປະຊາຊົນທີ່ໄດ້ຮັບຜົນກະທົບໃນປີທີ່ຜ່ານມາຈຸດປະສົງເພື່ອແນໃສ່ເປົ້າໝາຍຕົວຊີ້ວັດທີ່ກ່ຽວ ຂ້ອງກັບເປົ້າໝາຍພັດທະນາແບບຍືນຍົງ ວ່າດ້ວຍການລຶບລ້າງຄວາມທຸກຍາກ, ການປະກອບສ່ວນຈັດຕັ້ງປະຕິບັດດ້ານວິຊາການໃຫ້ຫຼຸດອັດຕາຄວາມບໍ່ໝັ້ນຄົງຂອງເດັກນ້ອຍ ສປປ ລາວ ເຕັມໄປດ້ວຍໂພຊະນາການເຕີບໃຫຍ່ຂະຫຍາຍຕົວຄວາມເຂັ້ມແຂງ ແລະມີສຸຂະພາບດີ.

ພາບ ແລະ ຂ່າວໂດຍ: ໜັງສືພີມເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.