ມີ​ຜູ້​ລີ້​ໄພ​ໃນອີ​ຢູຫຼາຍ​ກວ່າ 1,2 ລ້ານ​ຄົນ

ຂໍ້​ມູນ​ສະຫະພາບ​ເອີຣົບ (ອີ​ຢູ) ລະບຸ​ວ່າ ມີ​ຜູ້​ຂໍ​ລີ້​ໄພ​ປະມານ 1,2 ລ້ານ​ຄົນ ​ໃນ​ປະ​ເທ​ດສະມາຊິກ​ອີ​ຢູ​ໃນ​ທ້າຍ​ປີ​ທີ່​ຜ່ານ​ມາ ນ້ອຍ​ກວ່າ​ປີ 2015 ພຽງ​ເລັກ​ນ້ອຍ ຂະນະທີ່​ຄວາມ​ຂັດ​ແຍ້​ງຮຸນ​ແຮງ​ຂຶ້ນ​ໃນ​ຊີຣີ ​ແລະ ບ່ອນ​ອື່ນໆ ສົ່ງ​ຜົນ​ໃຫ້​ປະຊາຊົນ​ພາກັນ​ຖີ້ມບ້ານ​ເຮືອນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ ​ເຖິງ​ແມ່ນ​ວ່າ​ຕົວ​ເລກ​ຜູ້​ຂໍ​ລີ້​ໄພ​ໃນ​ອີ​ຢູປີ 2016 ຕໍ່າ​ກວ່າ​ປີ 2015 ທີ່​ມີ​ຈຳນວນ 1,26 ລ້ານ​ຄົນ ​ແຕ່​ຍັງ​ຖື​ວ່າ ຫຼາຍກວ່າສອງ​ເທົ່າຈາກ​ຈຳນວນ 562 ພັນ​ຄົນ​ໃນ​ປີ 2014 ປະຊາຊົນ​ຊີຣີ​ເປັນ​ຜູ້​ອົບ​ພະຍົບກຸ່ມ​ໃຫຍ່​ສຸດ​ຈຳນວນ 183 ພັນ​ຄົນ​ໃນ​ປີ​ທີ່​ຜ່ານ​ມາ ​ແລະ ຄົນ​ອີຣັກຈຳນວນ 127 ພັນ​ຄົນ ຂະນະ​ທີ່​ເຢຍລະ​ມັນ​ຊຶ່ງຮັບ​ຜູ້​ລີ້​ໄພ​ເກືອບ 1 ລ້ານ​ຄົນ​ໃນ​ປີ 2015 ​ແບ່ງ​ເປັນ​ຜູ້​ອົບ​ພະຍົບ​ 60% ຈາກ​ຈຳນວນ​ທັງ​ໝົດ​ຫຼື​ປະມານ 722.300 ຄົນ.

ອິຕາ​ລີ​ຮັບ​ຜູ້​ອົບ​ພະຍົບ​ໄປ​ຈຳນວນ 121 ພັນ​ຄົນ​ຫຼື​ຄິດ​ເປັນ 10%, ຝຣັ່ງຮັບ​ຜູ້​ລີ້​ໄພ 76.000ຄົນ, ​ເກຣັກ 49.000 ຄົນ, ອົດ​ສະຕຣາລີ 39.000ຄົນ ​ແລະ ສະ​ລາດ​ຊະ​ອານາ​ຈັກ 38.300 ຄົນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.