ປະ­ກອບ​ຄຳ​ເຫັນ​ໃສ່​ຄູ່​ມື​ການ​ສ້າງ​ນິ­ຕິ​ກຳ​ທ້ອງ­ຖິ່ນ

ສະ­ພາ​ແຫ່ງ​ຊາດ (ສພຊ) ໄດ້​ຈັດ​ກອງ​ປະ­ຊຸມ​ເປີດ​ກວ້າງ​ປະ­ກອບ​ຄຳ​ເຫັນ​ໃສ່​ຮ່າງ​ຄູ່​ມື​ກ່ຽວ​ກັບ​ການ​ສະ­ເໜີ​ສ້າງ, ພິ­ຈາ­ລະ­ນາ ແລະ​ຮັບ­ຮອງ​ເອົາ​ນິ­ຕິ​ກຳ​ທີ່​ສຳ­ຄັນ​ຂອງ​ທ້ອງ­ຖິ່ນ ເພື່ອ​ເຮັດ​ໃຫ້​ຮ່າງ​ຄູ່​ມື​ມີ​ເນື້ອ​ໃນ​ຮັດ­ກຸມ ແລະ​ຖືກ­ຕ້ອງ​ສອດ­ຄ່ອງ​ຕາມ​ການ​ຊີ້​ນຳ​ຂອງ​ຄະ­ນະ​ປະ­ຈຳ​ສະ­ພາ​ແຫ່ງ​ຊາດ (ຄປຈສພຊ), ທັງ​ເປັນ​ການ​ລະ­ດົມ​ຄວາມ​ຄິດ​ຂອງ​ພາກ­ສ່ວນ​ຕ່າງໆ​ເຂົ້າ​ໃສ່​ຮ່າງ​ຄູ່​ມື​ດັ່ງ­ກ່າວ​ໃຫ້​ມີ​ຄວາມ​ສົມ­ບູນ​ຍິ່ງ​ຂຶ້ນ ແລະ​ສຳ­ເລັດ​ຕາມ​ເວ­ລາ​ທີ່​ກຳ­ນົດ​ໄວ້.

ກອງ​ປະ­ຊຸມ​ທີ່​ຈັດ​ຂຶ້ນ​ລະ­ຫວ່າງ​ວັນ​ທີ 4-5 ເມ­ສາ 2017 ທີ່​ທ່າ​ລາດ ແຂວງ​ວຽງ​ຈັນ ພາຍ​ໃຕ້​ການ​ເປັນ​ປະ­ທານ​ຂອງ​ທ່ານ ຄຳ​ເຜີຍ ປານ​ມະ​ໄລ​ທອງ ຫົວ­ໜ້າ​ສະ​ຖາ​ບັນ​ຄົ້ນ­ຄວ້າ​ນິ­ຕິ​ກຳ​ຂອງ ສພຊ, ໂດຍ​ມີ​ອົງ​ການ­ຈັດ­ຕັ້ງ​ທີ່​ກ່ຽວ­ຂ້ອງ​ພາຍ​ໃນ ສພຊ; ຜູ້­ຕາງ­ໜ້າ​ກະ­ຊວງ​ຍຸ­ຕິ​ທຳ, ກະ­ຊວງ​ພາຍ​ໃນ, ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ, ສານ​ປະ­ຊາ­ຊົນ​ສູງ​ສຸດ ແລະ​ໄອ​ຍະ​ການ​ປະ­ຊາ­ຊົນ​ສູງ​ສຸດ ພ້ອມ​ດ້ວຍ​ພາກ­ສ່ວນ​ທີ່​ກ່ຽວ­ຂ້ອງ ຂອງ​ແຂວງ​ວຽງ​ຈັນ​ເຂົ້າ​ຮ່ວມ.

ທ່ານ ພົງ​ສະ​ເໜ່ ຍຸ­ຕິ​ທຳ ຫົວ­ໜ້າ​ຄະ­ນະ​ຮັບ­ຜິດ­ຊອບ​ວຽກ​ງານ​ເຂດ​ເລືອກ​ຕັ້ງ ຂຶ້ນ​ສະ­ເໜີ​ຮ່າງ​ຄູ່​ມື​ກ່ຽວ​ກັບ​ການ​ສະ­ເໜີ​ສ້າງ, ພິ­ຈາ­ລະ­ນາ ແລະ​ຮັບ­ຮອງ​ເອົາ​ນິ­ຕິ​ກຳ​ທີ່​ສຳ­ຄັນ​ຂອງ​ທ້ອງ­ຖິ່ນ ປະ­ກອບ​ມີ 6 ໝວດ 16 ມາດ­ຕາ ຊຶ່ງ​ກຳ­ນົດ​ຫຼັກ­ການ, ລະ­ບຽບ​ການ ແລະ​ຂັ້ນ​ຕອນ​ກ່ຽວ​ກັບ​ການ​ສ້າງ​ນິ­ຕິ​ກຳ​ຂອງ​ທ້ອງ­ຖິ່ນ​ແນ­ໃສ່​ຮັບ­ປະ­ກັນ​ເນື້ອ​ໃນ​ຂອງ​ນິ­ຕິ​ກຳ​ດັ່ງ­ກ່າວ ໃຫ້​ມີ​ຄຸນ​ນະ​ພາບ, ສອດ­ຄ່ອງ​ກັບ​ສະ­ພາບ​ຄວາມ​ເປັນ​ຈິງ​ຂອງ​ແຂວງ, ນະ­ຄອນ­ຫຼວງ ແລະ​ສາ­ມາດ​ຕິດ​ຕັ້ງ​ປະ­ຕິ­ບັດ​ໄດ້​ປະ­ກອບ­ສ່ວນ​ເຂົ້າ​ໃນ​ການ​ປົກ​ປັກ​ຮັກ­ສາ ແລະ​ພັດ­ທະ­ນາ​ເສດ­ຖະ­ກິດ-ສັງ­ຄົມ ຂອງ​ທ້ອງ­ຖິ່ນ​ໃຫ້​ບັນ­ລຸ​ຕາມ​ລະ­ດັບ​ຄາດ­ໝາຍ.

ຜູ້​ເຂົ້າ​ຮ່ວມ​ໄດ້​ພ້ອມ​ກັນ​ປຶກ­ສາ​ຫາ­ລື, ປະ­ກອບ​ຄວາມ​ຄິດ​ຄວາມ​ເຫັນ​ຕໍ່​ຮ່າງ​ຄູ່​ມື​ສະ­ບັບ​ນີ້​ເນື່ອງ​ຈາກ​ການ​ອອກ​ນິ­ຕິ​ກຳ​ຂອງ​ທ້ອງ­ຖິ່ນ​ໃນ​ໄລ­ຍະ​ຜ່ານ​ມາ​ບໍ່​ທັນ​ເປັນ​ເອ­ກະ​ພາບ​ເລີ່ມ​ແຕ່​ຊື່​ນິ­ຕິ​ກຳ, ຜູ້​ອອກ​ນິ­ຕິ​ກຳ​ກໍ​ມີ​ຄວາມ​ແຕກ​ຕ່າງ​ກັນ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.