ປະຊຸມເພື່ອພັດທະນາສູນອະນຸລັກຊ້າງ

ວັນທີ 15 ມີນາຜ່ານມາ ທີ່ຫ້ອງປະຊຸມຫ້ອງວ່າການປົກຄອງແຂວງໄຊຍະບູລີ ໄດ້ຈັດກອງປະຊຸມພັດທະນາສູນ ອະນຸລັກຊ້າງ. ໂດຍການເປັນປະທານຂອງ ທ່ານນາງ ບຸນພັກ ອິນທະປັນຍາ ຮອງເຈົ້າແຂວງໄຊຍະບູລີ, ເຂົ້າຮ່ວມມີຮອງຫົວໜ້າພະແນກການທີ່ກ່ຽວຂ້ອງ, ຮອງເຈົ້າເມືອງໄຊຍະບູລີ ແລະພະນັກງານວິຊາການຈາກສູນອະນຸລັກຊ້າງເຂົ້າຮ່ວມເກືອບ 20 ຄົນ.

ທ່ານ ເຂັມເພັດ ຊະນະພັນ ຕົວແທນຈາກສູນອະນຸລັກຊ້າງແຂວງໄຊຍະບູລີ ໄດ້ໃຫ້ຮູ້ວ່າ: ແຂວງໄຊຍະບູລີ ແລະສະມາຄົມອະນຸລັກຊ້າງອາຊີ ແມ່ນໄດ້ຮັບການຍອມຮັບຈາກຊາວຕ່າງປະເທດຢ່າງຫຼວງຫຼາຍ, ໂດຍການໂຄສະນາຜ່ານ ສື່ຕ່າງໆໃຫ້ເປັນແຂວງທີ່ມີການທ່ອງທ່ຽວ, ໄດ້ເຜີຍແຜ່ຄວາມຮູ້ກ່ຽວກັບຊ້າງລາວໃຫ້ກັບສັງຄົມໄດ້ຮັບຮູ້. ໃນໄລຍະ 1 ປີຜ່ານມາແມ່ນໄດ້ສຳເລັດການຈັດຕັ້ງບ່ອນອະນຸລັກຮັກສາຊ້າງ, ໄດ້ຈັດກິດຈະກຳຕ່າງໆຂອງຊ້າງເປັນຕົ້ນແມ່ນການປະສົມພັນຊ້າງ, ສະຖານທີ່ຊ້າງໃຊ້ຊີວິດຮ່ວມກັນໃນຄອບຄົວ, ການເບິ່ງແຍງ ຊ້າງຈາກສັງຄົມສົງເຄາະ, ການຂີ່ຊ້າງທ່ຽວຊົມທຳມະຊາດ ແລະການເຂົ້າຮ່ວມງານສຳຄັນຕ່າງໆທີ່ແຂວງຈັດຂຶ້ນ.

ຈາກນັ້ນ ທ່ານຮອງເຈົ້າແຂວງ ກໍ່ໄດ້ຮຽກຮ້ອງໃຫ້ຄະນະຮັບຜິດຊອບ ໂດຍສະເພາະແມ່ນສູນອະນຸລັກຊ້າງຈົ່ງເອົາໃຈ ໃສ່ເບິ່ງແຍງສຸຂະພາບຂອງຊ້າງ, ສືບຕໍ່ຂະຫຍາຍຊັບພະຍາກອນຊ້າງໃຫ້ຫຼາຍ, ເພື່ອດຶງດູດນັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາທ່ອງທ່ຽວ ແລະຂີ່ຊ້າງຊົມທຳມະຊາດໃຫ້ຫຼາຍຂຶ້ນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.