ນວ ຜະລິດນ້ຳປະປາໄດ້ 3,2 ແສນແມັດກ້ອນ ປີໃໝ່ຮຽກຮ້ອງປະຊາຊົນໃຊ້ຢ່າງປະຢັດ

   ເພື່ອເຮັດໃຫ້ການຊົມໃຊ້ນ້ຳໃນໄລຍະບຸນປີໃໝ່ລາວທີ່ຈະມາເຖິງອາທິດໜ້ານີ້ມີຄວາມຄຶກຄື້ນມ່ວນຊື່ນລັດວິສາຫະກິດນ້ຳປະປານະຄອນຫຼວງວຽງຈັນຮຽກ ຮ້ອງທຸກພາກສ່ວນຮ່ວມໃຈເອົາໃຈໃສ່ໃຊ້ນ້ຳຖືກວິທີເພື່ອປະຢັດການໃຊ້ຈ່າຍຄ່ານ້ຳເພີ່ມຂຶ້ນໄລຍະດັ່ງກ່າວ ແລະເພື່ອໃຫ້ຜູ້ທີ່ຢູ່ໃກ້ ແລະໄກໄດ້ຊົມໃຊ້ນ້ຳທົ່ວເຖິງ.

 ວັນທີ 9 ເມສາ ຜ່ານມາທ່ານ ຄຳເຜີຍ ວົງສາຄຳຜຸຍ ຜູ້ອຳນວຍການໃຫຍ່ລັດວິສາຫະກິດນ້ຳປະປານະຄອນຫຼວງໃຫ້ສຳພາດສື່ມວນຊົນວ່າ: ເນື່ອງໃນໂອກາດປີໃໝ່ລາວທີ່ມາເຖິງນີ້ທາງລັດວິສາຫະກິດນ້ຳປະປາພວກເຮົາກໍ່ກຽມພ້ອມທຸກຢ່່າງໂດຍສະເພາະນ້ຳປະປາຖືວ່າພຽງພໍຄືດັ່ງແຕ່ລະປີຜ່ານມາເພື່ອກະຈ່າຍນ້ຳທົ່ວເຖິງພໍ່ແມ່ປະຊາຊົນໄດ້ຊົມໃຊ້ຊຶ່ງລັດວິສາຫະກິດນ້ຳປະປານະຄອນຫຼວງເປັນຫົວໜ່ວຍທຸລະກິດໜຶ່ງທີ່ຮັບໃຊ້ດ້ານສາທາລະນຸປະໂພກໃນການຜະລິດ ແລະ ຈຳ ໜ່າຍນ້ຳສະອາດຮັບໃຊ້ສັງຄົມຕາມສາຍວິຊາການແມ່ນຂຶ້ນກັບພະແນກໂຍທາທິການ ແລະຂົນສົ່ງນະຄອນຫຼວງວຽງຈັນ ແລະ ດຳເນີນທຸລະກິດພາຍໃຕ້ການຊີ້ນຳສະພາບໍລິຫານຊຶ່ງມີພະນັກງານທັງໝົດ 673 ຄົນ, ພະນະງານຖາວອນ 593 ຄົນ ພະນັກງານສັນຍາ 80 ຄົນ.

 ລັດວິສາຫະກິດນ້ຳປະປານະຄອນຫຼວງມີທັງໝົດ 8 ສາຂາ ແລະ 1 ພະແນກການຄ້າເພື່ອຈຳໜ່າຍນ້ຳປະປາປະຊາຊົນນະຄອນຫຼວງຊຶ່ງປະຈຸບັນສາມາດຜະລິດນໍ້າໄດ້ທັງໝົດ 3,20 ແສນແມັດກ້ອນຕໍ່ມື້ໃນເຂດພື້ນທີ່ບໍລິການລວມມີ 7 ເມືອງໃນ ແລະ 2 ເມືອງນອກເປັນຕົ້ນເມືອງສັງທອງ ແລະ ເມືອງປາກງື່ມເປັນ ນ້ຳປະປາຂະໜາດນ້ອຍມີກຳລັງຜະລິດທັງໝົດ 2,9 ພັນແມັດກ້ອນຕໍ່ມື້ໂດຍໃນ ປີ 2018 ສາມາດຜະລິດໄດ້ 93,34 ລ້ານແມັດກ້ອນເທົ່າກັບ 104% ຖ້າທຽບໃສ່ແຜນການປີວາງໄວ້.

  ແນວໃດກໍ່ຕາມບຸນປີໃໝ່ມາເຖິງນີ້ຮຽກຮອງພໍ່ແມ່ປະຊາຊົນຮ່ວມເອົາໃຈໃສ່ປະຕິດບັດເພື່ອເປັນການປະຢັດຊັບສິນຕົນເອງ ແລະ ໃຫ້ຄົນຫ່າງໄກໄດ້ໃຊ້ນ້ຳທົ່ວເຖິງ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.