ມິກິນໂກເກາະ​ຫຸ້ມ​ເຫຼັກ​ທີ່​ມີ​ປະຊາກອນ​ໜ້າ​ແໜ້ນ​ທີ່​ສຸດ​ໃນ​ໂລກ

ເກາະ ມິກິນໂກ (Migingo ) ດິນ​ແດນ​ທີ່​ມີ​ປະຊາກອນ​ໜ້າ​ແໜ້ນ​ທີ່​ສຸດ​ໃນ​ໂລກ ຈົນ​ໄດ້​ຮັບ​ສາຍຍາ​ວ່າ “​ເກາະ​ຫຸ້ມ​ເຫຼັກ” ​ເພາະ​ເກືອບ​ຈະ​ບໍ່​ມີ​ຕົ້ນ​ໄມ້​ໃຫ້​ເຫັນ ມີ​ພຽງ​ເຫຼັກ​ສັງກະສີ​ຂອງ​ຫຼັງຄາ​ເຮືອນ​ທີ່​ຕັ້ງ​ຕິດ​ກັນ​​ເທິງ​ເກາະ​ແຫ່ງ​ນີ້.

ເກາະ​ມິກິນໂກ ມີ​ພື້ນ​ທີ່​ພຽງ 1.980 ​ແມັດ​ມົນທົນ ຊຶ່ງ​ເປັນ​ເກາະ​ທີ່​ມີ​ຂະໜາດ​ນ້ອຍ​ຫຼາຍຢູ່ເທິງ​ເກາະ​ທະ​ເລ​ສາວິກຕໍຣີ​ໃນ​ປະ​ເທດ​ເຄນ​ຢາ​ທະວີບອາ​ຟຣິກາ ມີ​ເຮືອນ​ປະຊາຊົນ​ອາ​ໄສ​ຢູ່ 131 ຫຼັງຄາ​ເຮືອນ ​ແລະ ມີ​ປະຊາກອນ​ທັງ​ໝົດ 1.000 ຄົນ ​ເຮັດ​ໃຫ້​ສະຖານ​ທີ່​ແຫ່ງ​ນີ້​ມີ​ຈຳນວນ​ຄົນ​ທີ່​ອາ​ໄສ​ຢູ່​ແອ​ອັດ​ທີ່​ສຸດ​ໃນ​ໂລກ​ຖ້າ​ຫາກ​ປຽບທຽບ​ກັບ​ບໍລິ​ເວນ​ພື້ນ​ທີ່.

ດ້ານ​ການ​ຖື​ຄອງ​ກຳມະສິດ​ທີ່​ດິນ​ເທິງ​ເກາະ​ແຫ່ງ​ນີ້​ເປັນຄວາມ​ຄັດ​ແຍ້​ງກັນ​ມາ​ດົນ​ລະຫວ່າງ​ເຄນ​ຢາ ​ແລະ ອູ​ກັນດາ ​ໂດຍ​ທັງ​ສອງ​ປະ​ເທດ​ອ້າງ​ວ່າ ​ເກາະ​ແຫ່ງ​ນີ້​ເປັນ​ຂອງ​ຕົນ ​ເນື່ອງ​ຈາກ​ປະຫວັດສາດ​ການ​ບຸກ​ເບີກ​ເກາະ​ແຫ່ງ​ນີ້​ຍັງ​ເປັນ​ທີ່​ສັບສົນ​ວ່າ ຊາວ​ປະມົງ​ເຄນ​ຢາ​ຫຼື​ຊາວ​ປະມົງ​ອູ​ກັນດາ ​ໃຜ​ກັນ​ແທ້​ທີ່​ມາ​ອາ​ໄສ​ຢູ່​ເກາະ​ແຫ່ງ​ນີ້​ເປັນ​ຄົນ​ທຳ​ອິດ ກ່ອນ​ຈະ​ມີ​ຊາວ​ປະມົງ​ຄົນ​ອື່ນ​ຍ້າຍ​ຖິ່ນ​ຕາມ​ມາ.

ເຖິງ​ແມ່ນ​ຂໍ້​ມູນ​ບົ່ງ​ຊີ້​ດ້ານ​ພູມ​ສາດ​ຈະ​ລະບຸ​ວ່າ ​ເກາະ​ນີ້​ຕັ້ງ​ຢູ່​ເຂດ​ປະ​ເທດ​ເຄນ​ຢາ ​ແຕ່​ທາງ​ອູ​ກັນດາ ກ່າວ​ວ່າ ຊາວ​ປະມົງ​ໄດ້​ລ່ວງລ້ຳ​ເຂົ້າ​ໄປ​ຫາ​ປາ​ໃນ​ນ່ານນ້ຳຂອງ​ອູ​ກັນດາ ຊຶ່ງ​ຢູ່​ຫ່າງ​ອອກ​ໄປ​ຈາກ​ຝັ່ງ​ຂອງ​ເກາະ​ພຽງ 500 ​ແມັດ ຈຶ່ງ​ເປັນ​ຂໍ້​ພິພາກ​ກັນ​ເລື້​ອຍໆ​ມາ​ຈົນ​ກາຍ​ເປັນສົງຄາມ​ນ້ອຍ ຈົນ​ເຈລະຈາ​ກັນ​ໄດ້​ໃນ​ປີ 2016 ວ່າ ທັງ​ສອງ​ປະ​ເທດ​ມີ​ສິດ​ໃນ​ການ​ເກັບພາສີ​ປະຊາຊົນ​ທີ່ຢູ່​ອາ​ໄສ​ໃນ​ເກາະ ​ແຕ່​ຕ້ອງ​ສົ່ງ​ຕຳຫຼວດ​ໄປ​ເບິ່ງ​ແຍງ​ດ້ານ​ຄວາມ​ປອດ​ໄພ​ໃຫ້​ຄົນ​ໃນ​ເກາະ, ຢ່າງ​ໃດ​ກໍ​ຕາມ ກໍ​ຍັງ​ມີ​ເຫດການ​ໂຈນ​ສະ​ລັດ​ເຂົ້າ​ມາ​ປຸ້ນ​ຢູ່​ແຕ່​ນ້ອຍ​ລົງ​ຫຼາຍ​ເມື່ອ​ທຽບ​ກັບ​ອະດີດ.

ພໍ​ຢູ່​ກັນ​ຢ່າງ​ມີ​ຄວາມສຸກ​ກາຍ​ເປັນ​ສະຫວັນ​ຂອງ​ນັກ​ຫາ​ປາ, ຄົນ​ເຄນ​ຢາ, ອູ​ກັນ​ດາ ​ແລະ ​ແທນ​ຊາ​ນີ ກໍ​ແຫ່​ກັນ​ມາ​ຕັ້ງ​ຄອບຄົວ​ກັນ​ຢູ່​ນີ້​ຈົນ​ປະຊາກອນ​ຫຼາຍ​ຂຶ້ນ​​ເລື້ອຍໆ ຈົນ​ເຮືອນ​ຊານ​ແອ​ອັດ​ຈົນ​ບໍ່​ມີ​ທາງ​ຍ່າງ ​ແຕ່​ປະຈຸ​ບັນ​ຄາດ​ວ່າ ​ເມື່ອ​ຊັບພະຍາກອນ​ໜ້ອຍ​ລົງ ຄົນ​ກໍ​ຈະ​ເລີ່​ມອົບ​ພະ​ຍົບ​ໄປ​ຫາ​ທີ່ຢູ່​ແຫ່ງ​ໃໝ່​ໃນ​ອີກ​ບໍ່​ດົນ​ນີ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.