ທິ​ນັນ​ດາ ວົງ​ໝໍ່​ແກ້ວຮັບ​ຕຳ​ແໜ່ງ​ນາງ​ສາວ​ເຊ​ກອງ 2017

ນາງ ທິ​ນັນ​ດາ ວົງ​ໜໍ່​ແກ້ວ ຕົວ​ແທນ​ສາວ​ງາມ​ຈາກ​ເມືອງ​ລະ​ມາມ​ໝາຍ​ເລກ 20 ໄດ້​ຮັບ​ຕຳ­ແໜ່ງ​ນາງ​ສາວ​ເຊ​ກອງ​ປະ­ຈຳ​ປີ 2017, ຂະ­ນະ​ທີ່ ຮອງ​ຊະ­ນະ​ເລີດ​ອັນ​ດັບ​ທີ​ໜຶ່ງ​ແມ່ນ​ໝາຍ ເລກ 5 ຕົວ​ແທນ​ສາວ​ງາມ​ຈາກ​ບ້ານ​ໃໝ່ຫົວ​ເມືອງ ແລະ​ໝາຍ​ເລກ 18 ໄດ້​ຮອງຊະ­ນະ​ເລີດ​ອັນ​ດັບ​ສອງ.

ງານ​ປະ​ກວດ​ນາງ​ສາວ​ເຊ​ກອງ​ປະຈຳ­ປີ 2017 ໄດ້​ມີ​ຂຶ້ນ​ຢ່າງ​ຄຶກ­ຄື້ນ ມ່ວນ­ຊື່ນ​ໃນ​ຄ່ຳ​ຄືນ​ວັນ​ທີ 10 ເມ­ສາ 2017 ທີ່​ສະ­ໂມ­ສອນ​ໃຫຍ່​ຫ້ອງ​ວ່າ­ການ ປົກ­ຄອງ​ແຂວງ ໂດຍ​ມີ ທ່ານ ຄຳ​ເຜີຍ ບຸດດາ​ວຽງ ເຈົ້າ­ແຂວງໆ​ເຊ​ກອງ​ພ້ອມ​ດ້ວຍພັນ​ລະ​ຍາ, ມີ​ການ​ນຳ​ຂອງ​ແຂວງ-ເມືອງ, ພາກ­ສ່ວນ​ກ່ຽວ­ຂ້ອງ ແລະ​ມວນຊົນ​ເຂົ້າ​ຮ່ວມ​ຢ່າງ​ຫຼວງ­ຫຼາຍ.

ໃນ​ພິ­ທີ ທ່ານ ຖາ­ວອນ ພົມ​ມະ​ໄລ​ລຸນ ຮອງ​ເຈົ້າ­ແຂວງ​ເຊ​ກອງ, ປະ­ທານ​ຄະນະ​ກຳ­ມະ­ການ​ຈັດ​ງານ​ປະ​ກວດ​ນາງ ສາວ​ເຊ​ກອງ​ກ່າວ​ວ່າ: ການ​ຈັດ​ງານ​ປະ ກວດ​ນາງ​ສາວ​ເຊ​ກອງ​ປະ­ຈຳ​ປີ 2017 ແມ່ນ​ກິດ­ຈະ­ກຳ​ໜຶ່ງ​ທີ່​ສຳ­ຄັນ ຊຶ່ງ​ຈັດ​ຂຶ້ນ ເພື່ອ​ສ້າງ​ຄວາມ​ເບີກ­ບານ​ມ່ວນ­ຊື່ນ​ໃຫ້ ແກ່​ການ​ສະ­ເຫຼີມ­ສະ­ຫຼອງ​ບຸນ­ປີ­ໃໝ່​ລາວ ພສ 2560 ພ້ອມ​ດຽວ​ກັນ​ນັ້ນ ກໍ​ເພື່ອ ສົ່ງ­ເສີມ​ຄວາມ​ສາ­ມາດ​ຂອງ​ເອື້ອຍ-ນ້ອງແມ່­ຍິງ​ຕິດ​ພັນ​ກັບ​ການ​ອະ­ນຸ­ລັກ​ມູນ­ເຊື້ອວັດ­ທະ­ນະ­ທຳ, ຮີດ­ຄອງ​ປະ­ເພ­ນີ​ອັນ​ດີງາມ​ຂອງ​ຊາດ, ຂອງ​ເຜົ່າ​ໃຫ້​ຍືນ​ຍົງ​ຄົງ ຕົວ​ຄຽງ​ຄູ່​ກັບ​ຊາດ​ລາວ-ຄົນ​ລາວ ໂດຍສະ­ເພາະ​ຊາວ​ແຂວງ​ເຊ​ກອງ​ຕະ­ຫຼອດ ໄປ.

ການ​ປະ​ກວດ​ຄັ້ງ​ນີ້ ມີ​ຕົວ​ແທນ​ສາວ ງາມ​ຈາກ​ເມືອງ, ບ້ານ, ບໍ­ລິ­ສັດ-ລັດ​ວິສາ​ຫະ​ກິດ, ຫ້າງ​ຮ້ານ​ຕ່າງໆ​ໃນ​ທົ່ວ​ແຂວງ ເຂົ້າ​ຮ່ວມ​ທັງ​ໝົດ 20 ຄົນ ໂດຍ​ຈັດ​ໃຫ້​ມີ ການ​ເດີນ​ແບບ 10 ເຜົ່າ​ພາຍ​ໃນ​ແຂວງ, ສະ­ແດງ​ຄວາມ​ສາ­ມາດ​ໃນ​ການ​ຟ້ອນ​ລຳ­ວົງ​ລາວ, ການ​ຕອບ​ຄຳ​ຖາມ ແລະ ກິດ­ຈະ­ກຳ​ການ­ສະ­ແດງ​ອື່ນໆ ຜ່ານ​ການປະ​ກວດ ແລະ​ການ​ຄັດ​ເລືອກ​ຂອງ​ຄະ­ນະກຳ­ມະ­ການ​ນາງ​ສາວ​ເຊ​ກອງ​ປະ­ຈຳປີ 2017 ແມ່ນ​ນາງ ທິ​ນັນ​ດາ ວົງ​ໜໍ່​ແກ້ວ ຕົວ​ແທນ​ສາວ​ງາມ​ຈາກ​ເມືອງ​ລະ​ມາມທີ​ສອງ​ນາງ ທິບ​ພະ­ຈັນ ສົມ­ບູນ​ທິບ ແລະ ອັນ​ດັບ​ທີ​ສາມ​ນາງ ຈິມ​ມີ້ ໄຊ​ຍະ​ທອງ.

ໃນ​ພິ­ທີ​ອັນ​ມີ​ຄວາມ​ໝາຍ​ສຳ­ຄັນ ທ່ານ ຄຳ​ເຜີຍ ບຸດ​ດາ​ວຽງ ພ້ອມ​ພັນລະ​ຍາ, ທ່ານ ຖາ­ວອນ ພົມ​ມະ​ໄລ​ລຸນ ພ້ອມ​ພັນ​ລະ​ຍາ ແລະ​ການ​ນຳ​ຂອງ​ແຂວງໄດ້​ມອບ​ມຸງ­ກຸດ, ສາຍ​ສະ­ພາຍ, ຂອງຂວັນ ແລະ​ຊໍ່​ດອກ​ໄມ້​ໃຫ້​ນາງ​ສາວ​ຕາມ ລຳ­ດັບ ທີ​ໜຶ່ງ​ໄດ້​ຮັບ​ມຸງ­ກຸດ, ສາຍ​ສະ ພາຍ​ພ້ອມ​ເງິນ­ສົດ 10 ລ້ານ​ກີບ, ທີສອງ​ໄດ້​ຮັບ​ສາຍ​ສະ­ພາຍ, ເງິນ­ສົດ 7 ລ້ານ​ກີບ ແລະ​ທີ​ສາມ​ໄດ້​ຮັບ​ສາຍ​ສະ ພາຍ, ເງິນ­ສົດ 5 ລ້ານ​ກີບ ທັງ​ນີ້ ກໍ​ເພື່ອເຮັດ​ໃຫ້­ການ​ສະ­ເຫຼີມ­ສະ­ຫຼອງ​ປີ​ໃໝ່​ລາວ ພສ 2560 ມີ​ບັນ­ຍາ­ກາດ​ເບີກ­ບານ​ມ່ວນຊື່ນ, ສ້າງ ແລະ​ສົ່ງ­ເສີມ​ຄວາມ​ຮູ້, ຄວາມ​ສາ­ມາດ​ຂອງ​ແມ່­ຍິງ​ບັນ­ດາ­ເຜົ່າ​ໃນ​ການ​ປົກ​ປັກ​ຮັກ­ສາ​ສິ­ລະ​ປະ, ວັດ­ທະ­ນະ­ທຳ-ຮີດ­ຄອງ​ປະ­ເພ­ນີ​ອັນ​ດີ­ງາມ​ຂອງ​ຊາດ, ຂອງ​ເຜົ່າ​ຢູ່​ຄູ່​ກັບ​ຊາດ​ລາວ-ຄົນ​ລາວ​ຕະຫຼອດໄປ.

ໂດຍ: ສັນ­ຍາ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.