ທີເອັສອາ ລາວ ເປີດສາຂາທຳອິດຢູ່ນະຄອນຫຼວງວຽງຈັນ

ເພື່ອເພີ່ມທາງເລືອກໃໝ່ໃຫ້ແກ່ປະຊາຊົນລາວ ໄດ້ມີສຸຂະພາບອະນາໄມທີ່ດີຈາກການດື່ມນ້ຳທີ່ສະອາດ ແລະດີຕໍ່ສຸຂະພາບໃນລາຄາທີ່ເໝາະສົມ, ບໍລິສັດ ທີເອສອາ ລາວ ຈຳກັດ (TSR Lao) ຈິ່ງໄດ້ນຳສະເໜີເຄື່ອງກອງນ້ຳພາຍໃຕ້ຍີ່ຫໍ້ SAFE ສູ່ຕະຫຼາດລາວ, ຊຶ່ງການເປີດໂຕສິນຄ້າ ແລະບໍລິສັດຄັ້ງນີ້ແມ່ນເປັນຄັ້ງທຳອິດ, ສາຂາທຳອິດຢູ່ນະຄອນຫຼວງວຽງຈັນ.

ພິທີເປີດສິນຄ້າ ແລະບໍລິສັດໄດ້ຈັດຂຶ້ນໃນວັນທີ 21 ມີນາ 2017 ໂດຍມີທ່ານ ແກ້ວພິລາວັນ ອະໄພລາດ ຮອງ ເຈົ້າຄອງນະຄອນຫຼວງວຽງຈັນ, ທ່ານ ວິຣັດ ວົງນິຣັນ ປະທານສະພາບໍລິຫານ ບໍລິສັດ TSR Lao ຈຳກັດ, ມີທ່ານປະ ທານສະພາບໍລິຫານຂອງບໍລິສັດທຽນ ສຸຣັດ ຈຳກັດ, ບໍລິສັດ JB, ພ້ອມແຂກ ຖືກເຊີນເຂົ້າຮ່ວມ.

ທ່ານ ວິຣັດ ວົງນິຣັນ ກ່າວວ່າ: TSR Lao ເປັນບໍລິສັດທີ່ສ້າງຂຶ້ນພາຍໃຕ້ການຮ່ວມທຶນລະຫວ່າງບໍລິສັດທຽນສຸ ຣັດ ຈຳກັດ (ມະຫາຊົນ) ຊຶ່ງເປັນບໍລິສັດ ທີ່ມີຄວາມຊຳນານໃນການຜະລິດ ແລະຈັດຈຳໜ່າຍ

ເຄື່ອງກອງນ້ຳອັນດັບຕົ້ນໆຂອງປະເທດໄທ ກັບກຸ່ມບໍລິສັດ JB ທີ່ດຳເນີນທຸລະກິດກ່ຽວກັບການຄ້າ ແລະເຊົ່າສິນເຊື່ອໃນ ສປປ ລາວ ມາເປັນເວລາ 20 ປີ, TSR Lao ຈະເປັນຜູ້ຈຳໜ່າຍສິນຄ້າປະເພດເຄື່ອງກອງນ້ຳພາຍໃຕ້ຍີ່ຫໍ້ SAFE ເພື່ອຊ່ວຍໃຫ້ປະຊາຊົນລາວໄດ້ມີສຸຂະພາບ ອະນາໄມທີ່ດີຈາກການດື່ມນ້ຳທີ່ສະອາດ ແລະດີຕໍ່ສຸຂະພາບໃນລາຄາທີ່ເໝາະສົມ, ພ້ອມນັ້ນ ຍັງໃຫ້ຄຳແນະນຳການຕິດຕັ້ງ, ການບໍລິການກ່ອນ ແລະຫຼັງການຂາຍໃນໄລຍະທີ່ຮັບປະກັນ.

SAFE ເປັນເຄື່ອງໜຶ່ງທີ່ຈະຊ່ວຍໃນ ການປະຢັດຄ່າໃຊ້ຈ່າຍຈາກການຊື້ນ້ຳດື່ມ, ພ້ອມກັນນັ້ນ ຍັງສາມາດຊ່ວຍກັ່ນຕອງສິ່ງປົນເປື້ອນຕົ້ນຕໍແມ່ນ ສານເຄມີ, ຂີ້ມ້ຽງ ແລະຄໍລິນ, ນ້ຳທີ່ຜ່ານການກັ່ນຕອງຍັງປະກອບໄປດ້ວຍທາດແຄຊ່ຽມ ແລະແມກນີຊ່ຽມ, ຄ່າ PH 6-8,5 ຊ່ວຍປັບຄວາມສົມດຸນຂອງຮ່າງກາຍ ແລະຂັບຂອງເສຍອອກຈາກຮ່າງກາຍ.

ສຳລັບເຄື່ອງກອງນ້ຳ SAFE ທີ່ມາວາງຈຳໜ່າຍຈະປະກອບມີປະເພດ ROMA Plus ແລະ UV Alkaline ເພື່ອເຈາະຕະຫຼາດກຸ່ມລູກຄ້າລະດັບສູງ ແລະປະເພດ Alkaline Plus/Super Alkali/Alkaline Deluxe ສຳລັບລູກຄ້າທີ່ມີລາຍຮັບປານກາງ ລວມທັງຈຳໜ່າຍສິນຄ້າປະເພດໂຖກອງນ້ຳອຸປະກອນເສີມຕ່າງໆ, ພ້ອມເຄື່ອງກອງດັກຕະກອນອີກດ້ວຍ.

ຢ່າງໃດກໍຕາມ ເຊື່ອວ່າການເຂົ້າມາ ຂະຫຍາຍຕະຫຼາດເຄື່ອງກອງນ້ຳດື່ມຢູ່ລາວ ຈະໄດ້ຮັບການຕອບຮັບເປັນຢ່າງດີ ຈາກຜູ້ບໍລິໂພກ ເພາະວ່າສິນຄ້າຂອງບໍລິ ສັດເປັນສິນຄ້າທີ່ໄດ້ຄຸນນະພາບຜ່ານການຮອງຮັບມາດຕະຖານສາກົນ ແລະລາຄາບໍ່ແພງ, ພ້ອມນັ້ນ ຍັງໄດ້ເປີດໂອ ກາດໃຫ້ລູກຄ້າສາມາດຜ່ອນຊຳລະໄດ້ ຕັ້ງແຕ່ 6-12 ງວດ. ໂດຍໃນໄລຍະ 1-3 ປີນີ້ ທາງບໍລິສັດໄດ້ວາງເປົ້າຈຳໜ່າຍ ສິນຄ້າໂດຍເນັ້ນໃສ່ກຸ່ມທີ່ຢູ່ໃນຄົວເຮືອນ, ກຸ່ມຫ້ອງການສຳນັກງານ ຜ່ານອົງກອນເອກະຊົນ, ກຸ່ມພະນັກງານລັດ ແລະກຸ່ມຮ້ານຄ້າທີ່ຕ້ອງໃຊ້ນ້ຳ, ທ່ານ ວິຣັດ ວົງນິຣັນ ກ່າວຕື່ມ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.