ພີ​ເອັມ ເຫັນ​ສຳ­ຄັນ​ພັດ­ທະ­ນາບຸກ​ຄະ­ລາ​ກອນ

  ການ​ພັດ­ທະ­ນາ​ຄວາມ​ຮູ້​ຄວາມ​ສາມາດຄື​ປັດ​ໄຈ​ສຳ­ຄັນ​ຂອງ​ທຸກໆ​ໜ້າ​ວຽກ ແລະ​ ເມື່ອ​ກ້າວ​ເຂົ້າ​ສູ່​ຍຸກ​ແຫ່ງ​ການ​ເຊື່ອມໂຍງ​ແລ້ວ​ຍິ່ງ​ມີ​ຄວາມ​ສຳ­ຄັນ​ຫຼາຍ ຊຶ່ງບໍ­ລິ­ສັດ​ພີ​ເອັມ ສຳ​ຫຼວດ​ອອກ​ແບບ​ທີ່​ປຶກສາ​ເຄ­ຫາ​ສະ­ຖານ ຈຳ­ກັດ ຈິ່ງ​ຖື​ເອົາ​ວຽກການ​ພັດ­ທະ­ນາ​ເປັນ​ວຽກ​ຫຼັກ​ໃນ​ຍຸກ​ປະ­ຈຸ​ບັນເພື່ອ​ເຮັດ​ໃຫ້​ຄວາມ​ຜິດ­ພາດ​ໃນ​ການຄິດ­ໄລ່​ອອກ​ແບບ​ເກີດ​ຂຶ້ນ​ນ້ອຍ​ທີ່​ສຸດ ແລະ​ທັນ​ເວ­ລາ​ທີ່​ກຳ­ນົດ​ໄວ້.

   ທ່ານ ຄຳ​ກອນ ມາ­ລາ​ວົງ ອຳ­ນວຍການ​ບໍ­ລິ­ສັດ ພີ​ເອັມ ສຳ​ຫຼວດ​ອອກ​ແບບທີ່​ປຶກ­ສາ​ເຄ­ຫາ​ສະ­ຖານຈຳ­ກັດ ໃຫ້​ສຳພາດ​ວ່າ: ພີ​ເອັມສຳ​ຫຼວດ​ອອກ​ແບບ​ທີ່ປຶກ­ສາ​ເຄ­ຫາ​ສະ­ຖານ​ແມ່ນ​ບໍ­ລິ­ສັດ​ໜຶ່ງ​ທີ່ສ້າງ​ຂຶ້ນ​ໃນ​ປີ 2007 ເພື່ອ​ເຄື່ອນ​ໄຫວ​ໃນການ​ສຳ​ຫຼວດອອກ​ແບບ​ອາ­ຄານ​ສະ­ຖານ­ທີ່, ພ້ອມ​ທັງຮັບ​ເປັນ​ທີ່​ປຶກ­ສາ​ໃຫ້​ກັບ​ບໍ­ລິ­ສັດ​ຕ່າງໆໂດຍ​ມີ​ສຳ­ນັກ­ງານ​ຕັ້ງ​ຢູ່​ບ້ານ​ສະ­ພານທອງ​ເໜືອ ເມືອງ​ສີ​ສັດ­ຕະ​ນາກນະ­ຄອນຫຼວງ​ວຽງ​ຈັນ.

ຕະ­ຫຼອດ​ໄລ­ຍະ​ຜ່ານ​ມາ​ການ­ຈັດ­ຕັ້ງປະ­ຕິ­ບັດ​ໜ້າ​ວຽກ​ຂອງ​ບໍ­ລິ­ສັດ ກໍ​ຄື​ຜົນງານ​ການ​ອອກ​ແບບ​ຂອງ​ບໍ­ລິ­ສັດ ກໍ​ນັບວ່າ​ເປັນ​ທີ່​ເພິ່ງ​ພໍ­ໃຈ​ຂອງ​ລູກ​ຄ້າ​ທັງ​ພາກລັດ ແລະ​ເອ­ກະ​ຊົນ​ເຊັ່ນ​ວ່າ: ໄດ້​ອອກ​ແບບໂຄງ­ການ​ກວດ­ກາ​ແຫ່ງ​ລັດ, ສ້ອມ­ແປງ ແລະ​ອອກ​ແບບ​ທະ­ນາ­ຄານ​ນະ­ໂຍ­ບາຍ ແລະ​ທະ­ນາ­ຄານ​ແຫ່ງ ສປປ ລາວ ສາ­ຂາພາກ​ເໜືອ (ຫຼວງ​ພະ​ບາງ, ອຸ­ດົມ​ໄຊ) ແລະ​ພາກ​ໃຕ້ (ສະ­ຫວັນ​ນະ​ເຂດ), ອອກແບບ​ຫ້ອງ​ວ່າ­ການ​ແຂວງ​ສະ­ຫວັນ​ນະ ເຂດ, ອອກ​ແບບ​ເຮືອນ​ພັກ​ພະ­ນັກ­ງານ ແລະ​ອີກ​ຫຼາຍໆ​ບ່ອນຊຶ່ງ​ຜົນ­ງານ​ເດັ່ນສຸດ​ໃນ​ໄລ­ຍະ​ຜ່ານ​ມາ​ແມ່ນ​ການ​ອອກແບບ​ອາ­ຄານ​ຕະ­ຫຼາດ​ຫຼັກ​ຊັບ​ລາວໂດຍການ​ອອກ​ແບບ​ຈະ​ມີ​ລັກ­ສະ­ນະ​ປະ­ສົມປະ­ສານ.

ທ່ານ ຄຳ​ກອນ ກ່າວ​ອີ​ກວ່າ: ປະ­ຈຸ​ບັນ ທາງ​ບໍ­ລິ­ສັດ ກຳ­ລັງ​ດຳ­ເນີນ​ງານ​ການອອກ​ແບບ​ເຊັ່ນ: ການ​ອອກ​ແບບ​ຫໍ​ຫຼັກ ເມືອງ​ຢູ່​ແຂວງ​ໄຊ​ສົມ­ບູນ, ການ​ອອກແບບ​ການ​ກໍ່­ສ້າງ​ກັນ​ຕາ­ຝັ່ງ​ເຈື່ອນ, ໂຄງການ​ອອກ​ແບບ​ຕະ­ຫຼາດ​ໃໝ່ ເມືອງ​ໄຊ​ສົມບູນ, ເຮືອນ​ພັກ​ຂອງ​ພະ­ນັກ­ງານ​ລັດ ແລະ​ຮັບ​ອອກ​ແບບ​ອາ­ຄານ​ໃຫ້​ພາກ​ເອ­ກະ​ຊົນ​ຕ່າງໆ​ຕື່ມ​ອີກ.

ຢ່າງ­ໃດ​ກໍ​ຕາມທ່ານ​ຜູ້­ອຳ­ນວຍ­ການ ບໍ­ລິ­ສັດ ພີ​ເອັມ ສຳ​ຫຼວດ​ອອກ​ແບບ​ທີ່​ປຶກສາ​ເຄ­ຫາ​ສະ­ຖານຈຳ­ກັດຍັງ​ໃຫ້​ຮູ້​ອີກວ່າ: ເຖິງ​ຜົນ­ງານ​ຜ່ານ​ມາ​ຂອງ​ບໍ­ລິ­ສັດ ຈະ​ເປັນ​ທີ່​ເພິ່ງ​ພໍ­ໃຈ​ຂອງ​ລູກ​ຄ້າ​ກໍ​ຕາມ, ຖ້າທຽບ­ໃສ່​ຍຸກ​ດຽວ­ນີ້​ແລ້ວ​ເຫັນ​ວ່າ​ທາງ​ບໍ­ລິ­ສັດ​ເອງ​ກໍ​ຍັງ​ຈະ​ຕ້ອງ​ໄດ້​ຈະ​ສືບ­ຕໍ່​ປັບ­ປຸງຫຼາຍ​ດ້ານໂດຍ​ສະ­ເພາະ​ແມ່ນ​ການ​ພັດທະ​ນາ​ບຸກ​ຄະ­ລາ​ກອນ​ໃຫ້​ມີ​ຄວາມ​ຮູ້ຄວາມ​ສາ­ມາດ​ໃນ​ການ​ແຂ່ງ­ຂັນ​ກັບ​ສາກົນເປັນ­ຕົ້ນ​ທາງ​ດ້ານ​ພາ­ສາ​ເນື່ອງ​ຈາກໃນ­ຕໍ່­ໜ້າ​ການ​ນຳ​ສະ­ເໜີ​ແຜນ​ງານຊຶ່ງມັນ​ອາດ​ຈະ​ບໍ່​ມີ​ພຽງ​ແຕ່​ຄົນ​ລາວ​ເທົ່າ​ນັ້ນເພາະ​ການ​ເຂົ້າ​ປະ­ຊາ​ຄົມ​ເສດ­ຖະ­ກິດ​ອາ​ຊຽນຫຼື AEC ນີ້ ແມ່ນ​ການ​ເປີດ​ກວ້າງອີກ​ຢ່າງ​ໜຶ່ງເພື່ອ​ເຮັດ​ໃຫ້​ຜູ້​ຄົນ​ສາ­ມາດໄປ​ເຮັດ​ວຽກ​ໄດ້​ທົ່ວ​ທຸກ​ບ່ອນ​ຫຼາຍ​ຂຶ້ນ.

ແຕ່​ໃນ​ຂະ­ນະ​ດຽວ​ກັນມັນ​ກໍ​ຈະ​ເຮັດ​ໃຫ້​ມີ​ນັກ​ລົງ­ທຶນ​ທາງ​ດ້ານ​ນີ້​ເຂົ້າ​ມາ​ໃນປະ­ເທດ ແລະ​ພາຍ​ໃນ​ປະ­ເທດ​ເຮົາ ກໍ​ສາມາດ​ອອກ​ໄປ​ເຮັດ​ວຽກ​ຢູ່​ຕ່າງ­ປະ­ເທດໄດ້ ແລ້ວ­ແຕ່​ຄວາມ​ສາ­ມາດ​ຂອງ​ບຸກ­ຄົນ, ລວມ​ເຖິງ​ການ​ຈ້າງ​ງານ​ໃນ​ການ​ອອກແບບ​ຕ່າງໆ​ໃຫ້​ກັບ​ຊາວ​ຕ່າງ­ປະ­ເທດ ຫຼື ໂຄງ­ການ​ລົງ­ທຶນ​ຂອງ​ຕ່າງ­ປະ­ເທດ​ທີ່​ຈະມາ​ລົງ­ທຶນ​ຢູ່​ບ້ານ​ເຮົາ​ໃນ­ຕໍ່­ໜ້າ​ຕື່ມ​ອີກດ້ວຍ, ສະ­ນັ້ນ ພາ­ສາ ຈິ່ງ​ມີ​ຄວາມ​ສຳ­ຄັນຫຼາຍ​ທີ່​ຈະ​ເຮັດ​ໃຫ້​ນັກ​ອອກ​ແບບ​ຂອງພວກ​ເຮົາ​ຕ້ອງ​ໄດ້​ມີ​ການ​ພັດ­ທະ­ນາ​ຕົນເອງ​ຮອງ​ຈາກ​ການ​ອອກ​ແບບ​ທີ່​ໄດ້​ພັດທະ​ນາ​ຕົນ​ເອງ​ຢູ່​ແລ້ວ​ໃນ​ຂະ­ນະ​ນີ້.

ພາບ-ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.