ມຽນມາ​ໃຊ້​ເຟຊບຸກ​ເກືອບ 10 ລ້ານ​ຄົນ

​ໂຊ​ຊຽວ​ເນັດ​ເວິກທີ່​ໄດ້​ຮັບ​ຄວາມ​ນິຍົມ​ທີ່​ສຸດ​ໃນ​ໂລກ​ເປັນຕົ້ນແມ່ນ​ເຟຊບຸກ ​ຢູ່​ມຽນມາ​ມີ​ຄົນ​ໃຊ້​ເຟຊບຸກ​ເກືອບ 10 ລ້ານ​ຄົນ​ໃນ​ໄລຍະ​ບໍ່​ເທົ່າ​ໃດ​ປີ​ມາ​ນີ້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຕາມ​ການ​ອ້າງ​ອິງຂໍ້​ມູນ​ຈາກ Amara ຊຶ່ງ​ເປັນ​ເອ​ເຈນ​ຊີ​ດ້ານ​ຕະຫຼາດ​ດີ​ຈີ​ຕອນທີ່​ມີ​ສຳນັກງານ​ໃນ​ຍ່າງ​ກຸ້ງ​ລະບຸ​ວ່າ ພາຍ​ໃນກາງ​ເດືອນ​ພຶດສະພາ​ນີ້ ຈະ​ມີ​ຈຳນວນ​ຜູ້​ໃຊ້​ເຟຊບຸກ​ເພີ່ມ​ຂຶ້ນ​ເກືອບ 2 ​ເທົ່າ​ໃນ​ເວລາ​ກວ່າ 1 ປີ ​ເມື່ອ​ທຽບກັບ​ຂໍ້​ມູນ​​ເກົ່າ​ຄື 4,7 ລ້ານ​ຄົນ​ໃນ​ກາງ​ເດືອນ​ກໍລະກົດ​ປີ 2015, ​ໂດຍ​ຕົວ​ເລກ​ສະ​ເລ່ຍ​ເກືອບ 9 ​ໃນ 10 ຂອງ​ຜູ້​ໃຊ້​ເຟຊບຸກ​ຢູ່​ມຽນມາ ຢູ່​ໃນ​ເມືອງ​ໃຫຍ່ຄື: ຍ່າງ​ກຸ້ງ, ມັນທະ​ເລ ​ແລະ ພື້ນ​ທີ່​ໃກ້​ຄຽງ ​ແລະ ບໍ່​ໜ້າ​ເຊື່ອວ່າ ຈຳນວນ​ຜູ້​ໃຊ້​ເຟຊບຸກ​ໃນ​ເມືອງ​ມັນທະ​ເລ​ແຊງ​ໜ້າ​ຍ່າງ​ກຸ້ງ​ໄປ​ແລ້ວ​ໃນ​ປະຈຸ​ບັນ.ທັງ​ນີ້ ຜູ້​ຊາຍ​ໃຊ້​ເຟຊບຸກຫຼາຍກວ່າ​ແມ່ຍິງ​ອັດຕາ​ສ່ວນ​ເກືອບ 2 ຕໍ່ 1 ຄື: ຜູ້​ຊາຍ​ໃຊ້​ເຟຊບຸກຢູ່​ມຽນມາກ​ວ່າ 6,2 ລ້ານ​ຄົນ ສ່ວນ​ແມ່ຍິງ​ໃຊ້​ເຟຊບຸກພຽງ 3,5 ລ້ານ​ຄົນ.

ທ່ານ ມາ​ຈັບ ​ແມ​ຄິນກ່າວ​ວ່າ ​ເຟຊບຸກ​ເປັນ​ອັນຕະລາຍ​ສຳລັບ​ຜູ້​ໃຊ້​ທີ່​ຂາດ​ຄວາມ​ຮັບ​ຮູ້​ໃນ​ໂລກ​ດິຈິ​ຕອນ ​ໂດຍ​ສະ​ເພາະ​ຜູ້​ໃຊ້​ງານ​ໃນ​ຊົນນະບົດ, ​ແລະ ​ກ່າວ​ຕື່ມ​ວ່າ ​ເຟຊບຸກສາມາດ​ເພີ່ມ​ຄວາມ​ຮູ້ ​ແລະ ສ້າງ​ລາຍ​ໄດ້​ໃຫ້​ກັບ​ຜູ້​ໃຊ້​ງານ, ຂະນະ​ທີ່​ອີ​ຄອມ​ເມີ​ມຽນມາຍັງບໍ່​ພັດທະນາ ​ແຕ່​ຜູ້​ປະກອບ​ການ​ຫຼາຍ​ຄົນ​ໃຊ້​ເຟຊບຸກ​ເປັນ​ແຫຼ່ງຄ້າ ຂາຍ​ສິນຄ້າ​ໄດ້​ຢ່າງ​ຫຼາກ​ຫຼາຍ​ເກືອບ​ທຸກ​ຊະນິດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.