ພາກ​ທຸ­ລະ​ກິດສະ­ເໜີ​ຫຼາຍ​ບັນ­ຫາ​ໃຫ້​ລັດ​ຊ່ວຍ

ກອງ​ປະ­ຊຸມ​ທຸ­ລະ​ກິດ​ລາວ​ຄັ້ງ​ທີ 10 ຈັດ​ຂຶ້ນ​ໃນ​ວັນ​ທີ 28 ມີ­ນາ​ຜ່ານ​ມາ ໂດຍ​ເປັນ​ປະ­ທານ​ຂອງທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ, ທ່ານ ນາງ ເຂັມ​ມະ­ນີ ພົນ​ເສ­ນາ ລັດ­ຖະ­ມົນ­ຕີກະ­ຊວງ​ອຸດ­ສາ­ຫະ­ກຳ ແລະ​ການ​ຄ້າ, ມີ​ພາກ​ເອ­ກະ​ຊົນ ແລະ​ພາກລັດ ພ້ອມ​ດ້ວຍ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ ຊຶ່ງ​ໃນ​ກອງ​ປະ ຊຸມ​ດັ່ງ­ກ່າວ​ພາກ​ທຸ­ລະ​ກິດ​ໄດ້​ຍົກ​ຫຼາຍ​ບັນ­ຫາ​ຂຶ້ນ​ມາ​ໃຫ້​ພາກ​ລັດແກ້​ໄຂ​ເປັນ­ຕົ້ນ​ບັນ­ຫາ​ດ້ານ​ອາ­ກອນ, ຄ່າ​ບໍ­ລິ­ການ​ອິນ​ເຕີ​ເນັດ, ຄ່າຂົນ­ສົ່ງ, ມູນ​ຄ່າ​ການ​ນຳ​ເຂົ້າ ແລະ​ສົ່ງ​ອອກ​ສິນ­ຄ້າ​ທີ່​ສູງ, ການຂໍ­ອະ­ນຸ­ຍາດ​ດຳ­ເນີນ​ທຸ­ລະ​ກິດ, ການ​ເຂົ້າ​ເຖິງ​ແຫຼ່ງ​ທຶນ​ສຳ­ລັບ​ວິ ສາ​ຫະ​ກິດ​ຂະ­ໜາດ​ນ້ອຍ ແລະ​ກາງ ແລະ​ການ​ເຂົ້າ​ຫາ​ຕະ­ຫຼາດແຮງ​ງານ.

ທ່ານ ອຸ​ເດດ ສຸ­ວັນ­ນະ​ວົງ ປະ­ທານ​ສະ­ພາ​ການ​ຄ້າ ແລະ​ ອຸດສາ​ຫະ​ກຳ​ແຫ່ງ​ຊາດ​ລາວ​ກ່າວ​ວ່າ: ນັບ​ຕັ້ງ­ແຕ່​ມີ​ການ​ປັບ­ປຸງໂຄງ​ສ້າງ​ຂອງ​ຂະ​ບວນ​ການ​ປຶກ­ສາ​ຫາ­ລື​ຄືນ­ໃໝ່​ໃນ​ເດືອນພຶດ­ສະ­ພາ​ຜ່ານ​ມາ, ສາ­ມາດ​ແກ້​ໄຂ​ໄດ້ 4 ບັນ­ຫາ​ທີ່​ຍົກ​ຂຶ້ນ ໂດຍ​ພາກ​ເອ­ກະ​ຊົນ, 14 ກໍ­ລະ­ນີ​ກຳ­ລັງ​ຢູ່​ໃນ​ຂັ້ນ​ຕອນ​ການ ແກ້​ໄຂ ແລະ 13 ກໍ­ລະ­ນີ​ທີ່​ຈຳ­ເປັນ​ຕ້ອງ​ມີ​ການ​ຄົ້ນ­ຄວ້າ​ເພີ່ມ ເຕີມ ແລະ​ຕ້ອງ​ໄດ້​ໃຊ້​ເວ­ລາ​ໃນ​ການ​ແກ້​ໄຂ, ສຳ­ລັບ​ໃນ​ກອງ ປະ­ຊຸມ​ທຸ­ລະ​ກິດ​ລາວ​ຄັ້ງ​ນີ້​ແມ່ນ​ມີ 4 ກຸ່ມ​ບັນ­ຫາ​ຄື​ບັນ­ຫາ​ທຳ ອິດ​ທີ່​ຕິດ​ພັນ​ດ້ານ​ອາ­ກອນ, ພິ­ເສດ​ແມ່ນ​ອາ­ກອນ​ມູນ​ຄ່າ​ເພີ່ມສຳ­ລັບ​ການ​ໃຫ້​ບໍ­ລິ­ການ​ດ້ານ​ອິນ​ເຕີ​ເນັດ, ສອງ​ບັນ­ຫາ​ດ້ານຄ່າ​ຂົນ­ສົ່ງ, ມູນ​ຄ່າ​ການ​ນຳ​ເຂົ້າ ແລະ​ສົ່ງ​ອອກ​ສິນ­ຄ້າ​ທີ່​ສູງ, ສາມ​ແມ່ນ​ບັນ­ຫາ​ທີ່​ຕິດ​ພັນ​ກັບ​ລະ­ບຽບ​ການ​ດ້ານ​ການ​ຈົດ​ທະ ບຽນ​ວິ​ສາ​ຫະ​ກິດ ແລະ​ຂໍ­ອະ­ນຸ­ຍາດ​ດຳ­ເນີນ​ທຸ­ລະ​ກິດ ແລະ​ບັນຫາ​ສຸດ​ທ້າຍ​ການ​ເຂົ້າ​ເຖິງ​ແຫຼ່ງ​ທຶນ​ສຳ­ລັບ​ວິ​ສາ​ຫະ​ກິດ​ຂະໜາດ​ນ້ອຍ ແລະ​ກາງ ແລະ​ການ​ເຂົ້າ​ຫາ​ຂໍ້​ມູນ​ຕະ­ຫຼາດ​ແຮງງານ.

ໂອ­ກາດ​ນີ້ ທ່ານ ທອງ​ລຸນ ສີ​ສຸ​ລິດ ໄດ້​ກ່າວ​ວ່າ: ໃນ​ການປັບ­ປຸງ​ກົດ­ໝາຍ, ລະ­ບຽບ​ການ ແລະ​ຂັ້ນ​ຕອນ​ແມ່ນ​ເພື່ອ​ສົ່ງ­ເສີມ​ການ​ລົງ­ທຶນ ແລະ​ຮອງ ຮັບ​ການ​ເຕີບ​ໂຕ​ທີ່​ຍືນ​ຍົງ​ຂອງ​ພາກ​ເອ­ກະ​ຊົນ, ໄປ​ຄຽງ​ຄູ່​ກັບ​ການ​ຮັກ­ສາ​ສະ­ຖຽນ​ລະ​ພາບ​ຂອງ​ເສດ­ຖະ­ກິດ​ມະ­ຫາ​ພາກ​ພວກ​ເຮົາ​ຈະ​ໄດ້​ຕັ້ງ­ໜ້າ​ປັບ­ປຸງ​ສະ­ພາບ​ແວດ​ລ້ອມ​ຂອງ​ການ​ດຳ­ເນີນ​ທຸ­ລະ​ກິດ ເພື່ອ​ສົ່ງ­ເສີມ​ການ​ກໍ​ຕັ້ງ​ແລະ​ຂະ­ຫຍາຍ​ທຸ­ລະ​ກິດ ຊຶ່ງ​ຈະ​ເປັນ​ແຫຼ່ງ​ສ້າງ​ວຽກ​ເຮັດ​ງານ​ທຳ​ຕົ້ນ­ຕໍ​ໃຫ້​ແກ່​ໄວ​ໜຸ່ມ​ທີ່​ເຂົ້າ​ສູ່​ຕະ­ຫຼາດ​ແຮງ​ງານ​ໃນ​ແຕ່​ລະ​ປີ​ໂດຍ​ຕົວ​ເລກ​ຄາດ​ຄະ­ເນ​ສະ­ເລ່ຍ​ສູງ​ເຖິງ 90 ພັນ​ຄົນ ຕໍ່​ປີ​ໃນ​ໄລ­ຍະ 10 ປີ​ຕໍ່­ໜ້າ​ພ້ອມ​ທັງ​ເປັນ​ແຫຼ່ງ​ຮອງ​ຮັບ​ແຮງ​ງານ​ທີ່​ຈະ​ເຄື່ອນ​ຍ້າຍ​ອອກ​ຈາກ​ພາກ​ກະ­ສິ­ກຳ​ເທື່ອ​ລະ​ກ້າວ, ທ່ານ​ນາ­ຍົກ​ກ່າວ​ຕື່ມ​ອີ​ກວ່າ​ພາກ​ລັດ​ຍັງ​ຈະ​ໄດ້​ມີ​ການ​ອອກ​ຂໍ້​ຕົກ­ລົງ​ອີກ​ຫຼາຍ​ສະ­ບັບ ເພື່ອ​ຮອງ​ຮັບ​ການ​ແກ້​ໄຂ​ບັນ­ດາ​ບັນ­ຫາ​ສະ­ເພາະ​ທີ່​ພາກ​ເອ­ກະ​ຊົນ​ສະ­ເໜີ ຊຶ່ງ​ລັດ­ຖະ­ບານ​ຈະ​ນຳ​ເອົາ​ທຸກໆ​ບັນ­ຫາ​ທີ່​ຖືກ​ຍົກ​ຂຶ້ນ​ໄນ​ກອງ​ປະ­ຊຸມ​ນີ້​ໄປ​ພິຈາ­ລະ​ນາ.

ໂດຍ: ສະ­ເຫຼີມ​ໄຊ

 

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.