ທ່ານປະທານສະພາ ລົງເຄື່ອນໄຫວຢູ່ເມືອງຊຽງເງິນ

ທ່ານປະທານສະພາ ລົງເຄື່ອນໄຫວຢູ່ເມືອງຊຽງເງິນ

ວັນທີ 10 ກໍ­ລະ­ກົດ 2016 ນີ້ ທ່ານ ນາງ ປາ­ນີ ຢາທໍ່ຕູ້ ປະ­ທານສະ­ພາແຫ່ງຊາດ, ສະ­ມາ­ຊິກສະ­ພາແຫ່ງຊາດ ເຂດເລືອກຕັ້ງທີ 6 (ແຂວງຫຼວງພະບາງ), ພ້ອມດ້ວຍປະ­ທານ, ຮອງປະ­ທານສະ­ພາປະ­ຊາ­ຊົນແຂວງຫຼວງພະບາງ, ໄດ້ລົງ ຢ້ຽມ­ຢາມ ແລະເຜີຍ­ແຜ່ຜົນ­ສຳ­ເລັດກອງປະ­ຊຸມຄັ້ງປະ­ຖົມມະລືກຂອງສະ­ພາແຫ່ງຊາດຊຸດທີ 8 ຢູ່ເມືອງຊຽງເງິນ ພິ­ທີຕ້ອນ ຮັບໄດ້ຈັດຂຶ້ນທີ່ສະ­ໂມ­ສອນຂອງບ້ານສາ­ມັກ­ຄີໄຊ ໂດຍມີທ່ານ ເພັງຄຳ ມະວົງ ຮອງເຈົ້າ­ເມືອງໆຊຽງເງິນ ພ້ອມດ້ວຍຄະນະນຳເມືອງ, ອຳ­ນາດການປົກ­ຄອງ ແລະ ປະ­ຊາ­ຊົນ 3 ບ້ານຄື: ບ້ານປາກແວດ, ດອນໂມ,ບ້ານສາ­ມັກ­ຄີໄຊໃຫ້ການຕ້ອນ­ຮັບ ແລະເຂົ້າຮັບຟັງເປັນຈຳນວນຫຼວງ­ຫຼາຍ.

ໂອ­ກາດດັ່ງ­ກ່າວ ທ່ານ ເພັງຄຳ ມະວົງ ຮອງເຈົ້າ­ເມືອງໆຊຽງເງິນໄດ້ລາຍງານ ສະ­ພາບໄພ­ພິ­ບັດທຳມະຊາດ-ທີ່ເກີດຂຶ້ນ ຢູ່ເຂດລ້ອງນ້ຳຂັນ,ເມືອງຊຽງເງິນໃນວັນທີ 8 ສິງ­ຫາຜ່ານມານີ້, ໃຫ້ທ່ານປະ­ທານສະ­ພາແຫ່ງຊາດ ໄດ້ຮັບຮູ້, ພ້ອມນີ້ທ່ານປະ­ທານຍັງໄດ້ຮັບຟັງສະ­ພາບການພັດ­ທະ­ນາກໍຄືການດຳລົງຊີ­ວິດຂອງປະ­ຊາ­ຊົນບ້ານສາ­ມັກ­ຄີໄຊ ຊຶ່ງເປັນບ້ານທີ່ຖືກຜົນກະ­ທົບຈາກໂຄງການກໍ່­ສ້າງເຂື່ອນໄຟ­ຟ້ານ້ຳຄານ 3, ທີ່ລາຍງານ ໂດຍທ່ານ ພູເງິນ ນາຍ­ບ້ານ ບ້ານສາ­ມັກ­ຄີໄຊ ແລະຮັບຟັງຄຳເຫັນ ສະ­ເໜີຂອງຜູ້ມີສິດເລືອກຕັ້ງຈຳ­ນວນ ໜຶ່ງ ຈາກນັ້ນ ກໍໄດ້ເຜີຍ­ແຜ່ຜົນ­ສຳ­ເລັດ ກອງປະ­ຊຸມຄັ້ງປະ­ຖົມມະລືກຂອງສະ­ພາ ແຫ່ງຊາດຊຸດທີ 8 ຊຶ່ງຍົກໃຫ້ຮູ້ວ່າ: ກອງປະ­ຊຸມຄັ້ງປະ­ຖົມມະລືກຂອງສະພາແຫ່ງຊາດຊຸດນີ້, ໄດ້ຮັບ­ຮອງເອົາປະທານ, ຮອງປະ­ທານສະ­ພາແຫ່ງຊາດ; ເລືອກຕັ້ງເອົາປະ­ທານ, ຮອງປະ­ທານປະເທດ; ເລືອກຕັ້ງນາ­ຍົກ, ຮອງນາ­ຍົກລັດຖະມົນ­ຕີ; ບັນ­ດາລັດ­ຖະ­ມົນ­ຕີກະ­ຊວງ; ຫົວ­ໜ້າອົງ­ການໄອຍະການສູງສຸດ; ປະທານສານປະ­ຊາ­ຊົນສູງສຸດ; ຮັບ­ຮອງເອົາວິ­ໄສທັດກໍຄືແຜນພັດ­ທະ­ນາແຕ່ນີ້ ຮອດປີ 2020-ປີ 2025 ແລະຮອດປີ 2030 ຂອງລັດ­ຖະ­ບານ.

ທ່ານ ນາງ ປາ­ນີ ຢາທໍ່ຕູ້ ປະ­ທານສະພາແຫ່ງຊາດກ່າວຕື່ມວ່າ: ສະ­ພາແຫ່ງຊາດຊຸດທີ 8 ແລະລັດ­ຖະ­ບານຊຸດໃໝ່ນີ້ ໄດ້ມີຄວາມຕັດ­ສິນໃຈສູງໃນການແກ້ໄຂປາ­ກົດ­ການຫຍໍ້­ທໍ້ຜ່ານມາຢ່າງເຂັ້ມງວດ ເປັນ­ຕົ້ນແມ່ນການປະ­ຕິ­ບັດກົດ­ໝາຍປ່າໄມ້ ດັ່ງ­ນັ້ນ ຈິ່ງຮຽກ­ຮ້ອງໃຫ້ພໍ່-ແມ່ປະຊາຊົນບັນ­ດາ­ເຜົ່າຈົ່ງໃຫ້­ການຮ່ວມມືກັບລັດ­ຖະ­ບານດ້ວຍການເປັນຫູເປັນ­ຕາຊ່ວຍລັດ, ເປັນເຈົ້າການຕິດ­ຕາມການລັກ­ລອບຕັດໄມ້ທຳ­ລາຍປ່າ, ການຂຸດຄົ້ນໄມ້, ຊື້-ຂາຍໄມ້ແບບຜິດກົດ­ໝາຍ ເມື່ອພົບເຫັນປາ­ກົດ­ການຫຍໍ້­ທໍ້ດັ່ງ­ກ່າວຕ້ອງລາຍງານໃຫ້ອຳ­ນາດການປົກ­ຄອງຊາບ ຢ່າງທັນການໂອ­ກາດດຽວກັນນີ້ ທ່ານ ສາຍ­ສະ­ໝອນ ຄົມທະວົງ ຮອງເຈົ້າແຂວງໆຫຼວງພະບາງ, ປະ­ທານສະ­ພາປະຊາຊົນແຂວງ ກໍໄດ້ສະ­ເໜີຜົນ­ສຳ­ເລັດກອງປະ­ຊຸມຄັ້ງປະ­ຖົມມະລືກຂອງສະ­ພາປະ­ຊາ­ຊົນແຂວງຫຼວງພະບາງຕື່ມອີກ.

ທີ່ມາ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.