ນະ​ໂຍບາຍ​ທຣັມສ່ຽງ​ເຮັດ​​ໃຫ້​ເສດຖະກິດ​ອາ​ເມ​ລິ​ກາ​ຕົກ​ຕໍ່າ​ຄັ້ງ​ໃຫຍ່

ຫຼັງຈາກ​ທີ່ ທ່ານ ​ໂດ​ນັລ ທຣັມ ປະທານາທິບໍດີ​ຂອງ​ອາ​ເມ​ລິ​ກາ​ຖະ​ແຫຼ​ງນະ​ໂຍບາຍ​ຕໍ່​ສະພາ​ຄອງ​ເກສ​ເປັນ​ເທື່ອ​ທຳ​ອິດ ປາກົດ​ວ່າ ຕະຫຼາດ​ຫຸ້ນ ​ແລະ ນັກ​ລົງທຶນ​ຕອບ​ຮັບ​ໃນ​ທາງ​ບວກ ສົ່ງ​ຜົນ​ເຮັດ​ໃຫ້​ດັດ​ສະ​ນີ​ດາວ​ໂຈນ​ເພີ່ມ​ຂຶ້ນ​ຕໍ່​ເນື່ອງ​ຈົນ​ດັດ​ສະ​ນີຈຸ​ລະດັບ 21 ພັນ​ຈຸດ​ເປັນ​ເທື່ອ​ທຳ​ອິດ ​ແຕ່​ເໝືອນວ່າ ຫຼາຍ​ຄົນ​ລືມລະມັດລະວັງຄວາມ​ບໍ່​ແນ່ນອນ​ໃນ​ຕໍ່ໜ້າ ​ແລະ ຈຳນວນ​ບໍ່​ໜ້ອຍ​ຄາດ​ຫວັງ​ວ່າ ຕະຫຼາດ​ຫຸ້ນ​ຈະ​ແລ່ນ​ບໍ່​ຢຸ​ດຄື​ແນວ​ນີ້.

ແຜນການ​ປະຕິ​ຮູບ​ພາສີ​ຂອງ​ທຣັມ ທີ່​ຈະ​ຫຼຸດ​ພາສີ​ເງິນ​ຂອງ​ນິຕິບຸກຄົນ​ທຳ​ມະ​ດາ ​ແລະ ​ໂຄງການ​ໃຫຍ່​ລະດັບ 1 ພັນ​ຕື້​ໂດລາ​ສະຫະລັດ ທີ່​ຈະ​ລົງທຶນ​ໂຄງ​ສ້າງ​ພື້ນຖານ​ເຮັດ​ໃຫ້​ນັກ​ລົງທຶນ​ຄາດ​ຫວັງ​ສູງ​ຫຼາຍ.

ຢ່າງ​ໃດ​ກໍ​ຕາມ ທ່ານ ​ເດ​ວິດ ສະ​ຕອກ​ແມນ ອະດີດ​ຜູ້ອຳນວຍການ​ສຳນັກງານ​ບໍລິຫານ​ງົບປະມານ​ຍຸກ​ລັດຖະບານ ​ໂຣນັລ ​ເຣ​ແກນ ​ແລະ ອະດີດ​ສະມາຊິກ​ສະພາ​ພັກ​ຄຣີພັບ​ລິ​ກັນ​ລະບຸ​ວ່າ ນະ​ໂຍບາຍ​ທຣັມບໍ່​ສຳພັນ​ກັບ​ສິ່ງ​ທີ່​ເກີດ​ຂຶ້ນ​ກັບ​ຕະຫຼາດ ​ແລະ ​ເສດຖະກິດ​ຂອງ​ອາ​ເມ​ລິ​ກາ, ນະ​ໂຍບາຍ​ເພີ້​ຝັນ​ຂອງ​ທຣັມຈະ​ບໍ່​ເກີດ​ຂຶ້ນ ​ເພາະ​ພົບ​ກັບ“​ເພດານ​ໜີ້”

ນອກຈາກ​ນີ້​ຄວາມ​ປັ່ນ​ປ່ວນ​ທາງ​ການ​ເມືອງ​ອາ​ດ​ເຮັດ​ໃຫ້​ເກີດ​ການ​ຕິດ​ຂັດ, “ອາດ​ຈະ​​ເກີດຊັດ​ດາວ​ໂດຍ​ທີ່​ຄາດ​ບໍ່​ຄິດ ​ແລະ ຂ້ອຍ​ເບິ່ງ​ບໍ່​ເຫັນ​ວ່າ ຈະ​ມີ​ຫຍັງ​ເຮັດ​ໃຫ້​ເສດຖະກິດ​ຂະຫຍາຍຕົວ ຂ້ອຍ​ເຫັນ​ແຕ່​ຄວາມ​ຫຍຸ້ງຍາກ​ຄັ້ງ​ໃຫຍ່ ​ແລະ ​ເກີດ​ທາງ​ຕັນ​ດ້ານ​ງົບປະມານ”.

ດ້ານ ພອລ ​ແກມ​ເບິ​ລ ຜູ້​ບໍລິຫານ​ເອັມບີ​ເອັມຈີ ອິນ​ເຕີ​ເນ​ຊັນ​ແນວ ຊີ້​ວ່າ ​ແຜນການ​ປະຕິ​ຮູບ​ພາສີ​ຂອງ​ທຣັມອາດ​ເຮັດ​ໃຫ້​ເສດຖະກິດ​ຂອງ​ອາ​ເມ​ລິ​ກາ​ເຂົ້າ​ສູ່​ພາວະ“ຕົກ​ຕໍ່າ​ຄັ້ງ​ໃຫຍ່” ອີກ​ຮອບ ​ແບບ​ທີ່​ເຄີຍ​ເກີດ​ຂຶ້ນ​ໃນ​ທົດ​ສະ​ວັດ 1930 ມາ​ແລ້ວ ​ເພາະ​ແຜນການ​ຫຼຸດ​ພາສີ​ມຸ່ງ​ໃຫ້​ປະ​ໂຫຍ​ດກັບ​ຄົນ​ຮັ່ງມີ​ຫຼາຍ​ທີ່​ສຸດ ທັງ​ກິດຈະກຳ​ເສດຖະກິດ​ຈະ​ຫຼຸດ​ລົງ​ສຸດ​ທ້າຍ​ຜູ້​ທີ່​ຈະ​ໄດ້​ຮັບ​ຜົນ​ກະທົບ​ຫຼາຍ​ຄື​ຄົນ​ທີ່​ມີ​ລາຍ​ໄດ້​ໜ້ອຍ.

ເມື່ອ​ພິຈາລະນາ​ທັງ​ແຜນການ​ຫຼຸດ​ພາ​ສີກາ​ນລົງທຶນ​ໂຄງ​ສ້າງ​ພື້ນຖານ ​ແລະ ນະ​ໂຍບາຍ​ການ​ໃຊ້​ຈ່າຍ​ຂອງ​ພາກ​ລັດ ທຳນາຍ​ໄດ້​ວ່າ ຈະ​ເຮັດ​ໃຫ້​ສະຖານະ​ການ​ຮ້າຍ​ແຮງ​ລົງ​ຫຼາຍ ອາດ​ເຮັດ​ໃຫ້​ຈີ​ດີ​ພີ​ອາ​ເມ​ລິ​ກາ​ຫຼຸດ​ລົງ 2% ຍັງ​ບໍ່​ລວມຜົນ​ກະທົບ(Secondary Effects) ທີ່​ຈະ​ເກີດ​ຂຶ້ນ​ຕາມ​ມາ​ບໍ່​ວ່າ​ຈະ​ເປັນ​ອັດຕາ​ດອກ​ເບ້ຍ​ສູງ, ຄ່າ​ເງິນ​ໂດ​ລາ​ສະຫະລັດ​ແຂງ​ຄ່າ ​ແລະ ​ເກີດ​ວົງ​ຈອນ​ອຸບາດ​ຂອງ​ເງິນ​ຝືດ.

ແກມ​ເບິ​ລກ່າວ​ຕື່ມ​ວ່າ ທັງ​ໝົດ​ນີ້​ອາດ​ເຮັດ​ໃຫ້​ອາ​ເມ​ລິ​ກາ​ເຂົ້າ​ສູ່​ພາວະ​ເສດຖະກິດ​ຖົດຖອຍ ​ແລະ ກາຍ​ເປັນພາວະ​ເສ​ດຖະກິດ​ຕົກ​ຕໍ່າ​ຄັ້ງ​ໃຫຍ່​ຮອບ​ທີ່ 2 ຂອງ​ອາ​ເມ​ລິ​ກາ.

ກ່ອນ​ໜ້າ​ນີ້ ​ເບ​ນ ​ເບີ​ແນ​ງຄີ ອະດີດ​ປະທານ​ທະນາຄານ​ກາງ​ອາ​ເມ​ລິ​ກາ(​ເຟດ)ຂຽນ​ບົດ​ຄວາມ​ລະບຸ​ວ່າ ​ໂດຍ​ທົ່ວ​ໄປ​ແລ້ວ​ການ​ຫຼຸດ​ພາສີ​ສົ່ງ​ຜົນ​ໃຫ້​ເກີດ​ຄວາມຕ້ອງການ​ທາງ​ເສດຖະກິດ​ໜ້ອຍ​ກວ່າ​ການ​ໃຊ້​ຈ່າຍ​ຂອງ​ພາກ​ລັດ ຂະນະ​ທີ່​ສຳນັກງານ​ວິ​ໄຈ​ເສດຖະກິດ​ແຫ່ງ​ຊາດ​ປະ​ເມີນ​ວ່າ ການ​ຫຼຸດ​ພາສີ​ເງິນ​ນິຕິບຸກຄົນ​ທຸກ 1 ​ໂດ​ລາ ຊ່ວຍ​ເພີ່ມ​ການ​ໝູນວຽນ​ຂອງ​ເສດຖະກິດ​ພຽງ 50 ​ເຊ​ນ ໝາຍ​ຄວາມ​ວ່າ ມັນ​ມີ​ຜົນ​ກະທົບ​ທາງ​ບວກ​ຕໍ່​ເສດຖະກິດ​​ແບບຈຳກັດ​.

ກ່ອນ​ໜ້າ​ນີ້​ມີ​ຜູ້​ຊ່ຽວຊານ​ຫຼາຍ​ຄົນ​ວິ​ເຄາະ​ວ່າ ​ແຜນການ​ທີ່​ສວຍ​ຫຼູຂອງ​ທຣັມອາດ​ບໍ່​ຜ່ານ​ຄວາມ​ເຫັນ​ດີ​ຈາກ​ສະພາ​ໄດ້​ງ່າຍໆ ​ເຖິງ​ແມ່ນ​ວ່າ ພັກ​ຄຣີພັບ​ລິ​ກັນຈະ​ຄອງ​ສຽ​ງສ່ວນ​ຫຼາຍ​ທັງ​ສອງ​ສະພາ​ກໍ​ຕາມ.

ໂດຍ​ປະ​ເດັນ​ຂອງ​ງົບປະມານ​ນັ້ນ ຈະ​ຖືກ​ຈຳກັດ​ດ້ວຍ​ຂໍ້​ກົດໝາຍ​ທີ່​ຫ້າມ​ເພີ່ມ​ການ​ໃຊ້​ຈ່າຍ​ທາງ​ທະຫານ​ຈົນ​ເກີນ​ເພດານ​ແລ້ວ​ໄປ​ຕັດ​ຫຼຸດ​ງົບປະມານ​ຂອງ​ໜ່ວຍ​ງານ​ອື່ນ ຊຶ່ງ​ກໍລະນີ​ຂອງ​ທຣັມກຽມ​ສະ​ເໜີ​ເພີ່ມ​ງົບປະມານ​ທາງ​ທະຫານ​ແລ້ວ​ໄປ​ຕັດ​ຫຼຸດ​ງົບປະມານ​ກະຊວງ​ການ​ຕ່າງປະ​ເທດ​ຊຶ່ງ​ຖ້າ​ຫາກ​ເຮັດ​ຈິງ​ຈະ​ຖື​ວ່າ​ຜິດ​ກົດໝາຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.