ພີ​ແອນ​ພີ ຈຳ­ໜ່າຍ​ສິນ­ຄ້າ​ຄຸນ​ນະ​ພາບ

ບໍ­ລິ­ສັດ ພີ​ແອນ​ພີ ອິນເຕີ​ເທຣດ​ດິງ ຈຳ­ກັດ ຜູ້​ສະໜອງ​ຈຳ­ໜ່າຍ​ອຸ­ປະ­ກອນເຄື່ອງ​ກໍ່­ສ້າງ, ເຄື່ອງ​ໄຟ­ຟ້າ ແລະ​ເຄື່ອງ​ເຢັນ​ທີ່​ເນັ້ນ​ສິນຄ້າ​ຄຸນ​ນະ​ພາບ​ມາດ­ຖານ ຈຳ­ໜ່າຍ​ໃຫ້​ຜູ້​ຊົມ­ໃຊ້, ຕະຫຼອດ 20 ກວ່າ​ປີ​ເຫັນ​ວ່າ​ສັງ­ຄົມ​ໃຫ້​ຄວາມ​ຕອບ​ຮັບ​ດີ​ໂດຍສະ­ເພາະ​ສິນ­ຄ້າ​ປະ­ເພດ​ເຄື່ອງ​ເຢັນ​ທີ່​ລູກ​ຄ້າ​ນິ­ຍົມ​ດີ​ກວ່າ​ໝູ່.

ທ່ານ ນາງ ປາດ​ຖະ​ນາ ຝຣາ​ຊ​ໂຍ­ທາ ຜູ້­ອຳ­ນວຍ­ການ​ບໍ­ລິ­ສັດພີ​ແອນ​ພີ ອິນ​ເຕີ ເທຣດ​ດິງ ຈຳ­ກັດ, ໃຫ້​ສຳ­ພາດ​ວ່າ: ບໍ​ລິສັດ​ພີ​ແອນ​ພີອິນ​ເຕີ​ເທຣດ​ດິງ ຈຳ­ກັດ ສ້າງ­ຕັ້ງ​ປີ 2008 ໂດຍ​ເລີ່ມ​ຕົ້ນ​ທຸ­ລະ​ກິດ ແມ່ນ​ຂາຍ­ເຄື່ອງ​ເຢັນ ແລະ​ຕິດ​ຕັ້ງ​ປະ­ເພດແອ, ຕູ້­ເຢັນເຫັນ​ວ່າ​ລູກ​ຄ້າ​ໃຫ້​ຄວາມ​ເຊື່ອໝັ້ນ ແລະ​ຕະ­ຫຼາດ​ມີ​ການ​ຂະ­ຫຍາຍ­ຕົວ ຢ່າງ​ຕໍ່​ເນື່ອງ, ປີ­ຜ່ານ­ມາ​ທຸ­ລະ​ກິດ​ເຕີບ​ໂຕ ເພີ່ມ​ຂຶ້ນ 5%, ລູກ​ຄ້າ​ສ່ວນ​ໃຫຍ່​ແມ່ນ​ມີທົ່ວ​ປະ­ເທດທັງ​ພາຍ​ໃນ​ນະ­ຄອນ­ຫຼວງ  ແລະ​ຕໍ່​ແຂວງ.

ປະ­ຈຸ​ບັນ​ທາງ​ບໍ­ລິ­ສັດ​ແມ່ນ​ມີ​ການ​ຈຳໜ່າຍ​ສິນ­ຄ້າ​ຫຼາຍ​ປະ­ເພດ​ເປັນ­ຕົ້ນ​ທໍ່​ນ້ຳປະ­ປາ, ທໍ່​ໄຟ, ກາ​ເສືອ, ກາ OK ແລະ​ອຸ ປະ­ກອນ PVC ກາ​ຊ້າງ ລວມ​ເຖິງ​ອຸ­ປະກອນ​ໃຊ້​ຫ້ອງ​ນ້ຳ​ທຸກ​ຊະ­ນິດ, ເຄື່ອງ­ໃຊ້ໄຟ­ຟ້າ ແລະ​ເຄື່ອງ​ເຢັນ ໂດຍ​ສິນ­ຄ້າ​ດັ່ງກ່າວ​ແມ່ນ​ນຳ​ເຂົ້າ​ຈາກ​ປະ­ເທດ​ໄທ ແລະ ຈີນ.

ສຳ­ລັບ​ຄວາມ​ຫຍຸ້ງ­ຍາກ​ໃນ​ການ​ດຳເນີນ​ທຸ­ລະ​ກິດ​ປະ­ຈຸ​ບັນ​ຈະ​ເປັນ​ບັນ­ຫາເລື່ອງ​ຄູ່​ແຂ່ງ​ນັກ­ທຸ­ລະ­ກິດ​ເກີດ​ຂຶ້ນ​ຫຼາຍໃນ​ການ​ແຂ່ງ­ຂັນ​ເລື່ອງ​ລາ­ຄາ ໂດຍ​ສ່ວນໃຫຍ່​ລູກ​ຄ້າ​ແມ່ນ​ເລືອກ​ເອົາ​ລາ­ຄາ​ເປັນຫຼັກ ແຕ່​ແນວ­ໃດ​ກໍ​ຕາມ​ທາງ​ບໍ­ລິ­ສັດ​ເນັ້ນຄຸນ​ນະ​ພາບ​ເຄື່ອງ​ມາດ­ຕະ­ຖານ ແລະ ການ​ບໍ­ລິ­ການ​ໂດຍ​ສ້າງ​ຄວາມ​ສຳ­ພັນກ່ຽວ​ກັບ​ຜະ­ລິດ​ຕະ​ພັນ ໂດຍ​ແນະ­ນຳ​ໃຫ້ລູກ​ຄ້າ​ຮູ້​ການ​ຊົມ­ໃຊ້.

ທ່ານ ນາງ ປາດ​ຖະ​ນາ ຝຣາ​ຊ​ໂຍ­ທາ ຍັງ​ໃຫ້​ຮູ້​ຕື່ມ​ວ່າ: ທຸ­ລະ​ກິດ​ດັ່ງ­ກ່າວ​ຕໍ່­ໜ້າ ແມ່ນ​ຈະ​ໄປ​ໄດ້​ດີ ເພາະ​ປະ­ເທດ​ລາວ​ກຳ ລັງ​ມີ​ຄວາມ​ຈະ­ເລີນ​ເຕີບ​ໂຕ​ໄວ​ເຮັດ​ໃຫ້ ການ​ຊົມ­ໃຊ້​ສິນ­ຄ້າ​ມີ​ທ່າ​ອຽງ​ເພີ່ມ​ຂຶ້ນ​ແຕ່ ລະ​ປີ, ອະ­ນາ­ຄົດ​ອັນ​ໃກ້​ແມ່ນ​ຈະ​ຂະ­ຫຍາຍ ໄປ​ຫຼວງ​ພະ​ບາງ ແລະ​ຕັ້ງ​ເປົ້າ​ການ​ຍອດ​ຈຳ­ໜ່າຍ​ເພີ່ມ​ຂຶ້ນ 6%.

ປະ­ຈຸ​ບັນ ມີ​ທາງ​ບໍ­ລິ­ສັດ​ສາ­ມາດ​ສ້າງວຽກ​ເຮັດ​ງານ​ທຳ​ໃຫ້​ຄົນ​ລາວ 150 ຄົນ ຊື່​ສຳ­ນັກ­ງານ​ໃຫຍ່​ຕັ້ງ​ຢູ່​ຖະ­ໜົນ​ໄກ­ສອນພົມ­ວິ­ຫານ ບ້ານ​ໂພນ​ສະ­ອາດ ເມືອງ​ໄຊເສດ​ຖາ ນະ­ຄອນ­ຫຼວງ​ວຽງ​ຈັນ ແລະ​ມີອີກ​ສາ­ຂາ​ຢູ່​ປາກ​ເຊ.

ໂດຍ: ເຂີຍ​ບ້ານ​ຫ້ອມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.