ທຣັມສັ່ງ​ຍົກ​ເລີກ​ນະ​ໂຍບາຍ​ຫຼຸດ​ໂລກ​ຮ້ອນ

ທ່ານ ​ໂດ​ນັລ ທຣັມ ປະທານາທິບໍດີ​ຂອງ​ອາ​ເມ​ລິ​ກາ ​ໄດ້​ລົງ​ນາມ​ຄຳ​ສັ່ງ​ຍົກ​ເລີກ​​ແຜນ​ພະລັງງານ​ສະອາດ​ເພື່ອ​ຫຼຸດ​ບັນຫາ​ໂລກ​ຮ້ອນ​ໃນ​ຍຸກ​ທີ່​ອະດີດ​ປະທານາທິບໍດີ ບາຣັກ ​ໂອ​ບາ​ມາ ​ໄປ​ແລ້ວ​ໃນ​ວັນ​ທີ 29 ມີນາ​ທີ່​ຜ່ານ​ມາ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ທຣັມ ຖະ​ແຫຼ​ງຫຼັງ​ຈາກ​ລົງ​ນາມ​ຄຳ​ສັ່ງ​ຍົກ​ເລີກ​ນະ​ໂຍບາຍ​ຄວບຄຸມ​ການ​ປ່ຽນ​ແປງ​ສະພາບ​ອາກາດ​ໃນ​ຍຸກ​ໂອ​ບາ​ມາ ຄຳ​ສັ່ງ​ນີ້​ເຮັດ​ໃຫ້​ຕ້ອງ​ໂຈະ​ມາດ​ຕະການ​ການ​ໃຊ້​ພະລັງງານ​ສະ​ອາດ​ຂອງ​ທ່ານ​ໂອ​ບາ​ມາ​ຫຼາຍ​ສະ​ບັບ ​ແຕ່​ຈະ​ຫັນ​ໄປ​ສະໜັບສະໜູນ​ການ​ໃຊ້​ພະລັງານ​ຈາກ​ຟອສຊິນ ຊຶ່ງ​ກໍ​ແນ່ນອນ​ວ່າ ກຸ່ມ​ທຸລະ​ກິດ​ດ້ານ​ພະລັງງານ​ຕ່າງ​ກໍ​ອອກ​ມາ​ຊື່ນ​ຊົມ​ທຣັມທັນທີ ​ແຕ່​ສຳລັບ​ນັກວິທະຍາສາດ ​ແລະ ນັກ​ເຄື່ອນ​ໄຫວ​ເພື່ອສິ່ງ​ແວດ​ລ້ອມ​ໄດ້​ອອກ​ມາ​ເຕືອນ​ວ່າ ຄຳ​ສັ່ງ​ຂອງ​ທຣັມຈະ​ເຮັດ​ໃຫ້​ເກີດ​ຜົນ​ກະທົບ​ຮ້າຍ​ແຮງ​ຕາມ​ມາທັງ​ພາຍ​ໃນ ​ແລະ ຕ່າງປະ​ເທດ. ຂະນະ​ທີ່​ນອກ​ທຳນຽບຂາວ ກຸ່ມ​ຜູ້ປະ​ທ້ວງ​ຫຼາຍ​ຮ້ອຍ​ຄົນ​ໄດ້​ມາ​ລວມຕົວ​ກັນ​ເພື່ອ​ສະ​ແດງ​ພະລັງ​ຄັດຄ້ານ​ຄຳ​ສັ່ງ​ດັ່ງກ່າວ ​ແລະ ປະກາດ​ຈະ​ຍື່ນ​ຮ້ອງ​ຂໍ​ໃຫ້​ສາຍ​ໂຈະ​ຄຳ​ສັ່ງ​ດັ່ງກ່າວ.

ສຳລັບ​ເປົ້າ​ໝາຍ​ການ​ຫຼຸດ​ພາວະ​ໂລກ​ຮ້ອນ​ຂອງ​ທ່ານ​ໂອ​ບາ​ມາ ​ຄື​ຕ້ອງການ​​ໃຫ້​ລັດ​ຕ່າງໆ​ໃນ​ອາ​ເມ​ລິ​ກາ ​ຫຼຸດ​ການ​ປ່ອຍ​ກາກ​ບອນ​ຈາກ​ໂຮງງານ​ຜະລິດ​ໄຟຟ້າ​ເພື່ອ​ໃຫ້​ເປັນ​ໄປ​ຕາມ​ທີ່​ອາ​ເມ​ລິ​ກາ​ໄດ້​ໃຫ້​ໄວ້​ກັບ​ຂໍ້​ຕົກລົງ​ ວ່າ​ດ້ວຍ​ການ​ປ່ຽນ​ແປງ​ສະພາບ​ອາກາດ​ກັບ​ອີກ​ເກືອບ 200 ປະ​ເທດ​ຢູ່​ປາຣີສ​ໃນ​ປີ 2015.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.