ນອກ​ແວ​ແຊ໋ມປະ​ເທດ​ມີ​ຄວາມສຸກ​ສຸດ​ໃນ​ໂລກ

ຕາມ​ການ​ລາຍ​ງານ​ຄວາມສຸກ​ໂລກປະຈຳ​ປີ 2017 ຂອງ​ສປຊ ລະບຸ​ວ່າ ນອກ​ແວ​​ເປັນ​ປະ​ເທດ​ທີ່​ມີ​ຄວາມສຸກ​ທີ່​ສຸດ​ໃນ​ໂລກ​​ແທນ​ທີ່​ດານ​ມາກ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ: ​ເຄືອ​ຂ່າຍ​ການ​ແກ້​ໄຂ​ບັນຫາ​ການ​ພັດທະນາ​ແບບ​ຍືນ​ຍົງ (​ເອສດີ​ເອສ​ເອັນ) ​ໂຄງການ​ລິ​ເລີ່​ມ​​ໃນ​ເຄືອ​ຂ່າຍ​ຂອງ​ສະຫະ​ປະຊາ​ຊາດ (ສປຊ)​ ເປີດ​ເຜີຍ​ລາຍ​ງາ​ນຄວາມສຸກ​ໂລກ​ປະຈຳ​ປີ 2017 ​ໃນ​ວັນ​ທີ 20 ມີນາ​ທີ່​ຜ່ານ​ມາ ຊຶ່ງ​ມີ​ການ​ປະ​ເມີນ​ຄວາມສຸກ​ຂອງ​ປະຊາກອນ​ໂລກ​ໃນ 155 ປະ​ເທດ, ສ່ວນ​ອັນ​ດັບ 1-10 ຂອງ​ປະ​ເທດ​ທີ່​ມີ​ຄວາມສຸກ​ທີ່​ສຸດ​ໃນ​ໂລກ​ມີ​ຄື: ນອກ​ແວ, ດານ​ມາກ, ອຽກລັງ, ສະ​ວິດ, ​ແຟງ​ລັງ, ນູ​ແວນ​ເຊ​ລັງ, ກາ​ນາ​ດາ, ອົດ​ສະຕຣາລີ ​ແລະ ຊູ​ແອັດ, ສ່ວນ​ 10 ອັນ​ດັບ​ສຸດ​ທ້າຍ​ທີ່​ມີ​ຄວາມສຸກ​ໜ້ອຍ​ສຸດ​ຄື: ​ເຢ​ເມນ, ຊູ​ດັງ​ໃຕ້, ​ລີ​ເບ​ເຣຍ, ກິ​​ເນ, ​ໂຕ​ໂກ, ຣູວັນ​ດາ, ​ແທນ​ຊາ​ນີ, ບຸຣູນດີ ​ແລະ ອາ​ຟຣິກາ​ກາງ, ສ່ວນ​ປະ​ເທດ​ອາ​ຊຽນ: ສິງກະ​ໂປ​ອັນ​ດັບ​ທີ່ (26), ​ໄທ (32), ມາ​ເລ​ເຊຍ (42), ຟິລິບ​ປິນ (72), ອິນ​ໂດ​ເນ​ເຊຍ (81), ສສ ຫວຽດນາມ (91), ມຽນມາ (114) ​ແລະ ກຳປູ​ເຈຍ (129) ສ່ວນ​ສປປ ລາວ ​ແລະ ບຣູ​ໄນ​ບໍ່​ໄດ້​ຢູ່​ໃນ​ການ​ສຳ​ຫຼວດ, ​ປະ​ເທດ​ມະຫາ​ອຳນາດ​ອື່ນໆ​ຄື ອາ​ເມ​ລິ​ກາ ​(14), ຣັດ​ເຊຍ (49), ສ ​ເກົາຫຼີ (56), ຍີ່ປຸ່ນ (31), ສປ ຈີນ​ອັນ​ດັບ (79) ​ແລະ ອິນ​ເດຍ (122) ຂະນະ​ທີ່​ ອິດສະຣາ​ແອນ​ເປັນ​ປະ​ເທດ​ທີ່​ມີ​ຄວາມສຸກ​ທີ່​ສຸດ​ໃນ​ອາຊີ.

ໂດຍ​ໃຊ້​ຕົວ​ຊີ້​ວັດ​ຈາກ​ປັດ​ໄຈ​ຫຼາຍ​ຢ່າງ​ທັງ​ອັດຕາ​ສ່ວນ​ຕົວ​ເລກ​ຜະລິດ​ຕະພັນ​ພາຍ​ໃນ (ຈີ​ດີ​ພີ) ຕໍ່​ຫົວ​ຄົນ, ອາຍຸ​ໄຂ​ສະ​ເລ່ຍຂອງ​ແຕ່ລະ​ປະ​ເທດ, ການ​ເພິ່ງ​ພາ, ​ເສລີພາບ​ໃນ​ການ​ໃຊ້​ຊີວິດ​ໃນ​ສັງຄົມ, ຄວາມ​ເອື້ອ​ເຟື້ອ​ເຜື່ອ​ແພ່ ​ແລະ ​ເລື່ອງ​ຂອງ​ຄວາມ​ປອດ​ໄພ​ຈາກ​ການ​ສໍ້​ລາດ​ບັງ​ຫຼວງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.