ນັດຊີງອັນດັບ 2 ແມນເຊັສເຕີ ຊິຕີ ເປີດບ້ານພົບ ລີເວີພູລ ຄືນນີ້

ການແຂ່ງຂັນ ບານເຕະລະດັບສະໂມສອນ ພຣີເມຍ ລີກ ອັງກິດ ລະຫວ່າງ ແມນເຊັສເຕີ ຊິຕີ ພົບກັບ ລີເວີພູລ

ສະໜາມ ເອດິຮັດ ສະເຕດ້ຽມ (ແມນເຊັສເຕີ, ອັງກິດ) ແຂ່ງຂັນ ວັນອາທິດ 19 ມີນາ 2017 ເວລາ 23.30 ໂມງ.

ແມນເຊັສເຕີ ຊິຕີ ເປີດບ້ານຮັບການມາຢາມຂອງ ລີເວີພູລ ເປັນການແຂ່ງຂັນເພື່ອຍາດແຍ່ງອັນດັບ 2 ແະ ພື້ນທີ່ຢູຟາແຊັມປ້ຽນ ລີກໃນລະດູການໜ້າ.

ແມນ ຊິຕີ ທີມອັນດັບ 3 ຫາກໍ່ຕົກຮອບ ຢູຟາ ແຊັມປ້ຽນ ລີກ ຮອບ 16 ທີມສຸດທ້າຍດ້ວຍກົດປະຕູທີມຢາມ ( away goal ) ຫຼັງບຸກໄປແພ້ ໂມນາໂກ ຈາກຝຣັ່ງ 3-1 ລວມຜົນ ສອງນັດ ສະເໝີ 6-6. ເຊື່ອວ່າອີກເປົ້າໝາຍຕໍ່ໄປຂອງ ໂຈເຊັບ ກວາເດຍໂອລາ ແມ່ນ ຂັນ ເອັຟເອ ຄັບ ທີ່ພວກເຂົາຜ່ານເຂົ້າຮອບ ຮອງຊະນະເລີດພົບກັບ ອາເຊນອລ.

ຄວາມພ້ອມຂອງທີມນອກຈາກ ອິລຄາຍ ກຸນໂດກັນ ກັບ ກາບຽວ ເຊຊູສ ທີ່ພັກຍາວໝົດລະດູການ ແລະ ແວັງຊອງ ກອງປານີ ທີ່ເຊົາເຈັບເຂົ່າກັບມາ ກໍ່ບໍ່ມີໃຜບາດເຈັບຂຸມກຳລັງຫຼັກຢູ່ຄົບ.

ການຈັດຂຸມກຳລັງເພື່ອຮັບມືກັບ ລີເວີພູລ ໃນ 11 ຕົວຈິງ ດ້ວຍລະບົບ 4-4-1-1 ຄາດວ່າ ວິລລີ ກາບາເຢໂຣ ເຝົ້າເສົາເຊັ່ນເຄີຍ; ກອງຫຼັງ ປາໂບລ ຊາບາເລຕາ, ຈອນ ສະໂຕນ, ນິໂກລາສ ໂອຕາເມນດີ ແລະ ອສເລັກຊານເດີ ໂຄລາຣອຟ; ກອງກາງ ແຟນັນດິນໂຢ ກັບ ຢາຢາ ຕູເຣ ຄຸມເກມໃນແດນກາງ ແລະ ລີລາຍ ຊາເນ ກັບ ຣາຮິມ ສະເຕິລິງ ຢືນດ້ານຂ້າງ; ດາບິດ ຊິລວາ ຢືນດ້ານຫຼັງໜ້າເປົ້າຢ່າງ ເຊຄິໂອ ອັງເກວໂຣ.

ສ່ວນທາງຝັ່ງທີມຢາມ ລີເວີພູລ ທີມອັນດັບ 4 ທີ່ຊະນະໃນລີກມາ 2 ນັດຕິດ ຊະນະ ອາເຊນອລ 3-1 ແລະ ເບີນລີ 2-1 ມີ 55 ຄະແນນ ຕາມຫຼັງ ແມນ ຊິຕີ 1 ຄະແນນ ແຕ່ແຂ່ງຫຼາຍກວ່າ 1 ນັດ.

ເຈີເກັນ ຄລອບ ມີສະຖິຕິທີ່ດີ ເວລາພາທີມພົບກັບທີມໃຫຍ່ໃນລີກ ແລະ ກໍ່ຫວັງວ່າຈະສາມາດເຮັດໄດ້ຄືທີ່ຜ່ານມາ ຖ້າຫາກບຸກມາເອົາ 3 ແຕ້ມທີ່ຖິ່ນຂອງ ແມນຊິຕີ ໄດ້ພວກເຂົາຈະແຊງຂຶ້ນໄປເປັນຢູ່ 3 ທັນທີ.

ຄວາມພ້ອມຂອງທີມ ຈໍແດນ ເຮັນເດີສັນ ກອງກາງກັບຕັນທີມ ໝົດສິດລົງຊ່ວຍທີມ ເນື່ອງຈາກເຈັບ ຂໍ້ຕີນ, ດານຽວ ສະເຕີ ຣິດ ເຈັບສະໂພກ. ສ່ວນ ເດຢັນ ລອຟເຣນ ກອງຫຼັງ ເຊົາເຈັບເຂົ່າກັບມາຄາດວ່າຈະໄດ້ລົງເປັນຕົວຈິງ, ໂຣແບໂຕ ຟີມິໂນ ກອງໜ້າ ທີ່ເຈັບໂຄນຂາໜີບ ບໍ່ໄດ້ລົງເກມລີກນັດຫຼ້າສຸດ ຕ້ອງທົດສອບສະພາບຮ່າງກາຍວ່າພ້ອມສຳລັບນັດນີ້ ຫຼື ຍັງ ອີກຄົນແມ່ນ ດີວັອກ ໂອຣີກີ ກອງໜ້າຊາວແບນຊິກ ກໍ່ມີບັນຫາບາດເຈັບເລັກນ້ອຍ ເຖິງພ້ອມແຕ່ກໍ່ເປັນຕົວສຳຮອງໄປກ່ອນ.

11 ຕົວຈິງທີ່ຄາດວ່າ ເຈີເກັນ ຄລອບ ຈະສົ່ງລົງດ້ວຍລະບົບ 4-3-3  ຊິມົງ ມິນໂຢເລ ເຝົ້າເສົາ; ນາທານຽວ ໄຄລ, ເດຢັນ ລອຟເຣນ, ໂຈເອລ ມາຕິບ ແລະ ເຈມ ມິລເນີ; ກອງກາງ ເອັມເຣ ຊານ, ຈໍຈິນໂຢ ໄວນາດຸມ ແລະ ອາດຳ ລັລລານາ; ຟີລິບເປ ຄູຕິນໂຢ ກັບ ຊາດິໂອ ມາເນ ຢືນດ້ານຂ້າງ ໂດຍມີ ໂຣແບໂຕ ຟີມິໂນ ຢືນໜ້າເປົ້າ.

ຜູ້ຕັດສິນ ໄມ່ເຄິລ ໂອລິເວີ.

ການແຂ່ງຂັນ ພຣີເມຍ ລີກ ອີກ 2 ຄູ່ທີ່ຈະລົງແຂ່ງ ໃນວັນ ອາທິດ ທີ 19 ມີນາ 2017

ມິດເດິລສໂບຣ ພົບ ແມນເຊັສເຕີ ຢູໄນເຕັດ ເວລາ 19:00 ໂມງ

ທອດແນັມ ຮັອດສະເປີ ພົບ ເຊົາແຮັມຕັນ 21:15 ໂມງ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.