ຟອດ ນຳສະ­ເໜີລົດ​ຂົນ​ເງິນ​ນິ­ລະ​ໄພ​ ຟອດ ເອ​ເວີ​ເຣດທ໌​ໃໝ່

ວັນ​ທີ 16 ມີ­ນາ 2017 ບໍ­ລິ­ສັດ​ອາເອັມ​ເອລາວ ແລະ​ບໍ­ລິ­ສັດ ລາວ​ຟອດ ຊິ​ຕີ ໄດ້​ຈັດ​ງານ​ນຳ​ສະ­ເໜີ​ລົດ​ຂົນ​ເງິນ​ນິ­ລະໄພຟອດ ເອ​ເວີ​ເຣດທ໌​ໃໝ່ເປັນ​ທາງ​ການທີ່​ບໍ­ລິ­ສັດລາວ​ຟອດ​ຊິ​ຕີ ສາ­ຂາ​ວຽງ​ຈັນ ຊຶ່ງ​ງານ​ນີ້ໄດ້​ມີ​ແຂກ​ຜູ້​ທີ່​ມີ​ກຽດ​ເຂົ້າ​ຮ່ວມຫຼາຍ​ທ່ານ ໂດຍ​ມາ​ຈາກ​ຫຼາຍ​ພາກ­ສ່ວນເຊັ່ນ: ທະ­ນາ­ຄານ, ໂຮງ­ແຮມ ແລະ​ຫົວໝ່ວຍ​ທຸ­ລະ​ກິດ​ອື່ນໆ ໂດຍ​ມີ ທ່ານ ຄຣິ​ສ ຕ໋ອບ​ເຟີ ກຣາ​ກູ​ລ ຜູ້​ຈັດ­ການການ​ຂາຍ ຝ່າຍ​ດັດ­ແປງ​ລົດ­ຍົນ (ປະ­ຈຳ­ການ​ທີ່ອາ​ເອັມ​ເອ ກຣຸບ) ເປັນ​ຜູ້­ນຳ​ສະ­ເໜີ​ຜະລິດ​ຕະ​ພັນ​ຂອງ​ງານ​ໃນ​ຄັ້ງ​ນີ້.

ລົດ​ຂົນ​ເງິນ​ນິ­ລະ​ໄພ ຟອດ ເອ​ເວີເຣດທ໌​ໃໝ່ ເປັນ​ຍານ­ພາ­ຫະ­ນະ​ໜຶ່ງທີ່​ໄດ້ຮັບ​ການ​ພັດ­ທະ­ນາ​ຂຶ້ນ​ໂດຍສະ​ຖາ​ບັນການ​ເງິນ​ສາ­ກົນ ໂດຍ​ມີ​ຈຸດ­ປະ­ສົງ​ໃນການ​ຂົນ­ສົ່ງ​ເງິນ, ວັດ­ຖຸ​ທີ່​ມີ­ຄ່າ​ຕ່າງໆ ໃຫ້ ໄປ​ຮອດ​ທີ່​ໝາຍ​ຢ່າງ​ປອດ​ໄພ.

ລົດ​ຂົນ​ເງິນ​ນິ­ລະ​ໄພຟອດ ເອ​ເວີ​ເຣດທ໌​ໃໝ່ ເປັນ​ລົດ​ຂົນ​ເງິນທີ່​ມີ​ຂະ­ໜາດ​ໃຫຍ່, ກວ້າງ​ສາ­ມາດ​ບັນ­ຈຸ​ເງິນ ຫຼື ສິ່ງ​ທີ່​ມີ­ຄ່າ​ໄດ້​ຫຼາຍ. ນອກ­ຈາກ​ນີ້ ກໍ​ຍັງ​ໄດ້​ຖືກ​ຕົກ­ແຕ່ງ​ໃຫ້​ມາ​ພ້ອມກັບ​ຕູ້​ນິ­ລະ​ໄພທີ່​ມີ​ລະ­ບົບ​ລ໋ອກ​ເຖິງ 2 ຊັ້ນ ຊຶ່ງ​ມາ​ພ້ອມ​ກັບ​ຄວາມ​ປອດ​ໄພ​ສູງເຊັ່ນ: ມີ​ລະ­ບົບ​ສັນ­ຍານ​ເຕືອນ​ກໍ­ລະ­ນີ​ລົດເກີດ​ໄຟ​ໄໝ້​ລະ­ບົບ​ການ​ແຈ້ງ​ເຕືອນ​ສຸກເສີນ​ກໍ­ລະ­ນີ​ລົດ​ຈະ​ເກີດ​ອຸ­ບັດ­ເຫດ.

ຄຸນ​ລັກ­ສະ­ນະ​ເດັ່ນ​ຂອງ​ລົດ​ຄັນ​ນີ້ ຄື​ຂະ­ໜາດ​ບັນ­ຈຸ​ຂອງ​ຕູ້​ໃສ່​ເງິນ​ຂະ​ໝາດ 0,6 cu,m, ຊຸດ​ປະ­ຖົມ­ພະ­ຍາ­ບານ​ເບື້ອງ​ຕົ້ນ, ຕູ້​ໃສ່​ເງິນ​ທີ່​ມາ​ພ້ອມ​ກັບລະ­ບົບ​ລ໋ອກ 2 ຊັ້ນ, ໂຄມ­ໄຟ ແລະ​ອຸ­ປະ­ກອນ​ກວດ​ຈັບ​ຄວັນ, ລະ­ບົບ​ສັນ­ຍານ​ແຈ້ງ​ເຕືອນ ແລະ​ຖັງ​ດັບ​ເພີງ​ພາຍ​ໃນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.