ບຣາຊິນຕ້ອງຟື້ນຟູຄວາມເຊື່ອໝັ້ນໃນການສົ່ງອອກຊີ້ນສັດ

ຄະນະກຳມະທິການສາທາລະນະສຸກສະຫະພາບເອີຣົບ (ອີຢູ) ຖະແຫຼງວ່າ ບຣາຊິນຈະຕ້ອງຟື້ນຟູຄວາມ ເຊື່ອໝັ້ນທີ່ມີຕໍ່ທຸລະກິດສົ່ງອອກຊີ້ນສັດອີກເທື່ອໜຶ່ງ ພາຍຫຼັງທີ່ມີການສົ່ງອອກຊີ້ສັດແປຮູບໝົດອາຍຸ ຂາຍໃນຕະຫຼາດຕ່າງປະເທດ ແຕ່ກັບໄດ້ຮັບການຮັບຮອງວ່າໄດ້ມາດຕະຖານ.

ສຳນັກຂ່າວຕ່າງປະເທດລາຍງານວ່າ ທ່ານ ວີເທນິສ ອັນເຣິອູໄຄທິ ຄະນະກຳມະທິການສາທາລະນະສຸກ ແລະ ຄວາມປອດໄພທາງອາຫານຂອງອີຢູກ່າວລະຫວ່າງ ການຢ້ຽມຢາມນະຄອນຣີໂອເດຈາເນໂຮຂອງບຣາຊິນວ່າ ອີຢູຫວັງວ່າ ທາງການບຣາຊິນຈະເຂົ້າ ໃຈວ່າຂຶ້ນຢູ່ກັບບຣາຊິນເອງທີ່ຈະຕ້ອງເລັ່ງດຳເນີນການໃຫ້ໄວທີ່ສຸດ ເພື່ອຟື້ນຟູຄວາມໝັ້ນໃຈ ໃນລະບົບການຄວບຄຸມກວດກາຂອງທາງການ ໂດຍຫວັງວ່າ ຈະໄດ້ຮັບຄວາມຮ່ວມມືຢ່າງດີ ແລະ ເປັນທີ່ເຂົ້າໃຈກັນເພື່ອຫາທາງອອກຢ່າງ ມີປະສິດທິພາບເຈົ້າໜ້າທີ່ລະດັບສູງອີຢູຊຶ່ງມາຢ້ຽມຢາມບຣາຊິນ ກ່ອນຈະມີຂ່າວໃນທຸລະກິດສົ່ງອອກຊີ້ນສັດຂອງບຣາຊິນມີບັນຫາມີແຜນພົບກັບລັດຖະມນຕີກະສິກຳບຣາຊິນໃນວັນທີ 28 ມີນານີ້.

ບຣາຊິນເປັນຜູ້ສົ່ງອອກສັດປີກ ແລະ ຊີ້ນງົວລາຍໃຫຍ່ທີ່ສຸດຂອງໂລກ ພົບກັບກະແສຂ່າວວ່າ ບໍລິສັດແປ ຮູບຊີ້ນສັດ 21 ແຫ່ງໃຊ້ສານເຄມີເພື່ອແຕ່ງກິ່ນເພື່ອປົກປິດຊີ້ນເນົ່າ ແລະ ຕິດສິນບົນເຈົ້າໜ້າທີ່ກວດກາຄຸນນະພາບອາຫານເພື່ອໃຫ້ຜ່ານການຮັບຮອງດ້ານຄວາມປອດໄພ.

ບຣາຊິນຕ້ອງຟື້ນຟູຄວາມເຊື່ອໝັ້ນໃນການສົ່ງອອກຊີ້ນສັດ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.