ທະ­ນາ­ຄານ​ລາວ-ຫວຽດ ມອບເຄື່ອງ​ຊ່ວຍ­ເຫຼືອ​ຄອບ­ຄົວ​ທຸກ​ຍາກ

ທະ­ນາ­ຄານ​ຮ່ວມ​ທຸ­ລະ​ກິດ​ລາວ-ຫວຽດ​ໄດ້​ນຳ​ເຄື່ອງ​ຊ່ວຍ­ເຫຼືອ​ບັນ­ເທົາທຸກ​ສັງ­ຄົມ​ໄປ​ມອບ​ໃຫ້​ແກ່​ຄອບ­ຄົວ​ທຸກຍາກ​ເມືອງ​ຊຽງ​ຮ່ອນ ແຂວງ​ໄຊ​ຍະ​ບູລີ​ ລວມ  150 ຊຸດ ໃນ​ວັນ​ທີ 23 ມີ­ນາຜ່ານ​ມາ.

ລາຍ­ການ​ມອບ​ເຄື່ອງ​ຊ່ວຍ­ເຫຼືອ 150 ຊຸດ ໃນ​ຄັ້ງ​ນີ້​ນອນ​ຢູ່​ໃນ​ໂຄງ­ການຊ່ວຍ­ເຫຼືອ​ສັງ­ຄົມ​ຂອງ​ທະ­ນາ­ຄານ​ຮ່ວມທຸ­ລະ​ກິດ​ລາວ-ຫວຽດ​ໃຫ້​ແກ່​ບັນ­ດາ ຄອບ­ຄົວ​ທຸກ​ຍາກ ເພື່ອ​ຕ້ອນ­ຮັບ​ປີ​ໃໝ່ ພ.ສ 2560 ຊຶ່ງ​ສັງ​ລວມ ເຄື່ອງ​ຊ່ວຍ­ເຫຼືອແມ່ນ 500 ຊຸດ ຄິດ​ເປັນມູນ​ຄ່າ 80 ລ້ານ​ກີບ ໄດ້​ມອບ​ໃຫ້​ແກ່​ບັນ­ດາ​ແຂວງພາກ​ເໜືອ​ຂອງ​ລາວ​ຄື: ແຂວງ​ໄຊ​ຍະ​ບູລີ, ຫຼວງ​ພະ​ບາງ, ອຸ­ດົມ​ໄຊ.

ໃນ​ແຕ່​ລະ​ຊຸດ​ເຄື່ອງ​ຊ່ວຍ­ເຫຼືອ​ປະກອບ​ມີ: ເຂົ້າ­ສານ, ນ້ຳ​ປາ, ນ້ຳ­ມັນ​ພືດ,  ແປ້ງ​ນົວ ແລະ​ອື່ນໆນີ້​ເປັນ​ເຄື່ອງ​ຊ່ວຍເຫຼືອ​ທີ່​ເຖິງ​ຈະ​ບໍ່​ໃຫຍ່ ແຕ່​ເຕັມ​ໄປ​ດ້ວຍ​ນ້ຳ­ໃຈ, ຈິດ­ໃຈ​ຂອງ​ບັນດາ​ພະ­ນັກ­ງານ​ທັງ​ໝົດ​ຂອງ​ທີ່​ຮ່ວມ​ມືກັນ​ແບ່ງ­ປັນ​ບັນ­ດາ​ຄວາມ​ຫຍຸ້ງ­ຍາກຂອງ​ປະ­ຊາ­ຊົນ ແລະ​ບັນ­ດາ​ກິດ­ຈະ­ກຳ ຊ່ວຍ­ເຫຼືອ​ສັງ­ຄົມ​ນີ້​ໄດ້​ກາຍ­ເປັນ​ກິດ​ຈະກຳ​ປະ­ຈຳ​ປີ​ທີ່​ຕິດ​ແທດ​ກັບ​ທະ­ນາ­ຄານຮ່ວມ​ທຸ­ລະ​ກິດ​ລາວ-ຫວຽດ ມາ​ເປັນ​ເວລາ​ດົນ​ນານ​ແລ້ວ, ທີ່​ສົ່ງ​ໄປ​ເຖິງ​ຜູ້​ທຸກຍາກ, ບັນ­ດາ​ນັກ­ຮຽນ​ທີ່​ກຳ­ລັງ​ພົບ​ຄວາມຫຍຸ້ງ­ຍາກ.

ສະ­ເພາະ​ປີ 2017 ທະ­ນາ­ຄານ​ຮ່ວມທຸ­ລະ​ກິດ​ລາວ-ຫວຽດ ຈະ​ສືບ­ຕໍ່​ປະ­ສານສົມ­ທົບ​ກັບ​ສະ­ພາ​ແຫ່ງ​ຊາດ, ບັນ­ດາ​ອົງການ­ຈັດ­ຕັ້ງ, ເພື່ອ​ຜັນ​ຂະ­ຫຍາຍ​ບັນ­ດາລາຍ­ການ​ຊ່ວຍ­ເຫຼືອ​ສັງ­ຄົມ​ໃຫ້​ມີ​ຄວາມກວ້າງ­ຂວາງ​ຂຶ້ນ​ຕື່ມ​ອີກ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.