ບີ​ຢາ​ເລ​ສຄວ້າ​ແຊ໋ມສະໜາມ​ທຳ​ອິດ​ໃນ​ໂມ​ໂຕ​ຈີ​ພີ 2017

ບີຢາ​ເລ​ສ ຂຶ້ນ​ຄວ້າ​ແຊ໋ມ ກາ​ຕາ ກຣັງປຣີ ປະ​ເດີມ​ສະໜາມ​ທຳ​ອິດ ​ໂມ​ໂຕ​ຈີ​ພີ ລະດູ​ການ 2017.

ການ​ແຂ່ງຂັນ​ລົດ​ຈັກ​ທາງ​ລຽບ​ຊີ​ແຊ໋ມ​ໂລກ ​ໂມ​​ໂຕ​ຈີ​ພີ ລະດູ​ການ 2017 ສະໜາມ​ທຳ​ອິດ ລາຍການ “ ກາ​ຕາ ກຣັງປຣີ ” ທີ່​ສະໜາມ ​ໂລ​ເຊ​ລ ​ເຊີ​ກິດ ປະ​ເທດ​ກາ​ຕາ ​ເມື່ອ​ວັນ​ອາທິດ​ທີ 26 ມີນາ​ທີ່​ຜ່ານ​ມາ ​ໃນ​ຮອບ​ແຂ່ງ​ຂັນ​​ແທ້ ຜົນ​ປະກົດ​ວ່າ ການ​ແຂ່ງຂັນ​ຕ້ອງ​ຫຼ້າ​ຊ້າ​ອອກ​ໄປ ​ເນື່ອງ​ຈາກ​ມີ​ຜົນ​ຕົກລົງ​ມາ ​ເຮັດ​ໃຫ້​ຕ້ອງ​ຖ້າ​ຈົນ​ສະໜາມ​ແຫ້ງ​ກ່ອນ ຈິ່ງ​ອອກ​ຊີງ​ໄຊ​ກັນ ​ໂດຍ​ຫຼຸດຈຳນວນ​ຮອບ​ແຂ່ງຂັນ​ລົງ​ເຫຼືອ​ພຽງ 20 ຮອບ.

ສຳລັບ​ແຊ໋ມສະໜາມ​ທຳ​ອິດ​ປະຈຳ​ປີ​ນີ້ ​ໄດ້​ແກ່ ນາ​ເວີຣິກ ບີ​ຢາ​ເລ​ສ ນັກ​ບິດ​ຊາວ​​ແອັດ​ສະ​ປາຍ ​ໄວ 22 ປີ ຈາກ​ທີ​ມ​ໂມ​ວີສຕາ ຢາ​ມາ​ຮາ ​ເວລາ 38 ນາທີ 59,999 ວິນາທີ ສ່ວນ​ອັນ​ດັບ 2 ຕົກ​ເປັນ​ຂອງ ອັນ​ເດຣຍ ​ໂດ​ວິຊິ​ໂອ​ໂຊ ນັກ​ຊິ້ງຊາວ​ອິຕາ​ລີ ຈາກ​ທີ​ມດູ​ຄາ​ຕິ ​ເວລາ​ຕາມ​ຫຼັງ​ຜູ້ນຳ 0,461 ວິນາທີ ຂະນະ​ທີ່​ອັນ​ດັບ 3 ​ເປັນ ​ວາ​ເລນ​ຕິ​ໂນ ຣອສຊີ ນັກ​ແຂ່ງຊາວ​ອິຕາ​ລີ ຈາກ​ທີ​ມ​ໂມ​ວີສຕາ ຢາ​ມາ​ຮາ ​ເວລາ​ຕາມ​ຫຼັງ​ຜູ້​ຊະນະ 1,928 ວິນາທີ ທາງ​ດ້ານ ​ແຊ໋ມ​ເກົ່າ ມາກ ກາ​ເກ​ຊ ນັກ​ຊິ້ງຊາວ​​ແອັດ​ສະ​ປາຍ​ຈາກ​ທີ​ມ​ເຣປ​ໂຊ​ລ ຮອນ​ດ້າ ​ເຂົ້າ​ປ້າຍ​ອັນ​ດັບ 4 ​ເວລາ​ຕາມ​ຫຼັງ​ຜູ້​ຊະນະ 6,745 ວິນາທີ.

ການ​ແຂ່ງ​ຂັນ ​ໂມ​ໂຕ​ຈີ​ພີ 2017 ສະໜາມ​ຕໍ່​ໄປ ລາຍການ ​ເອ​ເຈນ​ຕິ​ນາ ກຣັງ​ປຣີ ຈະ​ຊີງ​ໄຊ​ກັນ​ທີ່​ສະໜາມ ​ເທີ​ມາສ ​ເດິ ຣິ​ໂອ​ຮອນ​ໂດ ປະ​ເທດ​ອາກຊັງ​ຕິນລະຫວ່າງ​ວັນ​ທີ 7-9 ​ເມສາ​ນີ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.