ຕວັກກີ ​ຂໍ​ເງິນ​ອີ​ຢູ-ຍົກ​ເວັ້ນວີ​ຊາ​ແລກ​ກັບ​ຜູ້​ອົບ​ພະ​ຍົບ

   ຕວັກ​ກີ​ຂໍ​ເງິນ​ອີ​ຢູ 3 ຕື້​ເອີ​ໂຣ ​ແລະ ຂໍ​ຍົກ​​ເວັ້ນການກວດ​ກາສຳລັບ​ຊາວ​ຕວັກ​ກີ​ທີ່​ເດີນທາງ​ໄປ​ກຸ່ມ​ປະ​ເທດ​ອີ​ຢູ ​ແລກ​ປ່ຽນ​ກັບ​ການ​ຮັບ​ຜູ້​ອົບ​ພະຍົບ​ເອົາ​ໄວ້.

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ການ​ເຈລະຈາ​ກກ່ຽວກັບ​ບັນຫາວິ​ກິດ​ຜູ້​ອົບ​ພະຍົບຢູ່​ທີ່​ນະຄອນ​ຫຼວງ​ບຣຸກ​ແຊນ​ຂອງ​ແບນ​ຊິກ​ໃນ​ວັນ​ທີ 7 ມີນາ​ທີ່​ຜ່ານ​ມາ ລະຫວ່າງ​ຜູ້ນຳ​ກຸ່ມ​ສະຫະພາບ​ເອີຣົບ(ອີ​ຢູ) ກັບ​ຕວັກ​ກີ ສາມ​າດບັນລຸ​ຂໍ້​ຕົກລົງ​ເບື້ອງ​ຕົ້ນ​ໄດ້​ແລ້ວ ຫຼັງ​ຈາກ​ຜູ້ນຳ​ອີ​ຢູຍອມຮັບ​ຂໍ້​ສະ​ເໜີ​ຂອງ​ທ່ານ ອາ​ເໝັດ ດາ​ວູ​ໂຕກ​ລູ ນາຍົກລັດຖະມົນຕີ ຂອງຕວັກ​ກີ​ທີ່​ຂໍ​ເງິນ​ຊ່ວຍ​ເຫຼືອ​ອີກ 3 ຕື້​ເອີ​ໂຣ ​ແລະ ຂໍ​ຍົ​ກ​ເວັນ​ການກວດ​ກາສໍາລັບ​ຊາວ​ຕວັກ​ກີ​ທີ່​ຈະ​ເດີນທາງ​ໄປ​ຍັງ​ກຸ່ມ​ປະ​ເທດ​ອີ​ຢູ ​ເພື່ອ​ແລກ​ກັບ​ການ​ທີ່​ຕວັກ​ກີ​ຈະ​ຮັບ​ຜູ້​ອົບ​ພະຍົບຜິດ​ກົດໝາຍ​ທັງ​ໝົດ​ໃນ​ເກາະ​ຂອງ​ເກຣັກ ພ້ອມ​​ແນະ ນຳ​ໃຫ້​ມີ​ການ​ຕົກລົງ​ກັນ​ແບບ​ຕົວ​ຕໍ່​ຕົວ​ສຳລັບ​ປະ​ເທດ​ທີ່​ຕ້ອງການ​ທີ່ຢູ່​ໃໝ່​ໃຫ້​ກັບ​ຜູ້​ອົບ​ພະ​ຍົບຊາວ​ຊີຣີ​ໃນ​ຕວັກ​ກີ.

ທ່ານ ​ໂດ​ນັລ ທັສ ປະທານ​ຄະນະ​ລັດຖະມົນຕີ​ເອີຣົບກ່າວ​ວ່າ ຈະ​ມີ​ການ​ລົງ​ນາມ​ລາຍ​ລະອຽດ​ດ້ານ​ກົດໝາຍ​ເພື່ອ​ໃຫ້​ບັນລຸ​ຂໍ້​ຕົກລົງ​ຂັ້ນ​ສຸດ​ທ້າຍ​ໃນ​ກອງ​ປະຊຸມ​ສຸດ​ຍອດ​ເອີຣົບຢູ່​ທີ່​ນະຄອນຫຼວງ​ບຣຸກ​​ແຊນ​ໃນ​ລະຫວ່າງ​ວັນ​ທີ 17-18 ມີນາ​ນີ້ ​ແລະ ຕອນ​ນີ້​ທຸກ​ຄົນ​ກຳລັງ​ຮັບ​ຮູ້​ເຖິງ​ຄວາມຈິງ​ວ່າ ​ເລື່ອງ​ນີ້​ໄດ້​ພັດທະນາ​ໄປ​ອີກ​ລະດັບ​ໜຶ່ງ​ແລ້ວ ​ແລະ ​ເທື່ອ​ນີ້​ຖື​ເປັນ​ບາດກ້າວ​ສຳຄັນ​ສຳລັບ​ການ​ຍຸຕິ​ວິ​ກິດ​ການ​ໂຍກ​ຍ້າຍ​ຂອງ​ຜູ້​ຄົນ​ທີ່​ໃຫຍ່​ສຸດ​ນັບ​ຕັ້ງ​ແຕ່​ສົງຄາມ​ໂລກ​ຄັ້ງ​ທີ່ 2 ​ເປັນ​ຕົ້ນ​ມາ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.