ມຽນມາ​ປະຕິ​ຮູບ​ທະນາຄານ​ລັດ​ 4 ​ແຫ່ງ

ຫຼາຍ​ກວ່າ 5 ທົດ​ສະ​ວັດ​ພາຍ​ໃຕ້​ການ​ປົກຄອງຂອງ​ລັດຖະບານ​ທະຫານ​ໃນ​ທີ່​ສຸດ​ປະຊາຊົນກໍ​ໄດ້​ຮັບ​ໄຊຊະນະ ພ້ອມ​ກັບ​​ເດີນ​ໜ້າ​ທາງ​ເສດຖະກິດ ກຳຈັດ​ຄວາມທຸກ​ຍາກ​ທີ່​​ເປັນປັດ​ໄຈ​ສຳຄັນ ຂະນະ​ດຽວ​ກັນ​ກໍ​ມີ​ບັນຫາ​ຫຼາກ​ຫຼາຍ​ທີ່​ຕ້ອງ​ສະ​ສາງ ໜຶ່ງ​ໃນ​ປະ​ເດັນ​ສຳຄັນ​ຄື​ການ​ປະຕິ​ຮູບ​ລະບົບ​ສະ​ຖາ​ບັນ​ການ​ເງິນ​ປະ​ເທດ.

ໂດຍ​ມຽນມາ​ກຽມ​ດຳ​ເນີນ​ການ​ກວດກາ​ນບັນຊີ​ທະນາຄານ​ຂອງ​ລັດ​ເປັນ​ເທື່ອ​ທຳ​ອິດ​ໃນ​ຮອບ​ຫຼາຍ​ທົດ​ສະ​ວັດ ​ເພື່ອ​ປະຕິ​ຮູບລະບົບ​ການ​ເງິນ​ໃຫ້​ພ້ອມ​ປະ​ເຊີນ​ໜ້າ​ຄວາມ​ສ່ຽງ​ຈາກ​ການ​ເຕີບ​ໂຕ​ທາງ​ເສດຖະກິດ​ທີ່​ກ້າວ​ກະ​ໂດດ ​ໂດຍ​ໄດ້​ຮັບ​ການ​ຊ່ວຍ​ເຫຼືອ​ສະໜັບສະໜູນ​ຈາກ​ທະນາຄານ​ໂລກ (​ເວິລ​ແບງ).

ທ່ານ ນາ​ກາ​ວັລລີ ອັນ​ນາມາ​ໄລ ຫົວໜ້າ​ຝ່າຍ​ໃຫ້​ຄຳ​ປຶກສາ ຜູ້​ຊ່ຽວຊານ​ພິ​ເສດ​ດ້ານ​ການ​ພັດທະນາ​ທະ ນາຄານ​ຈາກ​ເວິ​ແບ​ງ​ໃຫ້​ຄວາມ​ເຫັນ​ກັບ​ບລູມ​ເບີກ​ວ່າ ບັນດາ​ທະນາຄານ​ລັດ​ຂອງ​ມຽນມາຢູ່​ພາຍ​ໃຕ້​ພາວະ​ເງິນ​ທຶນ​ບໍ່​ພຽງພໍ ຈຶ່ງມີ​ຄວາມ​ຈຳ​ເປັນ​ທີ່ຈະ​ຕ້ອງ​ປະຕິ​ຮູບ​ຊຶ່ງ​ອາດ​ລວມ​ເຖິງ​ການ​ເພີ່ມ​ທຶນ​ໃນ​ວິທີ​ທີ່​ຈະ​ບໍ່​ທຳຮ້າຍ​ການ​ເງິນ​ຂອງ​ລັດຖະບານ​ຫຼາຍ​ເກີນ​ໄປ.

ແຜນການ​ປະຕິ​ຮູບ​ດັ່ງກ່າວ ຈະ​ເປັນ​ການ​ຍົກ​ເຄື່ອງ​ທະນາຄານ​ລັດ 4 ​ແຫ່ງ​ປະກອບ​ມີທະນາຄານ​ການ​ກະ​ເສດ ​ແລະ ການ​ພັດທະນາ​ແຫ່ງ​ມຽນມາ ຖື​ເປັນ​ສະ​ຖາ​ບັນ​ການ​ເງິນ​ຂອງ​ລັດ​ທີ່​ໃຫຍ່​ສຸດ, ມຽນມາ ອິ​ໂຄ​ໂນ​ມິກ ​ແບ​ງ, ​ເດີ ມຽນມາ ຟໍ​ເຣນ ​ເທຣດ​ແບ​ງ ​ແລະ ​ເດີ​ມຽນມາ ອິນ​ເວສ​ເມນ ​ແອນ​ຄອມ​ເມີ​ຊຽວ​ແບ​ງ ຊຶ່ງ​ທັງ 4 ທະນາຄານ​ລວມ​ເທົ່າ​ກັບ 1 ​ໃນ 5 ຂອງ​ຈີ​ດີ​ພີ​ປະ​ເທດ 63 ຕື້​ໂດ​ລາ​ສະຫະລັດ.

ຄວາມ​ທ້າ​ທາຍ​ຂອງ​ລັດຖະບານ ອອງ ຊານ​ຊູ​ຈີ ​ໃນ​ການ​ຂະຫຍາຍ​ການ​ເງິນ​ຂອງ​ປະ​ເທດ ​ເພາະ​ບໍ່​ມີ​ການ​ປະຕິ​ຮູບ​ຢ້ານ​ວ່າ ທະນາຄານ​ລັດ​ຈະ​ປະ​ເຊີນ​ຄວາມ​ທ້າ​ທາຍ​ຈາກ​ການ​ເຕີ​ບໂຕ​ຢ່າງ​ວ່ອງ​ໄວ​ຂອງ​ທະນະ​ຄານ​ການ​ຄ້າ​ເອກະ​ຊົນ ທີ່​ຈະ​ກິນ​ສ່ວນ​ແບ່ງ​ການ​ຕະຫຼາດ​ຂອງ​ເງິນ​ຝາກ ​ແລະ ການ​ປ່ອຍ​ກູ້.

ອັນ​ນາມາ​ໄລ​ຊີ້​ວ່າ ສິ່ງ​ທີ່​ໜ້າ​ຢ້ານ​ຕໍ່​ມາ​ຫາກ​ບໍ່​ປະຕິ​ຮູບ​ສະ​ຖາ​ບັນ​ການ​ເງິນ​ຂອງ​ລັດ ກໍ​ຄື​ການ​ຂາດ​ແຄນ​ເງິນ​ທຶນ​ຈຳນວນ​ມະຫາສານ ຊຶ່ງ​ມຽນມາ​ບໍ່​ຕ້ອງການ​ປະ​ເຊີນ​ສະຖານະ​ການ​ທີ່​ສັ່ນ​ຄອນ​ດັ່ງກ່າວ ​ແນ່ນອນ​ເນື່ອງ​ຈາກ​ປະຈຸ​ບັນ​ມີ​ທະນາຄານ​ຕ່າງປະ​ເທດ 13 ​ແຫ່ງ ທີ່​ໄດ້​ໃບ​ອະນຸຍາດ​ເຂົ້າ​ໄປ​ດຳ​ເນີນ​ກິດຈະການ​ໃນ​ມຽນມາ​ຕັ້ງ​ແຕ່​ປີ 2014.

ຂໍ້​ມູນ​ເວິລ​ແບບ​ງລະບຸວ່າ ​ເດືອນ​ມິຖຸນາ​ປີ 2016ຊັບ​ສິນ​ຂອງ​ທະນາຄານ​ເອກະ​ຊົນ​ເພີ່ມ​ຂຶ້ນ​ເຖິງ 27% ຈາກ​ ປີ​ກ່ອນ ດ້ວຍ​ມູນ​ຄ່າ​ສູງ 17.200 ລ້ານ​ໂດ​ລາ ຂະນະ​ທີ່​ຊັບ​ສິນ​ທະນາຄານ​ລັດ​ຫຼຸ​ດລົງ 14%​ ເຫຼືອ 12,1 ຕື້​ໂດ​ລາ.

ນອກຈາກ​ນີ້ ​ທະນາຄານລັດຍັງ​ມີ​ບັນຫາ​ໂຄງ​ສ້າ​ງພື້ນຖານ​ດ້ານ​ໄອ​ທີ​ທີ່​ຍັງ​ບໍ່​ໄດ້​ມາດຕະຖານ, ການ​ເຮັດ​ບັນຊີ​ຫຼ້າ​ສະ​ໄໝ ລວມທັງ​ການ​ບໍ​ມີ​ລະບົບ​ບໍລິຫານ​ຄວາມ​ສ່ຽງ ​ແລະ ຄວາມ​ບໍ່​ມີ​ປະສິດທິພາບ​ຂອງ​ຜູ້​ບໍລິຫານ.

ທ່ານ ໝອນ ​ເທີ​ເນລ ຮອງ​ສາດສະດາຈານ​ເສດຖະສາດ​ຂອງ​ມະຫາວິທະຍາ​ໄລ​ແມ​ກຄໍຣີ ​ແລະ ທີ່​ປຶກສາ​ພິ​ເສດ​ຂອງ​ທ່ານ​ນາງຊູຈີມ​ອງວ່າ ທີ່​ສຸດ​ແລ້ວ​ແຜນການ​ປະຕິ​ຮູບ​ທະນາຄານ​ລັດ​ອາດ​ຕ້ອງ​ມີ​ການສະ​ເໜີ​ຂາຍ​ຫຸ້ນ​ໃຫ້​ນັກ​ລົງທຶນ​ຕ່າງປະ​ເທດ​ເຂົ້າ​ຮ່ວມ.

ຜູ້​ຊ່ຽວຊານ​ຈາກ​ເວິລ​ແບ​ງຄາດ​ວ່າ ການ​ກວດກາ​ສະຖານະ​ຂອງ​ທະນະ​ຄານ​ລັດ​ທັງ​ 4 ຈະ​ສຳ​ເລັດ​ພາຍ​ໃນ​ປະມານ​ກາງ​ປີ​ນີ້ ​ແລະ ການ​ປະຕິ​ຮູບ​ອາດ​ກິນ​ເວລາ​ດົນ​ເຖິງ 3-5 ປີ ນີ້ ​ຄື​ວຽກງານ​ສຳຄັນ​ທີ່​ຕ້ອງ​ເລັ່ງດຳ​ເນີນ​ການ ​ເພາະ​ລະບົບ​ທະນາຄານ​ຄື​ຫົວ​ໃຈ​ສຳຄັນ​ຂອງ​ການ​ພັດທະນາ​ທັງ​ໝົດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.