ນວ ຈັດ​ກິດ­ຈະ­ກຳ​ຄາ​ລາ​ວານເຊີນ­ຊວນ​ຂັບ​ຂີ່ປອດ​ໄພ​ໃນ​ວັນ​ບຸນ­ປີ­ໃໝ່​ລາວ

ປະ­ຈຸ​ບັນ​ສະ­ພາບ​ການ​ສັນ­ຈອນ​ຕາມ​ເສັ້ນ­ທາງ​ຢູ່​ນະ­ຄອນ­ຫຼວງ​ວຽງ​ຈັນ​ຂ້ອນ​ຂ້າງ​ສັບ­ສົນ ຍ້ອນ​ການ​ເພ​ັີ່ມ​ຂຶ້ນ​ຢ່າງ​ວ່ອງ­ໄວ ຂອງ​ຈຳ­ນວນ​ພາ­ຫະ­ນະ ແລະ​ມີ​ນັກ​ຂັບ​ຂີ່​ຈຳ­ນວນ​ໜຶ່ງ​ບໍ່​ປະ­ຕິ­ບັດ​ຕາມ​ກົດ​ລະ­ບຽບ​ຈະ­ລາ­ຈອນ​ເປັນ​ສາ­ເຫດ​ເຮັດ​ໃຫ້​ມີ​ລົດ​ຕິດ​ຂັດ​ອັ່ງ​ອໍ​ຢູ່​ຕາມ​ທາງ​ໃນ​ຊົ່ວ­ໂມງ​ເຂົ້າ​ການ-ເລີກ​ການ ແລະ​ມີ​ອຸ­ບັດ­ເຫດ​ທາງ​ຖະ­ໜົນ​ເກີດ​ຂຶ້ນ​ຢ່າງ​ເນື່ອງ­ນິດ​ລຽນ­ຕິດ, ສະ­ນັ້ນ​ເພື່ອ​ເປັນ​ການ​ເຕືອນ​ສະ­ຕິ​ໄລ­ຍະ​ປີ​ໃໝ່​ນີ້ນະ­ຄອນ­ຫຼວງ​ວຽງ​ຈັນ (ນວ) ຈິ່ງໄດ້​ຈັດ​ຈິດ​ຈະ​ກຳ​ຄາ​ລາ​ວານ​ເຊີນ­ຊວນຂັບ​ຂີ່​ປອດ​ໄພ​ແນ່​ໃສ່​ເຕືອນ​ສະ­ຕິ​ສັງ­ຄົມກ່ອນ​ຮອດ​ປີ​ໃໝ່​ລາວ.

ທ່ານ ຢຸດ​ຕະ​ພົງ ສຸ­ວັນ­ນະ​ສິງ ຕາງໜ້າ​ກຳ­ລັງ​ຄາ​ລະ​ວານ​ກ່າວ​ວ່າ: ອີງ​ຕາມຕົວ​ເລກ​ອຸ­ບັດ­ເຫດ​ທາງ​ຖະ­ໜົນ​ໃນນະຄອນ​ຫຼວງ​ວຽງ​ຈັນ​ປີ 2016 ຜ່ານ​ມາ ຄື​ແຕ່​ວັນ​ທີ 15 ກັນ­ຍາ 2015 ເຖິງວັນ​ທີ 15 ກັນ­ຍາ 2016 ມີ​ອຸ­ບັດ​ຕິ​ເຫດ ເກີດ​ຂຶ້ນ1.570 ລາຍ, ລົດ​ເພ 3.061 ຄັນ, ຄົນ​ເຈັບ 1.762 ຄົນ, ເສຍ​ຊີ­ວິດ 266 ຄົນ ແລະ​ອີງ­ໃສ່​ຕົວ​ເລກ​ອຸ­ບັດ­ເຫດໃນ​ຊ່ວງ​ໄລ­ຍະ​ວັນ​ປີ​ໃໝ່​ລາວ ພສ 2559 ປີ (2016) ຜ່ານ​ມາ 7 ວັນ ແຕ່​ວັນ​ທີ 12-17 ເມ­ສາ 2016 ຢູ່​ນະ­ຄອນ­ຫຼວງ​ວຽງ ຈັນ ມີ​ອຸ­ບັດ­ເຫດ​ເກີດ​ຂຶ້ນ 49 ລາຍ ລົດເປ່​ເພ 96 ຄັນ, ຄົນ​ບາດ­ເຈັບ 78 ຄົນ ແລະ​ມີ​ຄົນ​ເສຍ​ຊີ­ວິດ 8 ຄົນ ນອກ­ຈາກນີ້ ໃນ​ຊ່ວງ​ໄລ­ຍະ​ວັນ​ບຸນ­ປີ­ໃໝ່​ລາວ​ປີ​ກາຍນີ້ ຢູ່​ຕາມ​ເສັ້ນ­ທາງ​ມີ​ສະ­ພາບ​ລົດ​ຕິດ​ຂັດອັ່ງ​ອໍ ໂດຍ​ສະ­ເພາະ​ແມ່ນ​ຖະ­ໜົນ​ເຊດ​ຖາທິ​ລາດ ແຕ່ 4 ແຍກ​ໄຟ​ອຳ­ນາດ​ຫຼັກ​ໜຶ່ງໄປ​ຈົນ​ເຖິງ 4 ແຍກທາດ​ຂາວ, ຖະ­ໜົນ 3 ແສນ​ໄທ ແຕ່ 4 ແຍກ​ທາດ​ຂາວ ເຖິງໂຮງ­ແຮມ​ເມີ​ກຽວ​ຖະ­ໜົນ​ເຈົ້າ­ຟ້າ​ງຸ່ມ ແຕ່ບ້ານ​ທາດ​ຂາວ​ເຖິງ 3 ແຍກ​ປາກ​ປາ​ສັກ ແລະ​ຖະ­ໜົນ​ອື່ນໆ​ອີກ ຊື່ງ​ສາ­ເຫດ​ທີ່​ລົດແອ​ອັດ ແລະ​ມີ​ອຸ­ບັດ­ເຫດ​ເກີດ​ຂຶ້ນ​ຫຼາຍແມ່ນ​ເປັນ​ຍ້ອນ​ນັກ​ຂັບ​ຂີ່​ບໍ່​ປະ­ຕິ­ບັດ​ຕາມກົດ​ລະ­ບຽບ​ຈະ­ລາ­ຈອນ​ເຊັ່ນ: ດື່ມ​ສິ່ງ​ມຶນເມົາ​ແລ້ວ​ຂັບ​ລົດ, ໃຊ້​ຄວາມ​ໄວ​ເກີນ​ກຳນົດ, ປ່ຽນ​ທິດ​ທາງ​ສັນ­ຈອນ​ບໍ່​ຮັບ­ປະ­ກັນຄວາມ​ປອດ​ໄພ, ຊີງ​ຂຶ້ນ​ໜ້າ​ບໍ່​ຮັບ­ປະ­ກັນ ຄວາມ​ປອດ​ໄພ ແລະ​ອື່ນໆ.

ສະ­ນັ້ນ ເພື່ອ​ເຮັດ​ໃຫ້­ການ​ສະ­ເຫຼີມ​ສະໜອງ​ວັນ​ບຸນ­ປີ­ໃໝ່​ລາວ ປະ­ຈຳ​ປີ ພສ 2560 ນີ້ ມີ​ຄວາມ​ເປັນ​ລະ­ບຽບ​ຮຽບຮ້ອຍ, ການ​ສັນ­ຈອນ​ມີ​ຄວາມ​ສະ­ດວກປອດ​ໄພ​ສາ­ມາດ​ຫຼຸດ­ຜ່ອນ​ອຸ­ບັດ­ເຫດ​ລົງ ເທື່ອ​ລະ​ກ້າວ​ພະ​ແນກ​ຕຳ­ຫຼວດ​ຈະ­ລາຈອນ​ນະ­ຄອນ­ຫຼວງ​ວຽງ​ຈັນ ຈຶ່ງ​ໄດ້​ວາງແຜນ­ການ​ປ້ອງ​ກັນ​ວັນ​ບຸນ­ປີ­ໃໝ່​ລາວ  ໂດຍ​ບັນ­ຈຸ​ກຳ­ລັງ​ລົງ​ປະ­ຈຳ­ການ​ຢູ່​ຕາມ​ຈຸດຕ່າງໆ​ໃນ​ທົ່ວ​ນະ­ຄອນ­ຫຼວງ​ວຽງ​ຈັນ ມີ ທັງ​ໝົດ 98 ຈຸດ ໃນ​ນີ້: ຢູ່​ຕາມ​ສາຍ​ທາງ 32 ຈຸດ, ປ້ອມ​ຍາມ 48 ປ້ອມ, ຈຸດ​ປະຈຳ​ການ​ຄອຍ​ເຫດ​ຕະ­ຫຼອດ 24 ຊົ່ວ­ໂມງ 11 ຈຸດ, ດ່ານ​ເຂົ້າ​ອອກ​ເມືອງ 7 ຈຸດ ແລະ​ມີ​ຈຳ­ນວນ​ພົນ​ເຂົ້າ​ເຮັດ​ໜ້າ­ທີ່​ປ້ອງກັນ​ທັງ​ໝົດ 607 ສະ­ຫາຍຍິງ 36 ສະຫາຍ ນອກ­ຈາກ​ນີ້ ​ຍັງ​ໄດ້​ຈັດ​ຕັ້ງ​ໜ່ວຍ​ສາຍກວດ​ເລາະ​ກວດ­ກາ​ການ​ສັນ­ຈອນ​ຕາມສາຍ​ທາງ​ທຸກ​ເສັ້ນ­ທາງທັງ​ກວດ­ກາ​ຄົງທີ່ ແລະ​ເຄື່ອນ​ທີ່.

ພ້ອມ​ກັນ​ນີ້ ພະ​ແນກ​ຕຳ­ຫຼວດ​ຈະ­ລາ ຈອນ ແລະ​ພະ​ແນກ​ໂຍ­ທາ​ທິ​ການ ແລະ​ຂົນສົ່ງ​ນະ­ຄອນ­ຫຼວງ ໄດ້​ສົມ­ທົບ​ກັບ​ບໍ­ລິ­ສັດ ຮອນ​ດາ ນິວ​ຈິບ​ເຊັງ ຈັດ​ກິດ­ຈະ­ກຳ ຄາ ລະ​ວານ​ລົດ­ຈັກ ເຊີນ­ຊວນ​ຂັບ​ຂີ່​ປອດ​ໄພ, ໂດຍ​ນຳ​ໃຊ້​ລົດ­ຈັກ 100 ຄັນ, ມີ​ລົດ­ຈັກ ຕຳ­ຫຼວດ​ຈະ­ລາ­ຈອນ​ເປີດ​ທາງ ແລະ​ມີລົດ​ໜ່ວຍ​ກູ້​ໄພ​ແລ່ນ​ຕາມ​ຫຼັງ, ຂະ​ບວນລົດ­ຈັກ​ອອກ​ຈາກ​ເດີ່ນ​ທາດ​ຫຼວ​ວົງວຽນ 450 ປີ-ວົນ­ວຽນ​ດອນ​ໜູນ​ໂຄ້ງກັບ​ມາ​ທາງ​ເກົ່າ​ປະ­ຕູ​ໄຊ​ຕະ­ຫຼາດ​ເຊົ້າລ້ຽວ​ຊ້າຍ​ໄທ​ຕາມ​ຖະ­ໜົນ ສຸ​ພາ­ນຸ​ວົງ 3 ແຍກ​ຫໍ­ຄຳ ປະ­ຕູ​ໄຊ ຖະ­ໜົນ 23 ສິງ ຫາ ເດີ່ນ​ທາດ­ຫຼວງ ນອກ­ຈາກ​ນີ້ ​ຍັງ​ມີກິດ­ຈະ­ກຳ​ຖາມ​ຕອບເພື່ອ​ຊິງ​ຂອງ​ລາງວັນ​ເຊັ່ນ: ໝວກ​ກັນ​ກະ­ທົບ, ເສື້ອ​ຍືດ, ປື້ມຄູ່​ມື​ຂັບ​ຂີ່​ປອດ​ໄພ ແລະ​ອື່ນໆ​ອີກ​ທັງ​ໝົດ ນີ້​ກໍ່​ເພື່ອ​ເຊີນ­ຊວນ​ໃຫ້​ນັກ​ຂັບ​ຂີ່​ຍົກ​ສູງສະ­ຕິ​ເຄົາ­ລົບ​ກົດ​ລະ­ບຽບ​ການ​ສັນ­ຈອນ​ໃນ​ຊ່ວງ​ບຸນ­ປີ­ໃໝ່​ລາວ ພສ 2560 ປີ​ນີ້ ໃຫ້​ມີ​ບັນ­ຍາ­ກາດ​ເບີກ­ບານ​ມ່ວນ­ຊື່ນ ຊຶ່ງໄດ້​ຮັບ​ການ​ສະ­ໜັບ­ສະ­ໜູນ​ຈາກ​ບໍ­ລິ­ສັດ ຮອນ​ດາ ນິວ​ຈິບ​ເຊັງ.

ພີ​ທີ​ດັ່ງ­ກ່າວ​ໄດ້​ຈັດ​ຂຶ້ນ​ໃນ​ວັນ​ທີ 11 ເມ­ສາຜ່ານ​ມາ ທີ່​ເດີ່ນ​ພະ​ທາດ­ຫຼວງນະຄອນ​ຫຼວງ​ວຽງ​ຈັນ ໂດຍ​ໃຫ້​ກຽດ​ເຂົ້າ ຮ່ວມ​ມີ​ທ່ານ ແກ້ວ​ພິ​ໄລ ອາ​ໄພ​ລາດ ຮອງເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ, ທ່ານ ສະ­ເໜີ ຈູນ​ລະ​ມະ­ນີ ຮອງ​ປະ­ທານ​ບໍ­ລິ­ສັດນິວ​ຈິບ​ເຊັງ, ທ່ານ ຊົມ​ພູ ແກ້ວ​ປັນ­ຍາ ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ​ກິລາ, ມີ​ຕ່າງ​ໜ້າ​ຈາກ​ພະ​ແນກ​ໂຍ­ທາ​ທິການ ແລະ​ຂົນ­ສົ່ງ, ພະ​ແນກ​ຕຳ­ຫຼວດ​ຈະລາ​ຈອນ​ນະ­ຄອນ­ຫຼວງ ແລະ​ພາກ­ສ່ວນກ່ຽວ­ຂ້ອງ​ເຂົ້າ​ຮ່ວມ.

ໂດຍ: ແປ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.