ທະ­ນາ­ຄານ​ຮ່ວມ​ທຸ­ລະ​ກິດ​ລາວ-ຫວຽດມອບ​ເຄື່ອງ​ຊ່ວຍ­ເຫຼືອ​ຜູ້​ທຸກ​ຍາກ

ວັນ​ທີ 29-30 ມີ­ນາ 2017 ທະ­ນາ­ຄານ​ຮ່ວມ​ທຸລະ​ກິດ​ລາວ​ຫວຽດ (LaoVietBank) ໂດຍ​ຜ່ານ​ຜູ້​ຕາງ ໜ້າ​ສະ­ພາ​ປະ­ຊາ­ຊົນ​ແຂວງ​ຫຼວງ​ພະ​ບາງ ໄດ້​ຈັດ​ພິ­ທີ​ມອບເຄື່ອງຊ່ວຍ­ເຫຼືອ​ຈຳ­ນວນ 200 ຊຸດໃຫ້​ແກ່​ບັນ­ດາ​ຄອບ­ຄົວ​ຄົນ​ທຸກ​ຍາກ​ທີ່ ເມືອງ​ຊຽງ​ເງິນ ແລະ​ເມືອງ​ປາກ​ອູ, ແຂວງ​ຫຼວງ​ພະ​ບາງ ເພື່ອ​ຕ້ອນ­ຮັບ​ປີ​ໃໝ່ລາວ ພສ 2560.

ຕາງ­ໜ້າ LaoVietBank, ທ່ານ ຫງວ​ຽນ ຕັວນ ແອງ-ຫົວ­ໜ້າ​ສາ­ຂາ LaoVietBank ຫຼວງ​ພະ​ບາງ​ໄດ້​ມອບເຄື່ອງ​ຊ່ວຍ­ເຫຼືອ​ໃຫ້​ແກ່ ທ່ານ ເພັງ ຄຳ​ມະ ວົງ ຮອງ​ເລ­ຂາ​ພັກ​ເມືອງ, ຮອງ​ເຈົ້າ ເມືອງໆ​ຊຽງ​ເງິນ, ທ່ານ ບຸນ​ທັນ ບໍ​ລະ​ວົງ  ຮອງ​ເລ­ຂາ​ພັກ​ເມືອງ ຮອງ​ເຈົ້າ­ເມືອງເມືອງ​ປາກ​ອູ ແລະ ທ່ານ ກໍ​ລະ​ກັນ ພົມມະ​ວົງ ຄະ­ນະ​ເລ­ຂາ­ທິ­ການ​ສະ­ພາ​ປະ­ຊາຊົນ ແຂວງ​ຫຼວງ​ພະ​ບາງ ເພື່ອ​ມອບ​ຕໍ່­ໃຫ້​ແກ່​ບັນ­ດາ​ຄອບ­ຄົວ​ຜູ້​ທຸກ​ຍາກ­ຈົນ​ເຖິງ​ມື.

“ເຖິງ​ວ່າ​ຈຳ­ນວນ​ເຄື່ອງ​ຊ່ວຍ­ເຫຼືອ​ນີ້ ບໍ່​ແມ່ນ​ຈຳ­ນວນ​ທີ່​ຫຼວງ­ຫຼາຍ​ແຕ່​ມັນ​ກໍ່ເປັນ​ນ້ຳ­ໃຈ​ຂອງ​ບັນ­ດາ​ພະ­ນັກ­ງານ Lao VietBank ທັງ​ໝົດ​ທີ່​ສົ່ງ​ມອບ​ໃຫ້​ບັນ­ດາຄອບ­ຄົວ​ຜູ້​ທຸກ​ຍາກ.

ໃນ​ປີ 2017, LaoVietBank ຈະສືບ­ຕໍ່​ປະ­ສານ​ສົມ­ທົບ​ກັບ​ສະ­ພາ​ແຫ່ງຊາດ, ບັນ­ດາ​ອົງ​ການ­ຈັດ­ຕັ້ງ​ເພື່ອ​ສືບ­ຕໍ່ປະ­ຕິ­ບັດ​ຜັນ​ຂະ­ຫຍາຍ​ບັນ­ດາ​ລາຍ­ການຊ່ວຍ­ເຫຼືອ​ສັງ­ຄົມ​ໃຫ້​ມີ​ຄວາມ​ກວ້າງຂວ້າງ​ຂຶ້ນ​ຕື່ມ​ອີກ​ເພື່ອ​ຊ່ວຍ­ເຫຼືອ​ບັນ­ດາປະ­ຊາ­ຊົນ​ລາວ ໂດຍ​ສະ­ເພາະ​ປະ­ຊາ­ຊົນລາວ​ທີ່​ອາ­ໄສ​ຢູ່​ຫ່າງ​ໄກ​ສອກ­ຫຼີກ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.