ຜົນ​ກອງ​ປະ­ຊຸມ​ລັດ­ຖະ­ບານປະ­ຈຳ​ເດືອນ​ເມ­ສາ

ກອງ​ປະ­ຊຸມ​ລັດ­ຖະ­ບານ​ສະ­ໄໝສາ­ມັນ​ປະ­ຈຳ​ເດືອນ​ເມ­ສາໄດ້​ໄຂ​ຂຶ້ນ​ໃນວັນ​ທີ 20 ແລະ​ປິດ​ລົງ​ໃນ​ວັນ​ທີ 21 ເມສາ 2017 ທີ່​ສຳ­ນັກ­ງານ​ນາ­ຍົກ​ລັດຖະ​ມົນ­ຕີ  ໂດຍ​ພາຍ​ໃຕ້ການ​ເປັນ​ປະ­ທານ​ຂອງ ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ.

ສຳ­ລັບ​ກອງ​ປະ­ຊຸມລັດ­ຖະ­ບານ​ສະ­ໄໝ​ສາມັນ​ປະ­ຈຳເດືອນ​ເມ­ສາ  2017 ນີ້ ບັນ­ດາ​ສະ​ມາຊິກ​ລັດ­ຖະ­ບານ​ໄດ້​ພ້ອມກັນ​ສຸມ​ໃສ່​ປະ­ກອບ​ຄຳຄິດ​ຄຳ​ເຫັນ​ຢ່າງ​ກົງ​ໄປກົງ​ມາ ແລະ​ມີ​ຄວາມ​ຮັບຜິດ​ຊອບ​ສູງ.

ສຳ­ລັບ​ບັນ­ດາ​ເອ­ກະ­ສານ​ທີ່​ຈະ​ນຳ ສະ­ເໝີ​ຜ່ານ​ກອງ​ປະ­ຊຸມ​ສະ­ພາ​ແຫ່ງ​ຊາດ ສະ­ໄໝ​ສາ­ມັນ​ເທື່ອ​ທີ 3 ຂອງ​ສະ­ພາ​ແຫ່ງ ຊາດ ຊຸດ​ທີ VIII ນັ້ນ ກອງ​ປະ­ຊຸມ​ໄດ້​ມີຄຳ​ເຫັນ​ຊີ້​ນຳ​ໃຫ້​ພາກ­ສ່ວນ​ກ່ຽວ­ຂ້ອງ​ສືບຕໍ່​ປັບ­ປຸງ​ຕາມ​ການ​ປະ­ກອບ​ຄຳ​ຄິດ​ຄຳເຫັນ​ຂອງ​ສະ­ມາ­ຊິກ​ລັດ­ຖະ­ບານ​ເຮັດແນວ­ໃດ​ໃຫ້​ເອ­ກະ­ສານ​ເຫຼົ່າ­ນັ້ນ​ມີ​ເນື້ອ​ໃນເລິກ­ເຊິ່ງ​ໜັກ​ແໜ້ນ, ຖືກ​ກັບ​ຄວາມ​ເປັນຈິງ​ເພື່ອ​ເຮັດ​ໃຫ້​ບົດ​ລາຍ​ງານ​ຕໍ່​ກອງ​ປະຊຸມ​ສະ­ພາ​ແຫ່ງ​ຊາດ​ມີ​ຄຸນ​ນະ​ພາບ ແລະ ປະ​ສິດ­ທິ​ຜົນ​ສູງ​ຂຶ້ນ.

ຮ່າງ​ວິ­ໄສ​ທັດ​ຮອດ​ປີ 2030 ແລະ ຍຸດ​ທະ​ສາດ​ພັດ­ທະ­ນາ​ຂະ­ແໜງ­ການ​ເງິນ ຮອດ​ປີ 2025 ກອງ​ປະ­ຊຸມ​ໄດ້​ຮັບ­ຮອງ ເອົາ​ໃນ​ດ້ານ​ຫຼັກ­ການ ແລະ​ຊີ້​ນຳ​ໃຫ້​ພາກສ່ວນ​ທີ່​ກ່ຽວ­ຂ້ອງ​ນຳ​ເອົາ​ໄປ​ປັບ­ປຸງ​ຕື່ມຕາມ​ການ​ປະ­ກອບ​ຄຳ​ຄິດ​ຄຳ​ເຫັນ​ຂອງສະ­ມາ­ຊິກ​ລັດ­ຖະ­ບານ​ເປັນ­ຕົ້ນ​ໃຫ້​ປັບ­ປຸງເນື້ອ​ໃນ​ໃຫ້​ຈະ­ແຈ້ງ, ກະ­ທັດ​ຮັດ​ເຂົ້າ­ໃຈງ່າຍ, ພ້ອມ​ດຽວ​ກັນ​ນັ້ນ​ກໍ​ໃຫ້​ເບິ່ງ​ຄືນກ່ຽວ​ກັບ​ຊື່ ໃຫ້​ເໝາະ​ສົມ​ກວ່າ​ເກົ່າ​ສິ່ງ​ສຳຄັນ​ເມື່ອ​ປະ­ກາດ​ໃຊ້​ແລ້ວ​ແມ່ນ​ໃຫ້​ສາມາດ​ປະ­ຕິ­ບັດ​ໄດ້.

ບົດ​ລາຍ​ງານ​ກ່ຽວ​ກັບ​ໂຄງ­ການພັດ­ທະ­ນາ​ທ່າ­ເຮືອ​ຫວຸ່ງ​ອ່າງ, ໂຄງ­ການນີ້​ເປັນ​ໂຄງ­ການ​ທີ່​ສຳ­ຄັນ​ໃນ​ການ​ຮ່ວມມື​ລາວ-ຫວຽດ­ນາມ, ກອງ​ປະ­ຊຸມ​ຈິ່ງ​ໄດ້ຕົກ­ລົງ​ຮັບ­ຮອງ​ທິດ​ທາງ​ພັດ­ທະ­ນາ​ທ່າເຮືອ​ດັ່ງ­ກ່າວ ເຫັນ​ດີ​ໃຫ້​ສ້າງ­ຕັ້ງ​ບໍ­ລິ­ສັດຮ່ວມ​ພັດ­ທະ­ນາ​ຊີ້​ນຳ​ໃຫ້​ພາກ­ສ່ວນ​ທີ່​ກ່ຽວຂ້ອງ​ສືບ­ຕໍ່​ເອົາ­ໃຈ­ໃສ່​ຄົ້ນ­ຄວ້າ ແລະ ​ປັບປຸງ​ແຜນ​ພັດ­ທະ­ນາ​ທ່າ­ເຮືອ​ຫວຸ່ງ​ອ່າງຕາມ​ການ​ປະ­ກອບ​ຄຳ​ຄິດ​ຄຳ​ເຫັນ​ຂອງສະ­ມາ­ຊິກ​ລັດ­ຖະ­ບານ.

ບົດ​ລາຍ​ງານ​ກ່ຽວ​ກັບ​ການ​ຈັດ​ສັນຄວາມ​ເປັນ​ລະ­ບຽບ​ຂອງ​ສັງ­ຄົມ​ກອງ​ປະຊຸມ​ໄດ້​ຊີ້​ນຳ​ໃຫ້​ພາກ­ສ່ວນ​ທີ່​ກ່ຽວ­ຂ້ອງ ເອົາ­ໃຈ­ໃສ່​ຕື່ມ​ຕາມ​ການ​ປະ­ກອບ​ຄຳ​ຄິດ ຄຳ​ເຫັນ​ຂອງ​ສະ­ມາ­ຊິກ​ລັດ­ຖະ­ບານ​ເປັນຕົ້ນ​ທຸກ​ກະ­ຊວງ​ອົງ­ການ ແລະ​ອົງ­ການປົກ­ຄອງ​ທ້ອງ­ຖິ່ນ​ທຸກ​ຂັ້ນ​ຕ້ອງ​ເພີ່ມ​ທະ­ວີຄວາມ​ເອົາ­ໃຈ­ໃສ່​ຕໍ່​ໄປ​ນີ້ ພ້ອມ​ກັນ​ນີ້​ຕ້ອງ​ປຸກ­ລະ­ດົມ​ທົ່ວ​ປວງ​ຊົນ​ເຂົ້າ​ຮ່ວມ​ຈັດ​ສັນຄວາມ​ເປັນ​ລະ­ບຽບ​ຂອງ​ສັງ­ຄົມ​ໃຫ້​ມີຄວາມ​ສະ­ຫງົບ ແລະ​ຄວາມ​ເປັນ​ລະ­ບຽບຮຽບ​ຮ້ອຍ, ແກ້​ໄຂ​ປາ­ກົດ­ການ​ຫຍໍ້­ທໍ້​ທາງສັງ­ຄົມ​ໃຫ້​ຫຼຸດ​ລົງ​ເປັນ​ກ້າວໆ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.