ບຣາ​ຊິນຂຶ້ນ​ເປັນ​ເບີ 1 ຂອງ​ໂລກຮອບ 6 ປີ

ສະ­ຫະ­ພັນ​ບານ­ເຕະ​ນາໆຊາດ ( ຟີ​ຟາ ) ປະ­ກາດ​ຜົນ​ຈັດ​ອັນ​ດັບ​ຄະ­ແນນ​ທີມ​ຊາດ ປະ­ຈຳ​ເດືອນ​ເມ­ສາ 2017 ປະ­ກົດ​ວ່າ: ທີມ​ຊາດ​ບຣາ​ຊິນ ເກັບ​ຄະ­ແນນ​ແຊງ ອາກ​ຊັງ​ຕິນ ຂຶ້ນ​ມາ​ເປັນ​ອັນ​ດັບ 1 ຂອງ​ໂລກ ໃນ​ຮອບ 6 ປີ ຫຼັງ​ຈາກ​ທີ່​ສ້າງ​ຜົນ­ງານ​ຢ່າງ​ໂດດ​ເດັ່ນ ໃນ​ການ​ແຂ່ງ­ຂັນ​ບານ​ໂລກ 2018 ຮອບ​ຄັດ​ເລຶອກ ເມື່ອ​ເດືອນ​ມີ­ນາ​ທີ່​ຜ່ານ​ມາ ຂະ­ນະ​ທີ່ ທີມ​ຊາດ​ລາວ ຫຼຸດ​ລົງ 1 ອັນ​ດັບ​ຢູ່​ອັນ​ດັບ​ທີ 174 ຂອງ​ໂລກ.

ທີມ​ຊາດ​ບຣາ​ຊິນ ສ້າງ​ຜົນ­ງານ​ຢ່າງ​ໂດດ​ເດັ່ນ​ເກັບ​ໄຊ­ຊະ­ນະ 2 ນັດ​ລວດ ໃນ​ການ​ແຂ່ງ­ຂັນ​ບານ​ໂລກ 2018 ຮອບ​ຄັດ​ເລຶອກ ໂຊນ​ອາ​ເມ​ຣິ​ກາ​ໃຕ້ ໂດຍ​ນັດ​ທຳ​ອິດ​ບຸກ​ຖະ​ຫຼົ່ມ ອູ​ຣູກ​ວາຍ 4-1 ກ່ອນ​ນັດ​ທີ 2 ຈະ​ເປີດ​ບ້ານ​ຖະ​ຫຼົ່ມ ປາ​ຣາກ​ວາຍ 3-0 ເຮັດ​ໃຫ້​ພວກ​ເຮົາ​ເກັບ​ຄະ­ແນນ​ສະ​ສົມ​ເປັນ 1,661 ຄະ­ແນນ​ແຊງ ອາກ​ຊັງ​ຕິນ ທີ່​ມີ 1,603 ຄະ­ແນນ ຂຶ້ນ​ເປັນ​ທີມ​ຊາດ​ເບີ 1 ຂອງ​ໂລກ ເຊິ່ງ​ເປັນ​ຄັ້ງ​ທຳ​ອິດ​ໃນ​ຮອບ 6 ປີ. ອັນ​ດັບ 3 ເປັນ​ຂອງ ເຢຍ​ລະ​ມັນ ແລະ ອັນ​ດັບ 4 ຊິ​ເລ, ສ່ວນ ໂກ​ລົມ​ບີ ເລື່ອນ​ຂຶ້ນ​ຢູ່​ອັນ​ດັບ​ທີ 5 ແທນ​ທີ່​ຂອງ ແບນ​ຊິກ ທີ່​ຕົກ​ໄປ​ຢູ່​ອັນ​ດັບ 7 ຂອງ​ໂລກ​ແທນ. ຂະ­ນະ​ທີ່ ທີມ​ຊາດ​ໂຮນ​ລັງ ທີມ​ໃຫຍ່​ໃນ​ລະ­ດັບ​ພາກ​ພື້ນ​ເອີ​ຣົບ ຕົກ­ລົງ​ໄປ​ຢູ່​ອັນ​ດັບ​ທີ 32 ຂອງ​ໂລກ ເຊິ່ງ​ນັບ​ເປັນ​ສະ­ຖິ­ຕິ​ທີ່​ຕົກ­ຕ່ຳ​ທີ່​ສຸດ​ໃນ​ປະ­ຫວັດ­ສາດ​ຂອງ​ພວກ​ເຂົາ ຫຼັງ​ບຸກ​ເສຍ​ໃຫ້​ກັບ ບູນ​ກາ­ລີ ໃນ​ບານ​ໂລກ 2018 ຮອບ​ຄັດ​ເລຶອກ 0-2 ແລະ ເປີດ​ບ້ານ​ອຸ່ນ​ເຄ​ື່ງ​ເສຍ​ໃຫ້​ກັບ ອິ​ຕາ​ລີ 1-2. ສະ­ຫຼຸບ 5 ອັນ​ດັບ​ທຳ​ອິດ​ຂອງ​ໂລກ, ອາ­ຊີ ແລະ ອາ​ຊຽນ​ມີ​ຄື:

  • ອັນ​ດັບ​ທີມ​ຊາດ​ໃນ​ໂລກ​ມີ​ຄື:
  1. ບຣາ​ຊິນ
  2. ອາກ​ຊັງ​ຕິນ
  3. ເຢຍ​ລະ​ມັນ
  4. ຊິ​ເລ
  5. ໂຄ​ລົມ​ບີ
  6. ຝຣັ່ງ
  7. ແບນ​ຊິກ
  8. ປ໊ອກ​ຕຸຍ​ການ
  9. ສະ​ວິດ
  10. ແອັດ​ສະ​ປາຍ
  • ອັນ​ດັບ​ທີມ​ຊາດ​ໃນ​ອາ­ຊີ:
  1. ອີ​ຣານ
  2. ສ ເກົາ­ຫຼີ
  3. ຍີ່­ປຸ່ນ
  4. ອົດ​ສະ​ຕຣາ​ລີ
  5. ຊາ​ອຸ​ດິ​ອາ​ຣະ​ບີ
  6. ອຸດ​ສະ​ເບ​ກິດ​ສະ­ຖານ
  7. ສະ­ຫະ­ລັດ​ອາ​ຣັບ​ເອ​ເມ​ເຣດ
  8. ຊີ​ເຣຍ
  9. ສປ ຈີນ
  10. ກາ​ຕ້າ 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.