ມອບ-ຮັບຫ້ອງ­ການ​ຄັງ​ເງິນ​ຫຼັງ​ໃໜ່​ແຂວງ​ຫຼວງ​ພະ​ບາງ

ບໍ­ລິ­ສັດ​ຜູ້​ຮັບ​ເໝົາ​ກໍ່­ສ້າງ​ຫ້ອງ­ການ​ຄັງ​ເງິນ​ແຫ່ງ​ຊາດ​ແຂວງ​ຫຼວງ​ພະ​ບາງ​ຫຼັງ​ໃໝ່ ໄດ້​ເຮັດ​ສຳ­ເລັດ​ໂຄງ­ການ​ພ້ອມຈັດ​ພິ­ທີ​ມອບ-ຮັບ​ໃນ​ອາ­ທິດ​ຜ່ານ​ມາ.

ທ່ານ ສີ​ສັກ ຮຸ່ງ​ວິ­ໄລ ຫົວ­ໜ້າ​ບໍ​ລິສັດຮຸ່ງ​ວິ­ໄລ​ກໍ່­ສ້າງ​ເຄ­ຫາ​ສະ­ຖານ ຈຳ­ກັດ ທີ່​ຮັບ​ເໝົາ​ໂຄງ­ການ​ກໍ່­ສ້າງ​ໄດ້​ລາຍ​ງານຮູ້​ວ່າ: ໂຄງ­ການ​ກໍ່­ສ້າງ​ຫ້ອງ­ການ​ຄັງ​ເງິນ​ແຫ່ງ​ຊາດ​ແຂວງ​ຫຼວງ​ພະ​ບາງ​ແມ່ນ​ໄດ້​ເລີ່ມ​ລົງ­ມື​ກໍ່­ສ້າງ​ມາ​ແຕ່​ວັນ​ທີ 3 ມິ­ຖຸ­ນາ ປີ 2014 ເປັນ​ອາ­ຄານ 3 ຊັ້ນ, ຕັ້ງ​ຢູ່​ບ້ານ​ພະ​ບາດ, ເມືອງ ແລະ ແຂວງ ຫຼວງ​ພະ​ບາງ, ຂະ­ໜາດ 15 X 29 ແມັດ, ກວມ​ເນື້ອ­ທີ່​ທັງ​ຫມົດ 1,305 ຕາ ແມັດ, ປະ­ກອບ​ມີ 14 ຫ້ອງ​ເຮັດ​ວຽກ, 1 ຫ້ອງ​ປະ­ຊຸມ​ບັນ­ຈຸ​ໄດ້ 100 ຄົນ ແລະ ມີ​ຫ້ອງ​ນ້ຳ​ທຸກ​ຊັ້ນ, ອາ­ຄານ​ດັ່ງ­ກ່າວ​ເຮັດດ້ວຍ​ເບ​ຕົງ​ເສີມ​ເຫຼັກ, ຕິດ​ຕັ້ງ​ເຄື່ອງ​ໄຟ ຟ້າ​ແສງ​ສະ­ຫວ່າງ, ພັດ​ລົມ, ແອ, ຕິດ​ຕັ້ງເຄື່ອງ​ສຸ​ຂະ​ພັນ​ຫ້ອງ​ນ້ຳ​ພ້ອມ​ປະ­ກອບ ແລະ​ຕິດ​ຕັ້ງ​ເຟີ​ນີ​ເຈີ​ແຕ່​ລະ​ຫ້ອງ. ມາ​ຮອດເດືອນ​ມີ­ນາ ປີ 2017 ຈິ່ງ​ສຳ­ເລັດ​ການກໍ່­ສ້າງ​ລວມ​ມູນ​ຄ່າ​ທັງ​ໝົດ 9 ຕື້​ກວ່າ ກີບ.

ເຂົ້າ​ຮ່ວມ​ພິ­ທີ​ມອບ-ຮັບ​ຄັ້ງ​ນີ້ ​ໂດຍທ່ານ ສຳ­ເພົາ ເລົ່າ​ສີ ຮອງ​ຫົວ­ໜ້າ ຫ້ອງການ​ກະ­ຊວງ​ການ​ເງິນ, ໂດຍ​ຊ້ອງ​ໜ້າ ເປັນ​ສັກ­ຂີ​ພິ­ຍານ​ຂອງທ່ານ ບົວ​ຄົງ ນາມ​ມະ​ວົງ ຮອງ​ເຈົ້າ­ແຂວງໆ​ຫຼວງ​ພະບາງ, ມີ​ທ່ານ ນາງ ດາ​ວອນ ປະ­ທຸມ ທອງ​ຫົວ­ໜ້າ​ຫ້ອງ­ການ​ຄັງ​ເງິນ​ແຫ່ງ​ຊາດ ແຂວງ​ຫຼວງ​ພະ​ບາງ​ພ້ອມ​ດ້ວຍ ຄະ­ນະ ແລະ​ແຂກ​ຖືກ​ເຊີນ​ຈາກ​ພະ​ແນກການ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ໂດຍ: ສີ​ສຸ­ວັນ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.