ຖົງ​ໃຕ້​ຕາ​ເກີດ​ມາ​ຈາກ​ສາ​ເຫດ​ໃດ?

ໜຶ່ງ​ໃນ​ບັນຫາ​ໃຫຍ່​ຂອງ​ຫຼາຍໆ​ຄົນ ​ໂດຍສ​ະ​ເພາະ​ແມ່ນ​ເອື້ອຍ​ນ້ອງ​ແມ່ຍິງ ​ແລະ​ຖົງ​ໃຕ້​ຕາ​ທີ່​ມີ​ລັກສະນະບວມ​ພອງ​ເປັນ​ວົງ​ຢູ່​ກ້ອງ​ຕາ ຊຶ່ງ​ມັນ​ບົ່ງ​ບອກ​ສະພາບ​ໃບ​ໜ້າ​ທີ່​ຊຸດ​ໂຊມ​ ​ແລະໝົດ​ສະ​ເໜ.

ຖົງ​​ໃຕ້​ຕາ​ມີ 2 ລັກສະນະ​​ຄື 1 ຖົງ​​ໃຕ້​ຕາ​ແທ້ ​ແລະ2 ​ຖົງ​​ໃຕ້​ຕາ​ທຽມ  ​ສຳລັບ​ລັກສະນະ​ທີ 1 ​ແມ່ນ​ເກີດ​ຈາກ​ກຳມະພັນ ​ແລະ​ລະບົບ​ຕ່ອມ​ໄຮ້​ທໍ່​ພາຍ​ໃນ​ຮ່າງກາຍ​ເຮັດ​ວຽກ​ຜິດ​ປົກກະຕິ ຈິ່ງ​ເຮັດ​ໃຫ້​ໄຂມັນ ​ແລະ​ຂອງ​ແຫຼວ​ໄຫຼມາ​ລວມກັນ​ຢູ່​ບໍລິ​ເວນ​​ໃຕ້​ຕາ ​ເຮັດ​ໃຫ້​ເກີດ​ອາການ​ບວມ ຊຶ່ງ​ປົກກະຕິ​​ແລ້ວ​ຖົງ​​ໃຕ້​ຕາ​ຈະ​ຖືກ​ກັ້ນ​ໄວ້ດ້ວຍ​ກ້າມ​ຊີ້ນ​ເປືອກ​ຕາ​ທີ່​ແຂງ​ແຮງ ​​ແຕ່​ສາ​ເຫດ​ທີ່​ພົບ​ຫຼາຍ​ແມ່ນ​ເປັນ​ຍ້ອນການ​ເສື່ອ​ມຂອງ​ຜິວໜັງ​ຕາມ​ການ​ເວລາ​ອັນ​ເນື່ອງ​ມາ​ຈາກ​ເນື້ອ​ເຍື່ອທີ່​ຮອງ​ຮັບ​ຖົງ​ໄຂມັນ​ເກີດ​ການ​ຢ່ອນຍານຕາມ​ໄວອາຍຸ​ນັ້ນ​ເອງ.

ສ່ວນ​ສາ​ເຫດ​ທີ 2 ​ແມ່ນຖົງ​​ໃຕ້​ຕາ​ທຽມ ຊຶ່ງ​ເປັນ​ອາການ​ບວມ​ນ້ຳ​ທີ່​ເກີດ​ຢູ່​ບໍລິ​ເວນ​​ໃຕ້ຕາ​ລຸ່ມ ຫຼື ທີ່​ເອີ້ນ​ກັນ​ວ່າຕາບ​ວມ (ຖົງ​​ໃຕ້​ຕາບ​ວມ) ຊຶ່ງ​​ມີ​ສາ​ເຫດ​ມາ​ຈາກ​ຫຼາຍ​ປັດ​ໄຈ​ເຊັ່ນ ລະບົບ​ການໄຫຼ​ວຽນ​ໃນ​ຮ່າງກາຍ​ບໍ່​ມີ​ປະສິດທິພາບ​ດີ​ພໍ ຈິ່ງສົ່ງ​ຜົນ​ໃຫ້​ຂອງ​ແຫຼວ​ໄຫຼ​ມາ​ລວມກັນ​ຢູ່​ບໍລິ​ເວນ​​ໃຕ້ຕາ ​ແລະ​ເກີດ​ຈາກ​ການ​ຮ້ອງ​ໃຫ້​ຫຼາຍ​ເກີນ​ໄປ ​ອີກ​ທັງ​​ການ​ຖູ (ຍີ) ຕາ​ເລື້ອຍໆ ການ​ເຮັດ​ວຽກຕອນ​ກາງຄືນ ​ດື່ມ  ​ແອ​ລກໍ​ຮໍ​ລຫຼາຍ ​ແລະ​ອາການ​ແພ້​ສານ​ຕ່າງໆ ລວມ​ເຖິງ​ການ​ໃຊ້​ສາຍຕາ​ຫຼາຍ ຊ່ຶງ​ການ​ປິ່ນປົວ​ແມ່ນ​ຕ້ອງ​ປ່ຽນ​ແປງ​ພຶດຕິ​ກຳ​ດຳລົງ​ຊີວິດ ​ແລະ​ໝັ່ນ​ປະ​ຄົບ​ເຢັນ​ກໍ​ຈະ​ຄ່ອຍໆ​ຫາຍດີ​ໄປ​ເອງ. ​

ສຳລັບ​ທ່ານ​ທີ່​ມີ​ບັນຫາ​ກ່ຽວ​ກັບຖົງ​​ໃຕ້​ຕາ​ແທ້ ​ຈະ​ສັງ​ເກດ​ເຫັນ​ໄດ້​ຕັ້ງ​ແຕ່​ອາຍຸ 20 ປີຂຶ້ນ​ໄປ​ ຊຶ່ງ​ຖົງ​ໄຂມັນ​ທີ່​ມີຢູ່​ໃນ​ເບົ້າຕາ​​ແມ່ນ​ມີ​ທັງ​ໝົດ 5 ຖົງ​ຄື ຢູ່​ເໜືອ​​ເປືອກ​ຕາ​ເທິງ 2 ຖົງ ​ແລະ​ຢູ່​ກ້ອງ​ເປືອກ​ຕາ​ລຸ່ມ 3 ຖົງ ​ແຕ່​ຖົງ​ທີ່ຢູ່​​ເບື້ອງ​ລຸ່ມ​ທີ່​ເຄື່ອນ​ອອກ​ມາ ​ແລະ​​ມີ​ບັນຫາ​ເລື້ອຍໆ​ມີ​ຢູ່ 2 ຖົງ​ຄື ຖົງ​ກາງ ​ແລະ​ບາງ​ສ່ວນ​ຂອງ​ຖົງ​ໄຂມັນ​ທີ່ຢູ່​ດ້ານ​ໃນ ການ​ເອົາ​ໃຈ​ໃສ່​ນອນ​ຫຼັບ​ພັກຜ່ອນ​ໃຫ້​ພຽງພໍ ​ແລະ​ຫຼີກ​​ເວັ້ນການ​ສຳຜັດ​ບໍລິ​ເວນ​ຮອບ​ດວງ​ຕາ​ຈິ່ງ​ງຈະ​ເຮ​ັດ​ໃຫ້​ຜິວໜັງ​ບໍລິ​ເວນ​ໃຕ້​ຕາ​ບໍ່​ເປັນ​ຖົງ.

 

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.