ມຽນມາ ຢຶດເຮໂລອິນ-ຢາບ້າ 30 ລ້ານໂດລາ

     ຕຳຫຼວດ​ມຽນມາ​ໄດ້​ເຂົ້າ​ຢຶດ​ເຮ​ໂລ​ອິນ ​ແລະ ຢາ​ບ້າ​ມູນ​ຄ່າ 30 ລ້ານ​ໂດ​ລາ​ສະຫະລັ​ດ ນັບ​ເປັນ​ການ​ຈັບ​ກຸມ​ລາຍ​ໃຫຍ່​ສຸດ​ຂອງ​ປີ​ນີ້.

     ​ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ:ເຈົ້າ​ໜ້າ​ທີ່​ອາວຸ​ໂສ​ຈາກ​ໜ່ວຍ​ປາບ​ປາມຢາ​ເສບ​ຕິດ​ໃນ​ນະຄອນ​ເນ​ປີ​ດໍ​​ເປີດ​ເຜີຍ​ໃນ​ວັນ​ທີ 6 ມີນາ​ທີ່​ຜ່ານ​ມາ​ວ່າ ຕຳຫຼວດ​ມຽນມາ​​ໄດ້​ຢຶ​ກຸມ​ຢາ​ເສບ​ຕິດ​ລວມມູນ​ຄ່າ​ປະມານ 37 ຕື້​ຈ໊າດ(ປະມານ 30 ລ້ານ​ໂດ​ລາ) ​ໂດຍ​ຂອງ​ກາງ​ທີ່​ພົບ​ຊຸກ​ເຊືອງ​ຢູ່​ໃນ​ລົດ​ບັນທຸກ​ໃນ​ເຂດ​ອຸດສາຫະກຳ​ເມືອງ​ມັນທະ​ເລ ປະກອບ​ດ້ວຍຢາ​ເຮ​ໂລ​ອິນ​ນ້ຳໜັ​ກ 24 ກິ​ໂລກຣາມ, ຢາ​ບ້າ 82 ກິ​ໂລກຣາມ, ຢາ​ສານ​ກະ​ຕຸ້ນ 6,8 ລ້ານ​ເມັດ ​ແລະ ຢາ​ຝິ່ນ 15 ກິ​ໂລກຣາມ ນັບ​ເປັນ​ການ​ຈັບ​ກຸມ​ຢາ​ເສບ​ຕິດ​ລາຍ​ໃຫຍ່​ທີ່​ສຸດ​ຂອງ​ປີ​ນີ້ ສ່ວນ​ຜູ້​ຕ້ອງ​ຫາລາຍ​ສຳຄັນ​ຍັງ​ຫຼົບໜີ​ໄປ​ໄດ້, ຊຶ່ງ​ການ​ຈັບ​ກຸມ​ໃນ​ຄັ້ງ​ນີ້​ສະ​ແດງ​ໃຫ້​ເຫັນ​ວ່າ ມຽນມາ​ຍັງ​ມີ​ບົດບາດ​ສຳຄັນ​ໃນ​ຖານະ​ຜູ້​ຜະລິດ​ຢາ​ເສບ​ຕິດ​ລາຍ​ໃຫຍ່​ຂອງ​ໂລກ ປະຈຸ​ບັນ​ມຽນມາ​ຜະລິດ​ເຮ​ໂລ​ອິນ​ຫຼາຍ​ເປັນອັນ​ດັບ 2 ຂອງ​ໂລກ​ຮອງ​ຈາກ​ອາ​ຟະ​ກາ​ນິດ​ສະຖານ ຂະນະ​ການ​ຜະລິດ​ຢາ​ບ້າ​ກຳລັງ​ເພີ່ມ​ຂຶ້ນ​ເລື້ອຍ​ໆ.

​ໃນ​ວັນ​ທີ 26 ກໍລະກົດ​ປີ 2015 ຕຳຫຼວດ​ມຽນມາ​ຢຶດ​ໄດ້​ຢາ​ບ້ານ 26,7 ລ້ານ​ເມັດ ບັນຈຸ​ໃນ​​ເປົ໋າ​ຊຸກ​ເຊື່ອງ​ໄວ້ໃນ​ລົດ​ບັນທຸກ ທີ່​ຈອດ​ປ​ະ​ໄວ້​ແຄມ​ທາງ​ໃກ້​ໝູ່​ບ້ານ​ຈັດ​ສັນ​ເຊຍ​ກາ​ບາ ​​ໃນ​ເມືອງ​ມິ​ງກຣາດອນ ນອກ​ນະຄອນ​ຢ່າງ​ກຸ້ງ ມູນ​ຄ່າ​ຂອງ​ກາງ​ຫຼາຍກວ່າ 106,4 ລ້ານ​ໂດ​ລາ ນັບ​ເປັນ​ການ​ຈັບ​ກຸມ​ຢາ​ບ້າ​ຄັ້ງ​ໃຫຍ່​ສຸດ​ເທົ່າ​ທີ່​ເຄີຍ​ມີ​ມາ​ຂອງ​ມຽນມາ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.