ມຽນມາ​ພັດທະນາ​ລະບົບ​ຂົນ​ສົ່ງ-​ໄຟຟ້າ

ທ່ານ ນາງ​ອອງຊານ​ຊູ​ຈີ ທີ່​ປຶກສາ​ແຫ່ງ​ລັດ​ຂອງ​ມຽນມາ ​ໄດ້​ເນັ້ນ​ການ​ພັດທະນາ​ພາກ​ສ່ວນ​ການ​ຄົມ ມະນາຄົມ​ຂົນ​ສົ່ງ ​ແລະ ​ໄຟຟ້າ ​ເພື່ອ​ປັບປຸງ​ມາດ​ຕະຖາ​ນຄວາມ​ເປັນ​ຢູ່​ຂອງ​ປະຊາຊົນ ​ແລະ ​ເພື່ອ​ການ​ດຶງ​ດູດ​ການ​ລົງທຶນ​ຈາກ​ຕ່າງປະ​ເທດ.

ສຳນັກຂ່າວ​ຕ່າງປະ​ເທດ​ລາຍ​ງາ​ວ່າ: ທ່ານ ນາງ ອອງຊູ​ຈີ​ກ່າວ​ໃນ​ກອງ​ປະຊຸມ​ດ້ານ​ນະ​ໂຍບາຍ​ພະລັງງານ​ແຫ່ງ​ຊາດ​ຢູ່​ນະຄອນຫຼວງ​ເນ​ປີ​ດໍ​ວ່າ “ການ​ຄົມມະນາຄົ​ມ ​ແລະ ​ໄຟຟ້າ​ດີ​ຂຶ້ນ ນັກ​ລົງທຶນ​ຈະ​ສົນ​ໃຈ​ເຂົ້າ​ລົງທຶນ​ໃນ​ປະ​ເທດ” ຊຶ່ງ​ຕາມ​ຂໍ້​ມູນ​ຂອງ​ກະຊວງ​ພະລັງງານ​ມຽນມາ​ພົບ​ວ່າ ມີ​ພື້ນ​ທີ່​ພຽງ​ແຕ່ 35% ຂອງ​ປະ​ເທດ​ທີ່​ເຂົ້າ​ເຖິງ​ໄຟຟ້າ, ຊຶ່ງ​ມຽນມາ​ກຳລັງ​ຫາ​ທາງ​ທີ່​ຈະ​ແກ້​ໄຂ​ນະ​ໂຍບາຍ​ດ້ານ​ພະລັງງານ​ໂດຍ​ມີ​ເປົ້າ​ໝາຍ​ທີ່ຈະ​ສະໜັບສະໜູນ​ການ​ພັດທະນາ​ເສດຖະກິດ​ແຫ່ງ​ຊາດ ​ແລະ ຮອງ​ຮັບ​ຄວາມ​ຕ້ອງການ​ດ້ານ​ພະລັງງານ​ພາຍ​ໃນ​ປະ​ເທດ​ແບບ​ຍືນ​ຍົງ ສຳລັບ​ການ​ໃຊ້​ແຫຼ່ງພະລັງງານ​ໃນ​ໄລຍະ​ຍາວ​ນັ້ນ ທາງ​ການ​ມຽນມາ​ພະຍາຍາມ​ທີ່​ຈະ​ຮ່າງ​ກອບ​ການ​ເຮັດ​ວຽກ​ເພື່ອ​ແບ່ງປັນ​ການ​ໃຊ້​ພະລັງງານ​ຢ່າງ​ເໝາະ​ສົມ ​ແລະ ຍຸຕິ​ທຳ​ລະຫວ່າງ​ເຂດ ​ແລະ ລັດ​ຕ່າງໆ.

ຕາມ​ຂໍ້​ມູນ​ສະຖິຕິ​ຂອງ​ທາງ​ການ​ມຽນມາ​ພົບ​ວ່າ ນັບ​ຕັ້ງ​ແຕ່​ທ້າຍ​ປີ 1988 ຈົນ​ເຖິ​ງ​ເດືອນ​ມີນາ​ປີ 2017 ມີ​ການ​ລົງທຶນ​ຈາກ​ຕ່າງປະ​ເທດ​ໃນ​ຂະ​ແໜງ​ພະລັງງານ​ຢູ່​ທີ່ 20,5 ຕື້​ໂດ​ລາ​ສະຫະລັດ ຂະນະ​ທີ່​ການ​ລົງທຶນ​ຈາກ​ຕ່າງປະ​ເທດ​ໃນ​ຂະ​ແໜງ​ຄົມມະນາຄົມ ​ແລະ ການ​ສື່ສານ​ຢູ່​ທີ່ 8,1 ຕື້​ໂດ​ລາ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.