ຝົນນີ້ໄຊຍະຈະຜະລິດເຂົ້າໃຫ້ໄດ້ເກືອບ 2 ແສນໂຕນ

  ແຜນການຜະລິດລະດູຝົນປີນີ້ໂດຍສະເພາະແມ່ນການຜະລິດເຂົ້າມີເນື້ອທີ່ທັງໝົດ 44,7 ພັນເຮັກຕາ, ຄາດຄະເນຜົນຜະລິດໃຫ້ໄດ້ 1,97 ແສນໂຕນ, ໃນນີ້ນາປີແຜນສູ້ຊົນ 34,2 ພັນເຮັກຕາ, ຄາດຄະເນສະມັດຕະພາບສະເລ່ຍ 4,75 ໂຕນຕໍ່ເຮັກຕາ, ຄາດຄະເນຜົນຜະລິດ 1,6 ແສນໂຕນ,ເນື້ອທີ່ໄຮ່ເຂົ້າບໍ່ໃຫ້ເກີນ 10,4 ພັນເຮັກຕາ, ສະມັດຕະພາບ 2,19 ໂຕນຕໍ່ເຮັກຕາ, ຄາດຄະເນຜົນຜະລິດ 22.991 ໂຕນ, ມາຮອດປະຈຸບັນແມ່ນຕົກກ້າສໍາເລັດແລ້ວ 15, 59% ແລະກຽມດິນໄດ້ 3.150 ເຮັກຕາ, ເທົ່າກັບ 9,19% ຂອງເນື້ອທີ່ແຜນການ.

ທ່ານ ຄໍາຫຼ້າ ຜີວວັນນາ ຫົວໜ້າພະແນກກະສິກໍາ-ປ່າໄມ້ແຂວງໄຊຍະບູລີໄດ້ໃຫ້ຮູ້ວ່າ: ສໍາລັບການຜະລິດລະດູແລ້ງຜ່ານມາແມ່ນປະຕິບັດໄດ້ລື່ນຄາດໝາຍ, ຊຶ່ງສະແດງອອກເນື້ອທີ່ແຜນການ 16 ພັນເຮັກຕາ, ສາມາດປະຕິບັດຕົວຈິງ ໄດ້ 25,4 ພັນກວ່າເຮັກຕາ, ເທົ່າກັບ 158,89% ຂອງແຜນການ, ຊຶ່ງມີລາຍລະອຽດດັ່ງນີ້: ການປູກເຂົ້ານາແຊງມີເນື້ອທີ່ແຜນການ 2 ພັນເຮັກຕາ, ສາມາດປະຕິບັດໄດ້ 2,2 ພັນກວ່າເຮັກຕາ, ຜົນຜະລິດໄດ້ 10,5 ພັນກວ່າໂຕນ, ສະມັດຕະພາບສະເລ່ຍ 4,76 ໂຕນຕໍ່ເຮັກຕາ, ໃນນີ້ນາກະເສດສຸມເນື້ອທີ່ແຜນການ 873 ເຮັກຕາ, ປະຕິບັດໄດ້ 9,42 ພັນເຮັກຕາ, ຜົນຜະລິດໄດ້ 4,7 ພັນໂຕນ.

  ການປູກເຂົ້ານາແຊງປີນີ້ຍັງມີນັກລົງທຶນພາຍໃນ ແລະຕ່າງປະເທດມາຊຸກຍູ້ສົ່ງເສີມຢູ່ບັນດາເມືອງທົ່ວແຂວງໃນເນື້ອທີ່ 1,3 ພັນເຮັກຕາ, ດ້ວຍຮູບການພູກໝັ້ນສັນຍາສອງສົ້ນໃນນັ້ນຜູ້ປະກອບການພາຍໃນເນື້ອທີ່ 510,73 ເຮັກຕາ, ຕ່າງປະເທດ 802,38 ເຮັກຕາ ແລະຄໍ້າປະກັນໃນລາຄາ 3.000 ກີບຕໍ່ກິໂລກຣາມ.

  ທ່ານ ຄໍາຫຼ້າ ຜິວວັນນາ ຍັງໃຫ້ຮູ້ຕື່ມອີກວ່າ: ການຜະລິດພືດຕ່າງໆຕາມແຜນ 14 ພັນເຮັກຕາ, ປະຕິບັດໄດ້ 23.209,11 ເຮັກຕາ, ເທົ່າກັບ 165,7 8%, ຜົນຜະລິດໄດ້ 115.918,30 ໂຕນ, ພິເສດການປູກພືດລະດູແລ້ງປີນີ້ແມ່ນໄດ້ດຶງດູດເອົານັກລົງທຶນພາຍໃນ ແລະຕ່າງປະເທດເຂົ້າມາສົ່ງເສີມປູກພືດເປັນສິນຄ້າເພື່ອສົ່ງອອກເປັນຕົ້ນແມ່ນ: ປູກຖົ່ວເຫຼືອງຝັກສົດເນື້ອທີ່ 139 ເຮັກຕາ, ສະມັດຕະພາບ 7,4 ໂຕນຕໍ່ເຮັກຕາ, ຜົນຜະລິດທັງໝົດໄດ້ 1.031 ໂຕນ, ຄິດເປັນມູນຄ່າ 7,2 ຕື້ກີບ, ຊຶ່ງສາມາດສ້າງລາຍຮັບໃຫ້ປະຊາຊົນໄດ້ 15 ລ້ານກີບຕໍ່ເຮັກຕາ, ການປູກໝາກໂມ ແລະໝາກແຕງຫວານມີເນື້ອທີ່ 1,3 ພັນເຮັກຕາ, ຜົນຜະລິດໄດ້ 32,5 ພັນໂຕນ, ຄິດເປັນມູນຄ່າ 130 ຕື້ກວ່າກີບ, ພືດດັ່ງກ່າວແມ່ນສົ່ງອອກໄປ ສປ ຈີນ ທັງໝົດ, ນອກນີ້ປະ ຊາຊົນຍັງໄດ້ປູກພືດຕະກຸນຖົ່ວ, ສາລີຫວານ, ໝາກເຜັດ-ໝາກເຂືອ, ພືດຜັກ ແລະອື່ນໆ.

ພາບ ແລະ ຂ່າວໂດຍ: ໜັງສືພິມເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.