ຝຣັ່ງຮ່ວມ​ມື​ເອີຣົບ-ອາຊີ​ຮັບ​ມື​ແນວ​ຄິດ​ໂດດດ່ຽວ-ກີດ​ກັ້ນການ​ຄ້າ

ປະທານາທິບໍດີ​ຝຣັ່ງຮຽກຮ້ອງ​ເພີ່ມ​ຄວາມ​ຮ່ວມ​ມື​ທຸກ​ດ້ານ​ລະຫວ່າງ​ເອີຣົບກັບ​ອາຊີ ​ເພື່ອ​ຮັບ​ມື​ກັບ​ການ​ຂະຫຍາຍ​ອິດ​ທິພົນ“​ແນວ​ຄິດ​ໂດດດ່ຽວ ​ແລະ ກີດ​ກັ້ນການ​ຄ້າ” ຈາກ​ບາງ​ປະ​ເທດ.

ສຳນັກຂ່າວ​ຕ່າງປະ​ເທດ​ດລາຍ​ງານ​ວ່າ: ທ່ານ ຝຣັງຊົວ ​ໂຮ​ນລັງ ປະທານາທິບໍດີ​ຂອງຝຣັ່ງ ກ່າວ​ລະຫວ່າງ​ການ​ຢ້ຽມຢາມ​ສິງກະ​ໂປ​​ໃນ​ວັນ​ທີ 27 ມີນາ​ ຮຽກຮ້ອງ​​ໃຫ້​ຍົກ​ລະດັບ​ຄວາມ​ສຳພັນ ​ແລະ ຂະຫຍາຍ​ຄວາມ​ຮ່ວມ​ມື​ລະຫວ່າ​ງ​ເອີຣົບກັບ​ອາຊີ ​ໃຫ້​ມີ​ມະຕິ​ຫຼາກ​ຫຼາຍ​ຂຶ້ນ​ທັງ​ດ້ານ​ການ​ລົງທຶນ, ການ​ຄ້າ, ການ​ເມືອງ ​ແລະ ການ​ແລກປ່ຽນ​ດ້ານ​ວັດທະນາ​ທຳ ​ເພື່ອ​ເປັນ​ການ​ເພີ່ມ​ຄວາມ​ພ້ອມ​ໃນ​ການ​ຮັບ​ມື​ກັບ​ນະ​ໂຍບາຍ​ກີດ​ກັ້ນ​ທາງ​ການ​ຄ້າ ​ແລະ ​ແນວ​ຄິດ​ໂດດດ່ຽວ. ​ເຖິງ​​ແມ່ນ​ວ່າທ່ານ ຝຣັງຊົວ ​ໂຮ​ນລັງ​ຈະ​ບໍ່​ໄດ້​ກ່າວ​ປະ​ເທດ​ໃດ​ຈະ​ແຈ້ງ ​ແຕ່​ຖ້ອຍ​ຄຳ​ດັ່ງກ່າວ​ສື່​ຄວາມ​ໝາຍ​ເຖິງ​ນະ​ໂຍບາຍ​ລັດຖະບານອາ​ເມ​ເລິ​ກາ​ໃນ​ຊຸດ​ປະຈຸ​ບັນ ພາຍ​ໃຫ້ການ​ນຳ​ຂອງ​ທ່ານ ​ໂດ​ນັລ ທຣຳ.

ຂະນະ​ທີ່​ໃນ​ສ່ວນ​ຂອງ​ຄວາມ​ຮ່ວມ​ມື​ລະດັບ​ທະວີ​ພາຄີ​ກັບ​ສິງກະ​ໂປ​ນັ້ນ ຜູ້ນຳຝຣັ່ງ ​ແລະ ທ່ານ ຫຼີ ຊຽງ ລຸງ ນາຍົກລັດຖະມົນຕີຂອງສິງກະ​ໂປ​ຮ່ວມ​ເປັນ​ສັກຂີ​ພະຍານ​ໃນ​ການ​ລົງ​ນາມ​ໃນ​ຂໍ້​ຕົກລົງ​ຮ່ວມ​ມື​ໃນ​ດ້ານ​ເຕັກ​ໂນ​ໂລ​ຊີ, ວິທະຍາສາດ ​ແລະ ຊີວະ​ການ​ແພດ,  ຊຶ່ງ​ທ່ານ ຝຣັງຊົວ ​ໂຮ​ນລັງ​ຖື​ເປັນ​ຜູ້ນຳ​ຝຣັ່ງຄົນ​ທຳ​ອິດ​ໃນ​ຮອບ 31 ປີ​ທີ່​ເດີນ ທາງ​ຢ້ຽມຢາມ​ນະຄອນຫຼວງ​ຈາ​ກາ​ຕາ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.