ຜະລິດຕະພັນບ້ານວຽງແກ້ວ ກາຍເປັນສິນຄ້າໂອດ໋ອບ

ທ້າຍອາທິດຜ່ານມາເມືອງຫົງສາ ແຂວງໄຊຍະບູລີ ໄດ້ຈັດພິທີຮັບຮອງເອົາຜະລິດຕະພັນບ້ານວຽງແກ້ວ ເປັນ ຜະລິດຕະພັນໜຶ່ງເມືອງໜຶ່ງຜະລິດຕະພັນແຫ່ງຊາດ ຫຼື ກາໝາຍໂອດ໋ອບ (ODOP) ຂຶ້ນທີ່ບ້ານດັ່ງກ່າວ ໂດຍເຂົ້າຮ່ວມມີທ່ານ ຍັນຍົງ ສີປະເສີດ ຮອງເຈົ້າແຂວງໆໄຊຍະບູລີ, ມີທ່ານ ວາລະໄຊ ເລັ່ງສະຫວັດ ຫົວໜ້າພະແນກອຸດສາຫະກຳ ແລະການຄ້າແຂວງມີທ່ານ ຄຳເພັດ ພົມມະລາດ ເຈົ້າເມືອງໆຫົງສາ ພ້ອມດ້ວຍນັກທຸລະກິດ-ພໍ່ຄ້າຊາວຂາຍ ພາຍໃນເມືອງຫົງສາ ແລະປະຊາຊົນບ້ານວຽງແກ້ວເຂົ້າຮ່ວມ.

ທ່ານ ສອນສະນິດ ເພັດໄຊ ຫົວໜ້າຫ້ອງການອຸດສາຫະກຳ ແລະການຄ້າເມືອງຫົງສາໄດ້ຂຶ້ນຜ່ານບົດລາຍງານ ການສ້າງໜຶ່ງເມືອງໜຶ່ງຜະລິດຕະພັນແຫ່ງຊາດ ຫຼື ກາໝາຍໂອດ໋ອບ (ODOP) ຂອງເມືອງຫົງສາ, ຜ່ານໃບອະນຸ ມັດການນໍາໃຊ້ກາໝາຍສິນຄ້າໂອດ໋ອບ ຂອງກົມສົ່ງເສີມການຄ້າ, ກະຊວງອຸດສາຫະກຳ ແລະການຄ້າ ຊຶ່ງໄດ້ກໍານົດເອົາຜະລິດຕະພັນປະເພດຫັດຖະກຳຕ່ຳຫູກຜ້າຫ້ອມຍ້ອມນິນບ້ານວຽງແກ້ວທີ່ມີ ລວດລາຍສວຍງາມ, ມີຄວາມປານີດ ແລະເປັນເອກະລັກສະເພາະຂອງຕົນເອງ ເຊັ່ນ: ຜ້າປູໂຕ໊ະ, ຜ້າບ່ຽງ, ກະເປົາ, ຜ້າສິ້ນໝໍ້ນິນ, ໝອນນັ່ງ, ຖົງໃສ່ກ່ອງນ້ຳ, ຕຸກກະຕາຊ້າງ, ພວງກະແຈ, ຜ້າຮອງຈອງ, ສາຍແຂນ ແລະເສື້ອຜ້າຊຸດລື້.

ໃນໂອກາດນີ້, ທ່ານຮອງເຈົ້າແຂວງໆໄຊຍະບູລີ ກໍ່ໄດ້ໃຫ້ກຽດຂຶ້ນມອບປ້າຍກາໝາຍຜະລິດຕະພັນໜຶ່ງເມືອງໜຶ່ງຜະລິດຕະພັນແຫ່ງຊາດໃຫ້ເມືອງຫົງສາຢ່າງເປັນທາງການພ້ອມ, ມອບໃບອະນຸຍາດນຳໃຊ້ກາໝາຍສິນຄ້າໂອດ໋ອບ (ODOP) ແລະມອບໃບຍ້ອງຍໍຂັ້ນເມືອງໃຫ້ກຸ່ມຫັດຖະກຳຜ້າຫ້ອມຍ້ອມນິນບ້ານວຽງແກ້ວຕື່ມອີກ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.