ນາຍບ້ານແບບຢ່າງ ປູກຜັກໝຸນວຽນມີລາຍໄດ້ບໍ່ຕໍ່າກວ່າ 25 ລ້ານກີບຕໍ່ປີ

    ທ່ານ ທອງ​ໃສ ສະ​ນະ​ລີນນາຍ­ບ້ານໆ​ໜອງ​ບົວ ເມືອງ​ໂພນທອງ ແຂວງ​ຈຳ­ປາ​ສັກ ຖື​ໄດ້​ວ່າເປັນ​ນາຍ­ບ້ານ​ທີ່​ເປັນ​ແບບ­ຢ່າງໃຫ້​ກັບ​ປະ­ຊາ­ຊົນ​ພາຍ​ໃນ​ບ້ານ​ກໍ​ຄື ເມືອງໂດຍ​ໃຊ້​ແຮງ​ງານ​ພຽງ 2 ຄົນ​ກັບ​ເນື້ອ­ທີ່​ດິນ​ຂ້າງ​ເຮືອນ​ເກືອບເຮັກ­ຕາ​ສາ­ມາດ​ໝູນ​ວຽນປູກ​ຜັກ ສ້າງ​ເສດ­ຖະ­ກິດ​ສະ­ເລ່ຍ​ເປັນ​ລາຍ​ຮັບ​ໃຫ້​ກັບ​ຄອບ­ຄົວ​ປີ​ໜຶ່ງ​ບໍ່​ຫຼຸດ 25 ລ້ານ​ກີບ.

    ເມື່ອ​ກ່ອນ ທ່ານ ທອງ​ໃສ ສະ ນະ​ລີນ ມີ​ອາ­ຊີບ​ເປັນ​ຊາວ­ນາ​ຫາ ກີນ​ຕາມ​ພາ­ສາ​ຄົນ​ເຮັດ​ນາ ແຕ່ຍ້ອນ​ວ່າ­ການ​ເຮັດ​ນາ​ສາ­ມາດ​ເຮັດ ໄດ້​ແຕ່​ໃນ​ລະ­ດູ­ຝົນ​ລະ­ດູ​ດຽວ ຈິ່ງເຮັດ​ໃຫ້​ເສດ­ຖະ­ກິດ​ຄອບ­ຄົວ​ບໍ່​ຄ່ອຍ ດີ (ບໍ່​ກຸ້ມ​ຢູ່​ກຸ້ມ​ກິນ) ດັ່ງ­ນັ້ນ​ຕົນເອງ ແລະ​ຄູ່​ຮ່ວມ​ຊີ­ວິດ​ຈິ່ງ​ຕັດ​ສີນ ໃຈ​ມາ​ຢຶດ​ຖື​ເອົາ​ອາ​ຊິບ​ປູກ​ຜັກ ຂາຍ​ເປັນ​ຫຼັກ​ໃນ​ປີ 2001 ໂດຍ​ນຳ ໃຊ້​ບົດ­ຮຽນ​ທີ່​ຮຽນ​ມາ​ຈາກ​ພໍ່​ແມ່, ໃຊ້​ຕົ້ນ​ທຶນ​ເບື້ອງ​ຕົ້ນ 5-6 ແສນກີບ, ກັບ​ໜານ​ຜັກ​ປະ­ມານ 15-20 ໜານ, ຜັກ​ທີ່​ປູກ​ເປັນ​ຫຼັກ​ແມ່ນຜັກ­ບົ່ວ, ສະ­ຫຼັດ, ຜັກ­ບົ້ງ ແລະ​ຜັກ​ປະ­ເພດ​ອື່ນໆ​ທີ່​ຕະ­ຫຼາດ​ຕ້ອງ­ການອີກ​ຈຳ­ນວນ​ໜຶ່ງ, ສ່ວນ​ການ​ຈຳໜ່າຍ​ເວ­ລາ​ນັ້ນ​ແມ່ນ​ມີ​ຄວາມ​ຫຍຸ້ງຍາກ​ເນື່ອງ​ຈາກ​ບໍ່​ທັນ​ມີ​ຂົວ​ຂ້າມ ນ້ຳ​ຕ້ອງ​ໃຊ້​ບໍ­ລິ­ການ​ຜ່ານ​ບັກ​ແທນ ເຮັດ​ໃຫ້​ມີ­ຄ່າ​ຫຼຸ້ຍ​ຫ້ຽນ​ເພີ່ມ​ຂຶ້ນ, ແຕ່ກໍ​ຍັງ​ພໍ​ມີ​ລາຍ​ໄດ້​ຢູ່ ດັ່ງ­ນັ້ນ​ ຈິ່ງ​ສືບຕໍ່​ເຮັດ​ມາ​ຫຼາຍ​ປີ​ຈົນ​ມີ​ຄວາມ​ສະດວກ​ໃກ​ານ​ຂົນ­ສົ່ງ ແລະ​ຕະ­ຫຼາດກໍ​ມີ​ການ​ຮອງ​ຮັບ​ຫຼາຍ​ຂຶ້ນ ດັ່ງ­ນັ້ນ​ຈິ່ງ​ໄດ້​ສຸມ​ໃສ່​ໃນ​ການ​ປູກ​ຜັກ​ຢ່າງ​ດຽວ​ຈົນ​ມາ​ຮອດ​ປະ­ຈຸ​ບັນ.

gjfuitui

ປະ­ຈຸ​ບັນ​ທ່ານ ທອງ​ໃສ ສະ​ນະ ລີນ ໄດ້​ຍົກ​ລະ­ດັບ​ຖາ­ນະ​ຂອງ​ຕົນ ຂຶ້ນ​ເປັນ​ນາຍ­ບ້ານ​ໜອງ​ບົວ ເມືອງ ໂພນ​ທອງ ແຂວງ​ຈຳ­ປາ​ສັກ, ເວ ລາ​ຫວ່າງ​ຈາກ​ການ​ຮັບ​ໃຊ້​ອຳ ນາດ​ການ​ປົກ­ຄອງ​ເມືອງ​ແລ້ວ ເພິ່ນ​ກໍ​ໄດ້​ຫັນ​ໜ້າ​ເຂົ້າ​ໃສ່​ໜານ​ຜັກ ທີ່​ມີ​ເນື້ອ­ທີ່​ເກືອບ​ເຮັກ­ຕາ, ໂດຍ​ມີ ໜານ​ຜັກ​ທັງ​ໝົດ 60 ກວ່າ​ໜານ, ແຕ່​ຍັງ​ໃຊ້​ແຮງ​ງານ 2 ຄົນ​ຄື­ເກົ່າ, ຊຶ່ງ​ໃນ​ປີ­ຜ່ານ­ມາ​ນີ້​ຄອບ­ຄົວ​ເພິ່ນ​ມີ ລາຍ​ຮັບ​ຈາກ​ການ​ຂາຍ​ຜັກ​ປະ ມານ 25 ກວ່າ​ລ້ານ​ກີບ ແລະ​ປີ​ນີ້ເພິ່ນ​ຕັ້ງ​ເປົ້າ​ຫາກ​ລາ­ຄາ​ຜັກ​ບໍ່​ຕ່ຳ ເກີນ​ໄປ​ອາດ​ມີ​ລາຍ​ຮັບ​ເຖິງ 30 ລ້ານ​ກີບ ແລະ​ໃນ​ປະ­ຈຸ​ບັນ ເພິ່ນ​ໄດ້ສ້າງ​ຜະ­ລິດ​ຕະ​ພັນ​ດິນ​ບັອກ​ຂາຍ ນຳ​ອີກ ໂດຍ​ແມ່ນ​ແຫຼ່ງ​ທຶນ​ມາ​ຈາກ ການ​ຂາຍ​ຜັກ​ຈົນ​ເຮັດ​ໃຫ້​ອຳ­ນາດ ການ​ປົກ­ຄອງ​ເມືອງ ກໍ​ຄື​ຂະ­ແໜງ ການ​ກ່ຽວ­ຂ້ອງ​ຍົກ​ວ່າ​ຄອບ­ຄົວ ເພິ່ນ​ເປັນ​ຄອບ­ຄົວ​ຕົວ​ແບບ​ໃນ ການ​ສ້າງ​ເສດ­ຖະ­ກິດ​ຄອບ­ຄົວ.

ພຽງ​ແຕ່​ຢຶດ​ຖື​ອາ­ຊີບ​ນີ້​ມາ ເຫັນວ່າ​ເຮັດ​ໃຫ້​ສະ­ພາບ​ເສດ­ຖະ­ກິດ ຄອບ­ຄົວ​ດີ​ຂຶ້ນ ຈາກ​ເມື່ອ​ກ່ອນ​ທີ່ ເຄີຍ​ຂາດ­ເຂີນ​ມາ​ໃນ​ເວ­ລາ​ນີ້​ເຖິງ ແມ່ນ​ວ່າ​ບໍ່​ລ້ຳ​ລວຍ ແຕ່​ກໍ​ສາ­ມາດ ມີ​ເຮືອນ, ມີ​ລົດ ແລະ​ມີ​ທຶນ​ສົ່ງ­ເສີມ ໃຫ້​ລູກ​ໄດ້​ຮ່ຳ­ຮຽນ​ຈົນ​ເຖິງ​ວິ­ຊາ​ຊີບ (ນີ້​ແມ່ນ​ຄຳ​ເວົ້າ​ຈາກ​ໃຈ​ຂອງ ທ່ານ ທອງ​ໃສ ສະ​ນະ​ລີນ).

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.