ມັງ­ຄຸດ​ ເສີມ​ສ້າງ​ພູມ​ຕ້ານ­ທານ​ໃນ​ຮ່າງ­ກາຍ

ມັງ­ຄຸດ​ເປັນ​ໜຶ່ງ​ໃນ​ໝາກ​ໄມ້​ທີ່​ໄດ້​ຮັບ​ຄວມ​ນິ­ຍົມ​ຢ່າງ​ກວ້​າງ​ຂວາງ ດ້ວຍ​ລັກ­ສະ­ນະ​ພິ­ເສດ​ທັງ​ພາຍ​ນອກ ແລະ​ພາຍ​ໃນ​ຂອງ​ໝາກ​ໄມ້​ຊະ­ນິດ​ນີ້ ຊຶ່ງ​ມີ​ສີ­ມ່ວງ​ເຂັ້ມ ແລະ​ຂັ້ວນ​ໝາກ​ທີ່​ໂດດ​ເດັ່ນ ສ່ວນ​ກີບ​ນວນ​ໃນ​ກໍ​ລຽບ​ຕິດ ແລະ ຂາວ​ສະ­ອາດ​ທັງ​ມີ​ລົດ​ຊາດ​ຫວານ​ແຊບ.

ທັງ​ນີ້ ໝາກ​ມັງ­ຄຸດ​ແມ່ນ​ມີ​ປະ­ໂຫຍດ​ຊ່ວຍ​ໃນ​ການ​ຕໍ່­ຕ້ານ​ອະ­ນຸ​ມູນ​ອິດ­ສະ­ຫຼະ ຊ່ວຍ​ເສີມ​ສ້າງ​ພູມ​ຕ້ານ ທານ​ໃຫ້​ກັບ​ຮ່າງ­ກາຍ ມີ​ສ່ວນ​ໃນ​ການ​ຢຸດ​ຢັ້ງ​ຄວາມ​ເສື່ອມ​ຂອງ​ເຊວ​ຕາມ​ໄວ ຫຼື​ສະ­ກັດ​ກັ້ນ​ບັນ­ຫາ​ຮອຍ​ຫ່ຽວ ຈຶ່ງ​ຊ່ວຍ​ບຳ­ລຸງ​ຜິວ​ພັນ​ໃຫ້​ເປັ່ງ​ປັງ​ສົດ­ໃສ.

ສ່ວນ​ລິດ​ທາງ​ຢາ​ຂອງ​ໝາກ​ມັງ­ຄຸດ​ແມ່ນ​ຊ່ວຍ​ປ້ອງ​ກັນ​ອາ­ການ​ໄຂ້ ຊ່ວຍ​ເສີມ​ສ້າງ​ກະ­ດູກ​ແລະ​ແຂ້ວ​ໃຫ້​ແຂງ­ແຮງ ຊ່ວຍ​ເພີ່ມ​ພະ­ລັງ­ງານ ຊ່ວຍ​ຢຸດ​ການ​ຈະ­ເລີນ​ເຕີບ​ໂຕ​ຂອງ​ເຊື້ອ​ແບກ​ທີ​ເຣຍ​ທີ່​ເຮັດ​ໃຫ້​ເກີດ​ສິວ ຈຶ່ງ​ອອກ​ລິດ​ຕ້ານ​ສິວ​ອັກ­ເສບ​ໄດ້​ດີ ແລະ​ມີ​ສ່ວນ​ປ້ອງ​ກັນ​ການ​ເກີດ​ພາ­ວະ​ຊືມ​ເສົ້າ ຫຼື ຫຼຸດ​ຄວາມ​ຄຽດ.

ການ​ຮັບ​ປະ­ທານ​ໝາກ​ມັງ­ຄຸດ​ເປັນ​ປະ­ຈຳ ຈະ​ຊ່ວຍ​ໃຫ້​ສຸ­ຂະ­ພາບ​ຈິດ​ດີ​ມີ​ອາ­ລົມ​ແຈ່ມ​ໃສ​ຢູ່​ສະ­ເໝີ ຊ່ວຍ​ຫຼຸດ​ລະ­ດັບ​ຄໍ​ເລດ​ເຕີ​ຣ​ຣໍ​ລ​ໃນ​ຮ່າງ­ກາຍ ແລະ​ຫຼຸດ​ໄຂ­ມັນ​ທີ່​ບໍ່​ດີ​ໃນ​ເສັ້ນ­ເລືອດ ມີ​ສ່ວນ​ຊ່ວຍ​ປ້ອງ​ກັນ​ການ​ເກີດ​ຊີ້ນ​ປົ່ງ (ມະ​ເຮັງ) ຊ່ວຍ​ປ້ອງ​ກັນ​ພະ­ຍາດ​ເບົາ­ຫວານ ດ້ວຍ​ຄຸນ­ສົມ­ບັດ​ໃນ​ການ​ຫຼຸດ​ແລະ​ຄວບ​ຄຸມ​ລະ­ດັບ​ນ້ຳ­ຕານ.

ນ້ຳ​ມັງ­ຄຸດ​ຊ່ວຍ​ປັບ​ລະ­ດັບ​ພູມ​ຄຸ້ມ​ກັນ​ໃຫ້​ສົມ​ດຸນ ດ້ວຍ​ການ​ຫຼັງ​ສານ ແລະ​ຊ່ວຍ​ຢຸດ​ການ​ຫຼັງ​ສານ​ຮີ​ສ​ຕາ​ມີນ ຫຼຸດ​ອາ­ການ​ແພ້​ພູມ​ຕົນ​ເອງ (ພະ­ຍາດ SLE) ແລະ​ຫຼຸດ​ການ​ອັກ­ເສບ​ຂອງ​ຜູ້​ປ່ວຍ​ເບົາ­ຫວານ ຕັບ​ເສື່ອມ ໝາກ​ໄຂ່­ຫຼັງ​ເສື່ອມ ຂໍ້​ເຂົ່າ​ເສື່ອມ ຄວາມ­ດັນ​ໂລ­ຫິດ​ສູງ ແລະ​ຄວາມ​ຜິດ​ປົກ­ກະ­ຕິ​ຂອງ​ສະ­ໝອງ​ອັນ​ເນື່ອງ​ມາ​ຈາກ​ການ​ອັກ­ເສບ.

ເຖິງ​ວ່າ​ໝາກ​ມັງ­ຄຸດ​ມີ​ລົດ​ຊາດ​ຫວານ​ແຕ່​ກໍ​ມີ​ພະ­ລັງ­ງານ​ຕ່ຳ ແຄ​ລໍ​ຣີ​ໜ້ອຍ ຈຶ່ງ​ບໍ່​ຕ້ອງ​ຢ້ານ​ຕຸ້ຍ ແຖມ​ທາງ​ແພດ​ຍັງ​ຢືນ­ຢັນ​ວ່າ ໝາກ​ມັງ­ຄຸດ​ເປັນ​ອາ­ຫານ​ເສີມ​ທີ່​ດີ ຊ່ວຍ​ຫຼຸດ​ຄວາມ​ຕຸ້ຍ​ເພາະ​ມັງ­ຄຸດ​ເປັນ​ໝາກ​ໄມ້​ທີ່​ມີ​ເສັ້ນ​ໃຍ​ສູງ ຈຶ່ງ​ເປັນ​ປະ­ໂຫຍດ​ຕໍ່​ການ​ຂັບ​ຖ່າຍ​ເຮັດ​ໃຫ້​ບໍ່​ຍື່ງ​ທ້ອງ ແລະ ປ້ອງ​ກັນ​ມະ​ເຮັງ​ລຳ​ໃສ້​ໄດ້ ນອກ​ນັ້ນ ເປືອກ​ຂອງ​ໝາກ​ມັງ­ຄຸດ​ຍັງ​ສາ­ມາດ​ນຳ​ມາ​ຕົ້ມ​ນ້ຳ​ດື່ມ ເພາະ­ວ່າ​ເປືອກ​ຂອງ​ມັງ­ຄຸດ​ມີ​ສານ​ແຊນ​ໂທນ​ຫຼາຍ​ກວ່າ 40 ຊະ­ນິດ ໜຶ່ງ​ໃນ​ສານ​ດັ່ງ­ກ່າວ​ນັ້ນ ແມ່ນ​ມີ​ສານ​ແອ​ລ​ຟາ-ແມງ​ໂກ​ສ​ຕິນ ຊຶ່ງ​ເປັນ​ເຍື່ອ​ເມືອກ​ສີ­ເຫຼືອງ​ຢູ່​ພາຍ​ໃນ​ເປືອກ ແລະ​ລະ­ລາຍ​ໃນ​ນ້ຳ​ຮ້ອນ​ໄດ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.