ປີ​ໃໝ່​ລາວ​ປີ​ນີ້ ພະ​ທິ­ດາ ກິ​ນິ​ທາ​ເທວີ ສະ­ເດັດ​ນັ່ງ​ຫຼັງ​ມະ­ຫິງ­ສາ

ປະ­ຈຸ​ບັນ​ນີ້ ເຂົ້າ­ປຸ້ນ​ນ້ຳ​ແຈ່ວ-ເຂົ້າ​ຊອຍ​ຫຼວງ​ພະ​ບາງ ເມືອງ​ມໍ­ລະ­ດົກ​ໂລກ​ໄດ້​ບິນ​ຜ່ານ​ເວ­ຫາ​ລົງ​ມາຢູ່​ໃກ້ໆ​ກັບ​ຕົວ​ພວກ​ທ່ານ​ແລ້ວ ຊຶ່ງ​ຮ້ານ​ດັ່ງ­ກ່າວ​ນັ້ນ, ຕັ້ງ​ຢູ່​ເຂດ​ບ້ານ​ວັດ​ຈັນ, ເມືອງ​ຈັນ­ທະ​ບູ​ລີ, ນະ­ຄອນ­ຫຼວງ​ວຽງ​ຈັນ ຂ້າງ​ໂຮງ­ຮຽນ​ວິ­ທະ­ຍາ­ໄລ​ຄຳ​ສະ­ຫວາດ, ເຖິງ​ແມ່ນ​ວ່າ​ຫາ​ກໍ​ມາ​ຕັ້ງ​ຮ້ານ ແລະ​ເປີດ​ບໍ­ລິ­ການ​ແຕ່​ສັງ­ເກດ​ເຫັນ​ວ່າ ໄດ້​ມີ​ນັກ­ຮຽນ-ນັກ​ສຶກ​ສາ​ປັນ­ຍາ ຊົນ​ຕະ­ຫຼອດ​ຮອດ​ປະ­ຊາ­ຊົນ​ທຸກ​ຊັ້ນ ຄົນ​ທີ່​ອາ­ໄສ​ຢູ່​ອ້ອມ​ຂ້າງ​ນັ້ນ​ກໍ​ໄດ້​ພາ­ກັນ​ເຂົ້າ​ມາ​ສຳ­ຜັດ​ກັບ​ລົດ​ຊາດ ແຊບໆ​ເຂົ້າ­ປຸ້ນ​ນ້ຳ​ແຈ່ວ-ເຂົ້າ​ຊອຍ​ຫຼວງ​ພະ​ບາງ​ເມືອງ​ມໍ­ລະ­ດົກ​ໂລກຢ່າງ​ຫຼວງ­ຫຼາຍ.

ປ້າ​ໄສ ເຈົ້າ​ຂອງ​ຮ້ານ​ເຂົ້າ­ປຸ້ນ​ນ້ຳ​ແຈ່ວ-ເຂົ້າ​ຊອຍ​ຫຼວງ​ພະ​ບາງ ເມືອງ​ມໍ­ລະ­ດົກ​ໂລກ ໄດ້​ໃຫ້​ຮູ້​ວ່າ: ແຕ່​ກ່ອນ​ຕົນ​ເອງ​ເປີດ​ຮ້ານ​ບໍ­ລິ­ການ ນວດ​ແຜນ​ບູ​ຮ້ານ​ຢູ່​ແຂວງ​ຫຼວງ​ພະ​ບາງ ແລະ​ດຳ­ເນີນ​ມາ​ໄດ້ 10 ກວ່າ​ປີ ກໍ​ພໍ​ແຕ່​ໄດ້​ກິນ​ໄປ​ແຕ່​ລະ​ມື້ ຈາກ​ນັ້ນ​ຈິ່ງ​ໄດ້​ຕັດ­ສິນ​ໃຈ​ປ່ຽນ​ອາ­ຊີບ​ໃໝ່ ແລະ​ຫັນ​ມາ​ເຮັດ​ເຂົ້າ­ປຸ້ນ​ນ້ຳ​ແຈ່ວ-ເຂົ້າ​ຊອຍ​ຂາຍ​ເປັນ​ການ​ທົດ​ລອງ, ແຕ່​ວ່າ​ຢູ່​ຫຼວງ​ພະ​ບາງ ບໍ່​ມີ​ບ່ອນ​ໃດ​ທີ່​ເໝາະ​ສົມ​ຈະ​ເຮັດ​ທຸ­ລະ​ກິດ​ຄ້າ­ຂາຍ ໂດຍ​ສະ­ເພາະ​ກໍ ແມ່ນ​ຢູ່​ບໍ­ລິ­ເວນ​ບ້ານ​ທີ່​ຕົນ​ຢູ່​ນັ້ນ​ຜູ້​ຄົນ​ຢູ່​ອາ­ໄສ​ກໍ​ບໍ່​ຫຼາຍ​ພໍ​ປານ­ໃດ, ຕົນ​ຈິ່ງ​ໄດ້​ສຶກ​ສາ​ເບິ່ງ​ຢ່າງ​ຖ້ວນ​ຖີ່ ວ່າ​ຕ້ອງ​ໄປ​ຊອກ​ຕັ້ງ​ຮ້ານ​ຂາຍ​ຢູ່ ບ່ອນ​ເຂດ​ຊຸມ​ຊົມ​ທີ່​ມີ​ຄົນ​ອາ­ໄສ​ຢູ່ ຫຼາຍ​ຈິ່ງ​ໄດ້​ຈັດ​ສິນ​ໃຈ​ລົງ​ມາ​ທີ່​ນະ­ຄອນ­ຫຼວງ​ວຽງ​ຈັນ​ເພື່ອ​ໄປ​ຊອກ​ຫາ​ບ່ອນ​ຄ້າ­ຂາຍ​ຈິ່ງ​ໄດ້​ມາ​ເຫັນ ສະ­ຖານ­ທີ່​ຢູ່​ທາງ​ຂ້າງ​ໂຮງ­ຮຽນ ວິ­ທະ­ຍາ­ໄລ​ຄຳ​ສະ­ຫວາດ​ຕິດ​ກັບ ເສັ້ນ­ທາງ​ເຂົ້າ-ອອກ​ເບື້ອງ​ຫຼັງ​ວິ­ທະ­ຍາ­ໄລ​ເຕັກ­ນິກ​ປາກ​ປາ​ສັກ​ເຫັນ​ວ່າ​ເໝາະ​ສົມ​ໃນ​ການ​ເຮັດ​ທຸ­ລະ​ກິດ​ຄ້າ­ຂາຍ​ຈິ່ງ​ໄດ້​ມາ​ເຊົ່າ​ຮ້ານ​ຢູ່​ທີ່​ນີ້​ຂາຍ​ເຂົ້າ­ປຸ້ນ​ນ້ຳ​ແຈ່ວ-ເຂົ້າ​ຊອຍ​ປາ­ກົດ​ວ່າ​ໄດ້​ມີ​ແຂກ​ຄົນ ແລະ​ລູກ​ຄ້າ​ລັ່ງ​ໄຫຼ​ເຂົ້າ​ມາ​ຮ້ານ​ຢ່າງ​ຫຼວງ­ຫຼາຍ.

ປ້າ​ໄສ ເຈົ້າ​ຂອງ​ຮ້ານ​ກ່າວ ອີ​ກວ່າ: ການ​ທີ່​ຕັດ­ສິນ​ໃຈ​ລົງ​ມາ​ເຮັດ​ທຸ­ລະ​ກິດ​ຄ້າ­ຂາຍ​ຢູ່​ນະ­ຄອນ­ຫຼວງ​ວຽງ​ຈັນ​ນີ້ ນອກ­ຈາກ​ທີ່​ຈະ​ເປັນ​ການ​ສ້າງ​ລາຍ​ຮັບ​ມາ­ສູ່​ຄອບ ຄົວ​ແລ້ວ​ຍັງ​ເປັນ​ການ​ໂຄ­ສະ­ນາ ອາ­ຫານ​ເອ­ກະ­ລັກ​ຂອງ​ຫຼວງ​ພະ ບາງ​ໃຫ້​ກັບ​ລູກ​ຄ້າ​ທີ່​ມາ​ນຳ​ໃຊ້​ບໍ­ລິ­ການ​ໄດ້​ຮູ້ ແລະ​ໄດ້​ມາ​ສຳ­ຜັດ​ກັບ​ລົດ​ຊາດ​ຕົວ​ຈິງ ຊຶ່ງ​ຢູ່​ແຕ່​ລະ​ແຂວງ ກໍ​ອາດ​ຈະ​ຄ້າຍ­ຄື​ກັນ ແລະ​ແຕກ​ຕ່າງ​ກັນ​ສຳ­ລັບ​ສູດ​ໃນ​ການ​ປຸງ​ແຕ່ງ.

ຮ້ານ​ເຂົ້າ­ປຸ້ນ​ນ້ຳ​ແຈ່ວ-ເຂົ້າ​ຊອຍ​ຫຼວງ​ພະ​ບາງ​ເປັນ​ຮ້ານ​ທີ່ ເປີດ​ໃໝ່​ແຕ່​ກໍ​ໃສ່­ໃຈ​ລູກ​ຄ້າ​ທີ່​ນຳ​ມາ​ປຸງ​ແຕ່ງ​ທຸກ​ຢ່າງ​ສະ­ອາດ ໂດຍ​ສະ­ເພາະ​ຜູ້​ທີ່​ຢາກ​ກິນ​ອາ­ຫານ​ລົດ​ຊາດ​ທີ່​ເຄີຍ​ກິນ​ຢູ່​ຫຼວງ​ພະ​ບາງ ເມືອງ​ມໍ­ລະ­ດົກ​ໂລກ​ບໍ່​ຈຳ­ເປັນ​ໄປ ຫຼວງ​ພະ​ບາງ​ກໍ​ໄດ້​ສະ­ເພາະ​ອາ­ຫານ​ເຫຼົ່າ­ນັ້ນ​ໄດ້​ມາ​ຢູ່​ຄຽງ​ຂ້າງ​ທ່ານ​ແລ້ວ.

ໂດຍ: ພິມພອນ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.