ທຣັມຈະ​ບໍລິຈາກ​ເງິນ​ເດືອນ 4 ​ແສນ​ໂດ​ລາ​ໃຫ້ການ​ກຸສົນ

ໂດ​ນັລ ທຣັມ ປະທານາທິບໍດີ ອ​ເມ​ລິ​ກາ ຈະ​ບໍລິຈາກ​ເງິນ​ເດືອນ​ໃນ​ຕຳ​ແໜ່​ງປະທານາທິບໍດີ ຊຶ່ງ​ເປັນ​ເງິນ​ເດືອນ​ປີ​ລະ 4 ​ແສນ​ໂດ​ລາ​ສະຫະລັດ ​ແລະ ຢາກ​ໃຫ້​ສື່​ມວນ​ຊົນ​ເປັນ​ຜູ້​ເລືອກ​ວ່າ ຈະ​ໃຫ້​ບໍລິຈາກ​ໃຫ້​ອົງການ​ການ​ກຸສົນ​ແຫ່ງ​ໃດ.

ສຳນັກ​ຂ່າວ​ຕ່າງປະ​ເທດລາຍ​ງານ​ວ່າ: ​ໂຄສົກ​ຂອງ​ປະທານາທິບໍດີ​ທຣັມກ່າວ​ວ່າ ທຣັມມີ​ຄວາມ​ປະສົງຈະ​ບໍລິຈາກ​ເງິນ​ເດືອນ​ເມື່ອ​ຮອດ​ທ້າຍ​ປີ​ນີ້ ​ຊຶ່ງ​ເປັນ​ໄປ​ຕາມ​ທີ່​ລາວ​ໃຫ້​ສັນຍາ​ກັບ​ປະຊາຊົນ​ອາ​ເມ​ລິ​ກາ​ໄວ້ ​ແລະ ​ທຣັມຢາກ​ຈະ​ຂໍ​ໃຫ້​ສື່​ມວນ​ຊົນ​ທັງຫຼາຍ​ເປັນ​ຜູ້​ເລືອກອົງການ​ກຸສົນ​ວ່າ​ຈະ​ໃຫ້​ບໍລິຈາກ​ໃຫ້​ໜ່ວຍ​ງານ​ໃດ ​ເພື່ອ​ຫຼີກ​ເວັ້ນການ​ກວດກາ​ຈາກ​ສື່​ມວນ​ຊົນ ​ເນື່ອງ​ຈາກ​ໃນ​ໄລຍະ​ທີ່​ຜ່ານ​ມາ ສື່​ມວນ​ຊົນ​ໄດ້​ພະຍາຍາມ​ກວດກາ​ການ​ບໍລິຈາກ​ເງິນ​ຂອງ​ທ່ານ​ທຣັມ ​ແລະ ການ​ບໍລິຫານ​ຈັດການ​ມູລະ​ນິທິ​ຂອງ​ຄອບຄົວ​ທຣັມ​ໃນ​ລະຫວ່າງ​ຂົນ​ຂວາ​ຍ​ເລືອກ​ຕັ້ງ​ປະທານາທິບໍດີ​ປີ​ທີ່​ຜ່ານ​ມາ.

ທ່ານ​ທຣັມ ​ໄດ້​ກ່າວ​ຫຼາຍ​ຄັ້ງ​ວ່າ ລາວ​ຈະ​ບໍ​ຮັບ​ເງິນ​ເດືອນ ​ໂດຍ​ຈະ​ຮັບ​ພຽງ 1 ​ໂດ​ລາ ຊຶ່ງ​ເປັນ​ຈຳນວນ​ໜ້ອຍ​ທີ່​ສຸດ​ທີ່​ກຳນົດ​ໄວ້​ຕາມ​ກົດໝາຍ​ໃນ​ອະດີດ​ທີ່​ຜ່ານ​ມາ ຊຶ່ງ​ໃນ​ອະ​ດີດທີ່​ຜ່ານ​ມາ ປະທານາທິບໍດີ ​ເຮີ​ເບິ​ລ ຮູ​ເວີ ​ແລະ ຈອນ ​ເອຟ ​ເຄນ​ເນ​ດີ ກໍ​ບໍລິຈາກ​ເງິນ​ເດືອນ​ໃຫ້​ກັບ​ການ​ກຸສົນ​ເຊັ່ນ​ດຽວ​ກັນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.