ປີໃໝ່ 3 ວັນ ມີຜູ້ເສຍຊີວິດຈາກອຸບັດເຫດ 11 ລາຍ

ໃນຂະນະທີ່ຫຼາຍຄົນກຳລັງເມົາມັນກັບການຫົດນ້ຳຢ່າງເບິກບານມ່ວນຊື່ນ ບາງຄອບຄົວກັບກຳລັງໂສກເສົ້າເສຍໃຈຕໍ່ການສູນເສຍຄົນໃນຄອບຄົວຢ່າງບໍ່ມີວັນກັບຄືນມາອີກ ໂດຍສະເພາະເກີດຍ້ອນອຸປະຕິເຫດທາງທ້ອງຖະໜົນ, ຕາມລາຍງານສະເພາະ 3 ວັນຜ່ານມາທົ່ວປະເທດມີຜູ້ເສຍຊີວິດສະສົມ 11 ລາຍ.

ອີງຕາມລາຍງານຈາກກົມຕະຫຼວດຈະລາຈອນໃຫ້ຮູ້ວ່າ: ແຕ່ສັງຄົມເລີ່ມຫຼິ້ນບຸນປີໃໝ່ວັນທີ 11-13 ເມສາ ທາງເຈົ້າໜ້າທີ່ໄດ້ລົງເຮັດວຽກໂຄສະນາຄວາມປອດໄພຢ່າງຕໍ່ເນື່ອງ ຕິດພັນກັບການກວດກາການປະຕິບັດກົດລະບຽບຈະລາຈອນຂອງຜູ້ຂັບຂີ່ຢູ່ໃນແຕ່ລະແຂວງ ແຕ່ຍັງມີອຸປະຕິເຫດເກີດຂຶ້ນເຖິງ 137 ຄັ້ງ, ມີພາຫະນະເປ່ເພ 236 ຄັນ, ມີຜູ້ໄດ້ຮັບບາດເຈັບ 226 ຄົນ ແລະເສຍຊີວິດ 11 ລາຍ.

ສຳລັບສາເຫດຂອງການເກີດອຸປະຕິເຫດແມ່ນຍັງບໍ່ທັນມີລາຍງານເທື່ອ, ແນວໃດກໍ່ຕາມສ່ວນໃຫຍ່ແລ້ວບ້ານເຮົາການກິນດື່ມຫຼາຍເກີນໄປຈົນບໍ່ສາມາດຄວບຄຸມລົດໄດ້ກໍ່ແມ່ນທີ່ມາຢ່າງໜຶ່ງຂອງລົດຕຳກັນ, ການຂັບໄວ, ບໍ່ເຄົາລົບກົດລະບຽບຈະລາຈອນ, ຂາດສະຕິໃນການຂັບຂີ່ລ້ວນມີຄວາມສ່ຽງຕໍ່ການເກີດອຸປະຕິເຫດ ສະນັ້ນສຳຄັນທີ່ສຸດນັກຂັບຂີ່ຕ້ອງໃຫ້ຮັບປະກັນຕົນເອງ, ເຕັກນິກລົດໄດ້, ເມົາບໍ່ຂັບເທົ່ານີ້ກໍ່ຊ່ວຍໄດ້ລະດັບໜຶ່ງ.

ຂ່າວ: ນສພ ເສດຖະກິດ-ການຄ້າ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.