ທຫລ ສະ­ຫຼຸບ​ວຽກ​ຄຸ້ມ​ຄອງ​ບໍ­ລິ­ສັດ​ສິນ​ເຊື່ອ ແລະ​ ໂຮງ​ຊວດ​ຈຳ

ເມື່ອ​ວັນ​ທີ 17 ມີນາຜ່ານ​ມາ​ ທີ່​ນະ­ຄອນ­ຫຼວງ​ວຽງ​ຈັນ ທະ­ນາ­ຄານ​ແຫ່ງ ສປປ ລາວ ແລະ​ກົມ​ຄຸ້ມ​ຄອງ​ສະ​ຖາ​ບັນການ​ເງິນ​ໄດ້​ຈັດ​ກອງ​ປະ­ຊຸມ​ສະ­ຫຼຸບ​ສອງວຽກ​ງານ​ຂອງ​ການ­ເຄື່ອນ­ໄຫວ​ທຸ­ລະ​ກິດບໍ­ລິ­ສັດ​ເຊົ່າ​ສິນ​ເຊື່ອ ແລະ​ໂຮງ​ຊວດ​ຈຳປະ­ຈຳ​ປີ 2016 ໂດຍ​ການ​ເປັນ​ປະ­ທານຂອງ​ທ່ານ ສອນ​ໄຊ ສິດ​ພະ​ໄຊ ຮອງ​ຜູ້ວ່າ­ການ​ທະ­ນາ­ຄານ ແຫ່ງ ສປປ ລາວ ທ່ານ ວິ­ໄລ​ມິດ ອັກ​ຄະ​ວົງ ຮອງ​ກົມ​ຄຸ້ມຄອງ​ສະ​ຖາ​ບັນ​ການ​ເງິນ ແລະ​ພ້ອມ​ດ້ວຍ​ພາກ­ສ່ວນ​ທີ່​ກ່ຽວ­ຂ້ອງ​ຕ່າງໆ​ເຂົ້າ​ຮ່ວມ.

ທ່ານ ວິ­ໄລ​ມິດ ອັກ​ຄະ​ວົງ ໄດ້​ກ່າວ​ວ່າ: ຜ່ານ​ການ​ດຳ​ເນິນ​ທຸ­ລະ​ກິດ​ໂຮງ​ຊວດ​ຈຳ ແລະ​ບໍ­ລິ­ສັດເຊົ່າ​ສິນ​ເຊື່ອ​ໃນ​ໄລ­ຍະ 1 ປີ ຜ່ານ​ມາ ໂດຍ​ລວມ​ແລ້ວ​ແມ່ນ​ເຫັນ ວ່າ​ເຕີບ​ໂຕ​ໄດ້​ຢ່າງ​ໜ້າ​ພໍ­ໃຈ​ເຖິງ​ວ່າ​ເສດ­ຖະ­ກິດ​ຈະ​ຊະ​ລໍ​ຕົວ​ລົງ​ໃນ​ຊ່ວງ​ເຄີງ​ຫຼັງ ຂອງ​ປີ 2015 ແລະ​ຕົ້ນ​ປີ 2016 ແລະ​ພ້ອມ​ດຽວ​ກັນ​ນັ້ນ ກໍ​ຍັງ​ມີ​ີ​ບັນ­ຫາ​ເລື່ອງການ​ຊຳ­ລະ​ໜີ້​ສິນ​ພາກ​ລັດ ແລະ​ພາກ​ທຸລະ​ກິດ​ມີ​ຄວາມ​ຊັກ​ຊ້າ​ທີ່​ໄດ້​ສົ່ງ​ຜົນ​ຕໍ່​ຄວາມ​ເຊື່ອ​ໝັ້ນ​ຂອງ​ຜູ້​ບໍ­ລິ­ໂພກ ແລະ ພາກ​ທຸ­ລະ​ກິດ​ໃນ​ພາບ​ລວມ​ແລ້ວ​ທຸ­ລະກິດ​ໂຮງ​ຊວດ​ຈຳ ແລະ​ບໍ­ລິ­ສັດ​ເຊົ່າ​ສິນ ເຊື່ອ​ສ່ວນ​ຫຼາຍ​ແມ່ນ​ມີ​ປະ​ສິດ­ທິ​ຜົນ ແລະ​ກຳ­ໄລ​ຂ້ອນ​ຂ້າງ​ດີ​ຍ້ອນ​ການ​ປະ­ຕິ ບັດ​ຕາມ​ຫຼັກ­ການ​ຄຸ້ມ​ຄອງ​ຂອງ​ທະ​ນາ ຄານ​ແຫ່ງ ສປປ ລາວ ສ່ວນ​ຫຼາຍ​ແມ່ນ ເຮັດ​ໄດ້​ດີ​ຕາມ​ເງື່ອນ­ໄຂ​ຂອງ​ທະ­ນາ­ຄານກາງ​ທີ່​ໄດ້​ກຳ­ນົດ​ອອກ​ການ​ພັດ­ທະ­ນາ ແລະ​ສ້າງ​ຄວາມ​ໝັ້ນ​ຄົົງ​ຂອງ​ລະ​ບົົບ​ທຸລະ​ກິດ​ໂຮງ​ຊວດ​ຈຳ ແລະ​ບໍ­ລິ­ສັດ​ເຊົ່າ​ສິນເຊື່ອ​ໄດ້​ຮັບ​ການ​ພັດ­ທະ­ນາ​ເຂົ້າ​ສູ່​ລວງເລິກ ແລະ​ຂະ­ຫຍາຍ­ຕົວ​ຢ່າງ​ແຂງ­ແຮງ.

ສະ­ເພາະ​ການ​ການ­ເຄື່ອນ­ໄຫວ​ທຸ­ລະກິດ​ຂອງ​ໂຮງ​ຊວດ​ຈຳ ໃນ​ປີ 2016 ແມ່ນເຫັນ​ວ່າ​ມີ ໂຮງ​ຊວດ​ຈຳທັງ​ໝົດ 27 ແຫ່ງ ທຽບ​ກັບ​ປີ 2015 ແມ່ນ​ຫຼຸດ​ລົງ 1 ແຫ່ງ ສຳ­ລັບ​ການ​ບໍ­ລິ­ການ​ໂຮງ​ຊວດ​ຈຳ ໃນ​ໄລ­ຍະ​ໄຕ​ມາດ 1 ຂອງ​ປີ 2017 ແມ່ນ ສູງ​ຖ້າ​ທຽບ­ໃສ່​ໄຕ​ມາດ​ອື່ນ ແລະ​ມາ​ຮອດກາງ​ປີ​ການ​ໃຫ້​ບໍ­ລິ­ການ​ໂຮງ​ຊວດ​ຈຳ​ເຫັນ​ວ່າ​ຫຼຸດ​ລົງ​ເລັກ​ໜ້ອຍ ໂດຍ​ສະ­ເລ່ຍ​ວົງ​ເງິນ​ໃຫ້​ຊວດ​ຈຳ​ແມ່ນ 2 ລ້ານ​ກີບ​ຕໍ່​ຄົນ ແລະ​ສຳ­ລັບ​ຈຳ­ນວນ​ເງິນ​ໃຫ້​ຊວດ ຈຳ­ປີ 2016 ທັງ​ໝົດ​ທົ່ວ​ລະ­ບົບ​ແມ່ນ 1,697 ລ້ານ​ກີບ ທຽບ­ໃສ່​ປີ 2015 ແມ່ນ​ຫຼຸດ​ລົງ 16 ລ້ານ​ກີບ ລູກ​ຄ້າ​ມາ​ໃຊ້ບໍ­ລິ­ການ​ຊວດ​ຈຳ​ທັງ​ໝົດ 685 ຄົນ ທຽບໃສ​ປີ 2015 ຫຼຸດ​ລົງ 204 ຄົນ

ສຳ­ລັບ: ສະ­ພາບ​ການ­ເຄື່ອນ­ໄຫວຂອງ​ທຸ­ລະ​ກິດ​ເຊົ່າ​ສິນ​ເຊື່ອ​ປີ 2016 ແມ່ນ​ເຫັນ​ວ່າ​ມີ​ການ​ເພີ່ມ​ຂຶ້ນ​ເລື່ອຍໆ​ຈາກ​ປີ 2015 ມີບໍ­ລິ­ສັດ​ເຊົ່າ​ສິນ​ເຊື່ອ 21 ແຫ່ງ​ມາ​ເຖິງ​ທ້າຍ​ປີ 2016 ມີ 29 ແຫ່ງ ຊຶ່ງ​ໃນ​ນັ້ນ ເຫັນ​ວ່າ​ພາຍ​ໃນ​ປີ​ແມ່ນ​ມີ​ບໍ​ລິສັດ​ເຊົ່າ​ສິນ​ເຊື່ອ​ເພີ່ມ​ຂຶ້ນ 8 ແຫ່ງ ແລະ​ລວມ​ຊັບ​ສິນ​ທັງ​ໝົດ​ຂອງ​ບໍ­ລິ­ສັດ​ເຊົ່າສິນ​ເຊື່ອ​ໃນ​ລະ­ບົບ​ແມ່ນ​ມີ  1.891 ຕື້​ກີບ ທຽບ­ໃສ່​ປີ 2015 ມີ 767.41 ຕື້​ກີບ ເພີ່ມ​ຂຶ້ນ 1.124 ຕື້​ກີບ ຫຼື ຄິດ​ເປັນ​ເປີເຊັນ​ເພີ່ມ​ຂຶ້ນ 146% ເຫັນ​ໄດ້​ວ່າ​ທຸ­ລະກິດເຊົ່າ​ສິນ​ເຊື່ອ ແມ່ນ​ທຸ­ລະ​ກິດ​ທີ່​ນັກ­ທຸ­ລະ­ກິດ​ຍັງ​ໃຫ້​ຄວາມ​ສົນ­ໃຈ​ຢູ່​ຫຼາຍ​ພໍ່​ສົມ­ຄວນ.

ຂ່າວ: ກິ​ແກ້ວ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.