ປາ​ກິດ​ສະ­ຖານ​ເລີ່ມ​ສ້າງ​ຮົ້ວ​ກັ້ນ​ເຂດ​ແດນ​ອາຟະ​ກາ​ນິດ​ສະ­ຖານ

ປາ​ກິດ​ສະ­ຖານ​ເລີ່ມ​ສ້າງ​ຮົ້ວ​ກັ້ນ​ຕາມ​ແນວ​ຊາຍ​ແດນ​ລວມ​ໄລ­ຍະ​ທາງ 2.500 ກິ­ໂລ­ແມັດ​ ກັບ​ອາ​ຟະ​ກາ​ນິດສະ­ຖານ ​ເພື່ອ​ປ້ອງ​ກັນ​ກຸ່ມ​ກໍ່​ການ​ຮ້າຍ​ລັກ­ລອບ​ຂ້າມ​ແດນ ຊຶ່ງ​ເປັນ­ຄວາມ​ເຄື່ອນ​ໄຫວ​ທີ່​ຄາດ​ວ່າ ຈະ​ເຮັດ​ໃຫ້​ຄວາມສຳ­ພັນ​ລະ­ຫວ່າງ​ສອງ​ປະ­ເທດ​ເຄັ່ງ​ຕຶງ​ໜັກ​ຂຶ້ນ.

ຕາມ​ຂ່າວ​ຕ່າງ­ປະ­ເທດ​ລາຍ​ງານ​ວ່າ: ປາ​ກິດ​ສະ­ຖານ​ກ່າວ​ໂທດ​ກຸ່ມ​ຕິດ​ອາ­ວຸດ​ຕາ​ລີ​ບັນ​ປາ​ກິດ​ສະ­ຖານ­ທີ່​ລະບຸ​ວ່າ ມີ​ຖານ​ຢູ່​ໃນ​ດິນ­ແດນ​ອາ​ຟະ​ກິດ​ສະ­ຖານ ກໍ່​ເຫດ​ໂຈມ​ຕີ​ໃນ​ປະ­ເທດ​ຫຼາຍ​ຄັ້ງ​ໃນ​ໄລ­ຍະ​ຫຼາຍ​ເດືອນ​ທີ່​ຜ່ານ​ມາ ພ້ອມ​ທັງ​ຮຽກ­ຮ້ອງ​ໃຫ່​ທາງ​ການ​ຄາ​ບູ​ລ​ກວາດ​ລ້າງ ແຫຼ່ງ​ຊຸກ​ຊ່ອນ​ຂອງ​ກຸ່ມ​ຕິດ​ອາ­ວຸດ​ເຫຼົ່າ​ນີ້, ຄວາມ​ສຳ­ພັນ​ລະ­ຫວ່າງອິ​ສະ​ລາ­ມາ​ບັດ​ກັບ​ຄາ​ບູ​ລ​ເຄັ່ງ​ຕຶງ​ໃນ​ໄລ­ຍະ​ຫູ​າຍ​ປີ​ທີ່​ຜ່ານ​ມາ ໂດຍ​ທັງ​ສອງ​ຕ່າງ​ກ່າວ​ຫາ​ອີກ​ຝ່າຍ​ບໍ່​ຈິງ​ຈັງ ໃນ​ການ ກວາດ​ລ້າງ​ກຸ່ມ​ຕາ​ລີ​ບັນ​ປາ​ກິດ​ສະ­ຖານ ແລະ ກຸ່ມ​ຕາ​ລີ​ບັນ​ອາ​ຟະ​ກາ​ນິດ​ສະ­ຖານ.

ປາ​ກິດ​ສະ­ຖານ​ມີ​ຄວາມ​ຕ້ອງ­ການ​ມາ​ດົນ​ນານ​ແລ້ວ​ທີ່​ຈະ​ປິດ​ກັ້ນ​ເຂດ​ແດນ ຊຶ່ງ​ສ່ວນ​ໃຫຍ່​ເປັນ​ພູ ແລະ ຂາດການ​ລາດ­ຕະ­ເວນ​ໃນ​ປີ 2007 ກອງ­ທັບ​ປາ​ກິດ​ສະ­ຖານ​ກັ້ນ​ຮົ້ວ ແລະ ຝັງ​ລະ­ເບີດ ເຂດ​ແດນ​ຮ່ວມ​ກັບ​ອາຟະ​ກາ​ນິດສະ­ຖານ​ໄລ­ຍະ​ທາງ 35 ກິ­ໂລ­ແມັດ ໃນ​ເຂດ​ນໍ​ທະ­ວາ​ຊິ​ຣິ​ສ​ຖານ ເພື່ອ​ປ້ອງ​ກັນ​ກຸ່ມ​ຕິດ​ອາ­ວຸດ​ລັກ­ລອບ​ຂ້າມ​ແດນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.