ບິ​ລ​ເກດສ ລວຍ​ທີ່​ສຸດ​ໃນ​ໂລກ 4 ປີຕິດ​ຕໍ່​ກັນ

ວາລະສານ​ຟອບສຳ​ຫຼວດບຸກຄົນ​ທີ່​ລວຍ​ທີ່​ສຸດ​ໃນ​ໂລກ​ປະຈຳ​ປີ​ນີ້​ຜົນ​ປາກົດ​ວ່າ ບິ​ລ ​ເກດສ ຜູ້​ກໍ່​ຕັ້ງ​ໄມ​ໂຄ​ຊອບ​ຕິດ​ອັນ​ດັບ 1 ​ເປັນ​ປີ​ທີ່ 4 ຕິດ​ຕໍ່​ກັນ ດ້ວຍ​ຊັບ​ສິນ 86 ຕື້​ໂດ​ລາ​ສະຫະລັດ, ສ່ວນ​ທ່ານ ​ໂດ​ນັລທຣັມຜູ້ນຳ​ອາ​ເມ​ລິ​ກາ​ຕົກລົງ​ໄປຫຼາຍ​ກວ່າ 200 ອັນ​ດັບ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ມະຫາ​ເສດຖີ​ທີ່​ລວຍ​ທີ່​ສຸດ​ໃນ​ໂລກ 10 ອັນ​ດັບ​ຈາກ​ການຈັດ​ອັນ​ດັບ​ຂອງ​ຟອບ​ໃນ​ປີ​ນີ້ມີ​ຄື: ​ບິລ ​ເກດສ ຜູ້​ກໍ່​ຕັ້ງ​ໄມ​ໂຄ​ຊອບ​ຕິດ​ອັນ​ດັບ 1ມີ​ຊັບ​ສິນ 86 ຕື້​ໂດ​ລາ, ອັນ​ດັບ2 ທ່ານ ວໍ​ເຣນ ນັຟ​ເຟດ ປະທານ​ບໍລິສັດ ​ເບິ​ກ​ເຊີຍ ​ແຮ​ທາ​ເວ​ມີ​ຊັບ​ສິນ 75,6 ຕື້​ໂດ​ລາ, ອັນ​ດັບ 3 ທ່ານ ​ເຈ​ຟ ​ເບ​ຊອສ ຜູ້​ກໍ່​ຕັ້ງ​ເວັບ​ໄຊ​ອະ​ເມ​ຊອນ ມີ​ຊັບ​ສິນ​ເພີ່ມ​ຂຶ້ນ​ເປັນ 72,8 ຕື້​ໂດ​ລາ, ອັນ​ດັບ 4. ທ່ານ ອາ​ມັນ​ຊິ​ໂອ ອໍ​ເຕກ້າ ​ເຈົ້າ​ຂອງ​ເສື້ອ​ຜ້າ​ຍີ​ຫໍ້​ດັງ​ຄົນ​ແອັດ​ສະ​ປາຍ​ທີ່​ມີ​ຊັບ​ສິນ 71,3 ຕື້​ໂດ​ລາ, ອັນ​ດັບ 5 ທ່ານ ມາດ ຊັດ​ເບິ​ກ ຜູ້​ກໍ່​ຕັ້ງ​ເຟຊບຸກ ​ໂຊ​ຊຽວມິ​ເດຍທີ່​ມີ​ອິດ​ທິພົນ​ທີ່​ສຸດ​ໃນ​ໂລກ​ມີ​ຊັບ​ສິນ 56ຕື້​ໂດ​ລາ, ອັນ​ດັບ6. ທ່ານ ຄາ​ລອສ ສະ​ລິ​ມ ມະຫາ​ເສດຖີ​ວົງ​ການ​ສື່ສານ​ໂທລະ​ຄົມມະນາຄົມ​ຄົນ​ເມັກ​ຊິກ​ກັນ. ອັນ​ດັບ 7 ທ່ານ ​ແລຣີ ​ເອລລິ​ສັນ ຜູ້​ກໍ່​ຕັ້ງ​ບໍລິສັດ ອໍຣາ​ເດິ​ລ ຄໍ​ປໍ​ເຣຊັນ, ຂະນະທີ່​ສອງ​ພີ່ນ້ອງ​ຕະກຸນ ດອຊ ຊາສ ​ແລະ ​ເດ​ວິດ ​ເຈົ້າ​ຂອງ ດອຊ ອິນ​ດັສຕຣີ ຜູ້​ຜະລິດ​ອາ​ໄລ​ອິ​ເລັກ​ໂຕ​ນິກຢູ່​ອັນ​ດັບ8 ​ແລະ 9 ສ່ວນ​ທ່ານ ​ໄມ​ເຄິລ ບຣູມ​ເບີກ ຜູ້​ກໍ່​ຕັ້ງ​ສຳນັກ​ຂ່າວບລູມ​ເບີກ​ຕິດ​ອັນ​ດັບ 10.

ຂະນະ​ທີ່​ຈຳນວນ​ມະຫາ​ເສດຖີ​ໂລກ​ເພີ່ມ​ຂຶ້ນ 13% ຢູ່​ທີ່ 2.043 ຄົນ​ຊຶ່ງ​ເພີ່ມ​ຂຶ້ນ​ຫຼາຍ​ທີ່​ສຸດ​ໃນ​ຮອບ 31 ປີ, ຊຶ່ງ​ອາ​ເມ​ລິ​ກາ​ເປັນ​ປະ​ເທດ​ທີ່ມີ​ມະຫາ​ເສດຖີ​ຫຼາຍ​ທີ່​ສຸດ​ຄື 565 ຄົນ, ຮອງ​ລົງ​ມາ​ແມ່ນ​ສປ ຈີນ ມີ​ມະຫາ​ເສ​ຖີ 319 ຄົນ ​ແລະ ​ເຢຍລະ​ມັນ 114 ຄົນ, ສຳລັບ​ທຣັມ ທີ່​ເປັນ​ມະຫາ​ເສດຖີ​ອະສັງຫາລິມະ​ຊັບ ມີ​ຄວາມ​ລວຍ​ຫຼຸດ​ລົງ​ໄປ​ເຖິງ 220 ອັນ​ດັບ ​ໄປ​ຢູ່​ອັນ​ດັບ​ທີ່ 544 ​ໂດຍ​ມີ​ມູນ​ຄ່າ​ຊັບ​ສິນ 3,5 ຕື້​ໂດ​ລາ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.