ຍີ່​ປຸ່ນກຽມ​ອອກ​ກົດໝາຍ​ຫ້າມ​ສູບຢາ​ຢູ່​ພາຍ​ໃນ​ອາຄານ

ລັດຖະບານ​ຍີ່ປຸ່ນ​ກຽມ​ອອກ​ກົດໝາຍ​ຄວບ​ຄຸມ​ການ​ສູບຢາ ​ໂດຍ​ມຸ່ງ​ຫວັງ​ທີ່​ຈະ​ປ່ຽນ​ພາບ​ລັກ​ຂອງ​ປະ​ເທດ​ໃຫ້​ເປັນ​ປະ​ເທດ​ປອດ​ຢາສູບ ກ່ອນ​ຕອນ​ຮັບ​ຕ່າງປະ​ເທດ​ທີ່​ເດີນທາງ​ມາ​ເບິ່ງ​ການ​ແຂ່ງ​ຂັນ​ກິລາ​ໂອ​ລິ​ມປິກ​ປີ 2020.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ສາທາ​ລະ​ນາ​ສຸກ​ຍີ່ປຸ່ນ​ກຽມ​ທີ່​ຈະ​ເໜີ​ກົດໝາຍຫ້າມ​ສູບຢາ​ຢູ່​ຫ້ານ​ອາຫານ ​ແລະ ອາຄານ​ສາທາລະນະ​ຫຼາຍ​ແຫ່ງ ​ເຂົ້າ​ສູ່​ການ​ພິຈາລະນາ​ຂອງ​ລັດ​ສະ​ພາ​ພາຍ​ໃນ​ເດືອນ​ມິຖຸນາ​ນີ້ ​ໂດຍ​ຖ້າ​ຫາ​ກກົດໝາຍ​ສະບັບີ້​ໄດ້​ຮັບ​ການ​ອະນຸມັດ ​ແລະ ມີ​ຜົນ​ບັງຄັບ​ໃຊ້ ຜູ້​ທີ່​ຝ່າ​ຝື່ນ​ຈະ​ຖືກ​ປັບ​ໃໝ​ເປັນ​ເງິນ​ສູງ​ເຖິງ 3 ​ແສນ​ເຢນ ທັງ​ນີ້ ພາຍ​ໃຕ້​ກົດໝາຍ​ສະບັບ​ໃໝ່ ອາຄານ​ຕ່າງໆ​ສາມາ​ດສ້າງ​ຫ້ອງ​ສຳລັບ​ສູບຢາ​ແຍກ​ອອກ​ມາ​ຕ່າງຫາກ​ໄດ້ ​ແລະ ສະຖານ​ທີ່​ທີ່​ມີ​ພື້ນ​ທີ່​ໃຊ້​ສອຍ​ໜ້ອຍ​ກວ່າ 30 ​ແມັດ​ມົນທົນ​ຈະ​ບໍ່​ໄດ້​ຮັບ​ຜົນ​ກະທົບ​ໃນ​ເລື່ອງ​ຂອງ​ການ​ຫ້າມ​ສູບຢາ.

ຜູ້ອຳນວຍການ​ຂອງ​ດັບ​ເບິ​ລຢູ​ເອຊ​ໂອ​ຢູ່​ນະຄອນຫຼວງ​ມະນີ​ລາ​ຂອງ​ຟິລິບ​ປິນກ່າວ​ວ່າ ມີ​ຄົນ​ຍີ່ປຸ່ນ​​ເສຍ​ຊີວິດ​ຈາກ​ການ​ສູບຢາ​ປີ​ລະ 130.000 ຄົນ ​ແລະ ອີກ​ຫຼາຍ​ກວ່າ 15.000 ຄົນ​ເສຍ​ຊີວິດ​ຈາກ​ການ​ສູບ​ດົມ​ຄວັນ​ຢາສູບ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.