ນິວຢອກກຽມສ້າງຕຶກສູງທີ່ສຸດໃນໂລກ

ອາຄານ​ທີ່​ມີ​ຮູບຊົງ​ໂຕ​ຢູຄວໍ່າ​ອອກ​ແບບ​ໂດຍ​ສະຖາ​ປາ​ນິດ ກຣິກ ທີ່​ຫວັງ​ວ່າ ຈະ​ເປັນ​ອາຄານ​ທີ່​ສູງ​ທີ່​ສຸດ​ໃນ​ໂລກ ລົ້ມ​ແຊ໋ມປະຈຸ​ບັນ​ຄື ​ເບິ​ຈຄາ​ລິ​ຟາ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທີ​ມນັກ​ພັດທະນາ​ໃນ​ມະຫາ​ນະຄອນ​ແມນ​ຮັດ​ຕັນ​ເດີນ​ໜ້າ​ສ້າງ​ຕຶກ​ຂອງ​ເມືອງ​ໃຫ້​ສູງ​ຂຶ້ນ ​ແລະ ສູງ​ຂຶ້ນ ​ແຕ່​ບໍ່​ແມ່ນ​ພຽງ​ສູງ​ທຳ​ມະ​ດາ ​ເພາະ Ioannis Oikonomou ສະຖາ​ປາ​ນິກຄົນ​ກຣີກ​ໄດ້​ອອກ​ແບບອາຄານ​ໃໝ່​ແຫ່ງ​ອະນາຄົດ​ນີ້ ທີ່​ຈະ​ປ່ຽນ​ອາຄານ​ແບບ​ເດີມໆ​ໄປ​ໄດ້​ເລີຍ, ສະຖາ​ປາ​ນິກຕັ້ງ​ຊື່​ອາຄານ​ນີ້​ວ່າ “Big Bend” ຕົວ​ອາຄານ​ຖືກ​ອອກ​ແບບ​ໃຫ້​ມີ​ຮູບຊົງ​​ໂຕ​ຢູຄວໍ່າ ຊຶ່ງ​ຈະ​ເປັນ​ທີ່​ຮູ້ຈັກ​ໃນ​ຖານະ​ອາຄານ​ທີ່​ມີ​ຄວາມ​ຍາວ​ທີ່​  ສຸ​ດ​ໃນ​ໂລກ (ຖ້າ​ຫາກ​ວັດ​ແທກ​ຈາກ​ຈຸດ​ເລີ່​ມຕົ້ນ​ຂອງ​​ໂຕ​ຢູຝັ່ງ​ໜຶ່ງ ​ໄປ​ຍັງ​ອີກ​ຝັ່ງ​ໜຶ່ງ ຕົວ​ອາຄານ​ຈະ​ມີ​ຄວາມ​ຍາວ​ເຖິງ 1,22 ກິ​ໂລ​ແມັດ) ຂະນະ​ນີ້ ຍັງ​ຢູ່​ໃນ​ຂັ້ນ​ຕອນ​ການ​ອອກ​ແບບ​ເທົ່າ​ນັ້ນ, ຊຶ່ງ​ກຳລັງ​ມອງ​ຫາ​ບໍລິສັດ​ທີ່​ຈະ​ເຂົ້າ​ມາ​ລົງທຶນ​ກໍ່ສ້າງ ​ໂດຍ​ຄາດ​ວ່າ ອາຄານ​ຈະ​ຕັ້ງ​ຢູ່​ບໍລິ​ເວນ​ທາງ​ທິດ​ໃຕ້​ຂອງ​ສວນສາທາລະນະ​ເຊັນ​ທຣັລປາດ ຊຶ່ງ​ພື້ນ​ທີ່​ດັ່ງກ່າວ​ເປັນ​ເຂດ​ເສດຖີ ​ແລະ ອ້ອມ​ລ້ອມ​ໄປ​ດ້ວຍ​ຕຶກ​ແຝດ.

ທັງ​ນີ້ ​ຖ້າ​ຫາກ​ອາຄານ​ນີ້​ກໍ່ສ້າງ​ຂຶ້ນ​ສຳ​ເລັດ ອາດ​ຈະ​ທຳລາຍ​ສະຖິຕິ​ອາຄານ​ເບິ​ຈຄາ​ລິ​ຟາຂອງ​ນະຄອນຫຼວງ​ດູ​ໄບຂອງ​ສະຫະລັດ​ອາຣັບອາມິ​ເຣດ ທີ່​ປະຈຸ​ບັນ​ເປັນ​ອາຄານ​ທີ່​ສູງ​ທີ່​ສຸດ​ໃນ​ໂລກ​ດ້ວຍ​ຄວາມ​ສູງ 830 ​ແມັດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.