ລະວັງ! ປັນຍາ​ປະດິດ ຈະ​ພິຊິດ​ໄຊ​ໄປ​ຈາກ​ມະ​ນຸດ

​ປັດຈຸບັນ ການ​ນຳ​ໃຊ້​ຫຸ່ນ​ຍົນ​ແທນ​ແຮງ​ງານ​ຄົນພວມ​ໄດ້​ຮັບ​ຄວາມ​ສົນ​ໃຈ ​ແລະ​ແພ່​ຫຼາຍ​ຂຶ້ນນັບ​ມື້ ຊຶ່ງ​ສ່ອ​ງ​ແສງ​ໃຫ້​ເຫັນ​ຄວາມ​ລ້ຳ​ໜ້າ​ຂອງ​ປັນຍາ​ປະດິດ ຕໍ່​ວິ​ໄສ​ທັດ​ດ້ານ​ວິທະຍາສາດຜ່ານ​ການຄົ້ນຄິດເຕັກ​ໂນ​ໂລ​ຊີ​ໃໝ່ ​ກໍ​ໄດ້​ມີ​ການ​ຕັ້ງຄຳ​ຖາມວ່າ ປັນຍາ​ປະດິດ ຈະ​ເອົາ​ຊະນະ​ມະນຸດ​ໄດ້​ໜ້ອຍ-ຫຼາຍເທົ່າ​ໃດ? ທັງ​ນີ້ ກໍ​ມີ​ການ​ຄາດ​ຄະ​ເນ​ວ່າ ພາຍ​ໃນ 45 ປີ​ຂ້າງ​ໜ້າ​ ປັນຍາ​ປະດິດ ມີ​ໂອກາດ​ຫຼາຍ​ກວ່າ 50% ​ໃນ​ການ​ເອົາ​ຊະນະ​ມະນຸດ​ທຸກ​ດ້ານ.

ລາ​ຍງານ​ຂ່າວ​ຕ່າງປະ​ເທດ​ເມື່ອ​ອາທິດ​ທີ່​ຜ່ານ​ມາ​ລະບຸ​ວ່າ ​ໄດ້​ເກີດ​ຄຳ​ຖາມ​ກ່ຽວ​ກັບ​ພັດທະນາ ການ​ຂອງ​ປັນຍາ​ປະດິດ​ທີ່​ອາດສົງ​ຜົນ​ຕໍ່​ພັດທະນາ​ການ​ທາງ​ຄວາມ​ຄິດ ​ແລະ​ແຮງ​ງານ​ມະນຸດ ຕໍ່​ຂ້ໍ​ຂ້ອງ ​ໃຈ​ດັ່ງກ່າວ ​ມະຫາວິທະຍາ​ໄລ Oxford ​ແລະYale  ກໍນຳ​ໄປ​ຖາມ ​ແລະຜົນ​ການສຳ​ຫຼວດນັກວິ​ໄຈ​ປັນຍາ​ປະດິດ​ຫຼາຍ​ກວ່າ 350 ທ່ານ ຊຶ່ງ​ສ່ວນ​ໃຫຍ່​​ໄດ້​ຄາດ​ການວ່າ​ ອີກ​ປະມານ 45 ປີ​ຕໍ່ໜ້າ ປັນຍາ​ປະດິດ​ມີ​ໂອກາດ​ກ້າວໜ້າຫຼາຍ​ກວ່າມະນຸດ​ເຖິງ 50% ​ໂດຍຈະ​ສາມາດ​ເອົາ​ຊະນະ​ມະນຸດ​​​ດ້ານ​ການ​ແປ​ພາສາ​ຊຶ່ງ​ຈະ​ເໜືອກ​ວ່າ​ມະນຸດ​ໃນ​ປີ 2024 ຈະ​ເໜືອກ​ວ່າ​​ດ້ານ​ການ​ແຕ່ງ​ເລື່ອງ ​ແລະບົດ​ຄວາມ​ໃນ​ລະດັບ​ມໍ​ປາຍ​ພາຍ​ໃນ​ປີ 2026 ຂັບ​ລົດ​ບັນທຸກ​ໄດ້ພາຍ​ໃນ​ປີ 2027 ​ດຳ​ເນີນ​ກິດຈະການຮ້ານ​ຂາຍຍ່ອຍພາຍ​ໃນ​ປີ 2031 ຂຽນ​ໜັງສືຂາຍ​ດີ​ພາຍ​ໃນ​ປີ 2049 ​ແລະ​ຜ່າຕັດ​ຄົນ​ເຈັບ​ພາຍ​ໃນ​ປີ 2053 ຂະນະ​ທີ່​ໜ້າວຽກ​ຂອງ​ມະນຸດ​ກໍ​ມີທ່າ​ອຽງທີ່​ຈະ​ຖືກ​ແທນ​ດ້ວຍ​ຫຸ່ນ​ຍົນ​ໃນ​ 120 ປີຂ້າງ​ໜ້າ.

ງານ​ວິ​ໄຈ​​ໄດ້​ລະບຸ​ຕື່ມ​ວ່າ ພູມີພາກ​ຕ່າງໆ​​ກໍ​ຈະ​ມີຮອບ​ເວລາ​ແຕກ​ຕ່າງ​ກັນເຊັ່ນ ​ໃນ​ອາຊີ ປັນ ຍາ​ປະດິດ ​ຈະ​ເອົາ​ຊະນະ​ມະນຸ​ດ​ທຸກ​ດ້ານ​ພາຍ​ໃນ 30 ປີ​ຂ້າງ​ໜ້າ ຂະນະ​ທີ່​ອາ​ເມຣິກາ​ເໜືອ​ແມ່ນ​ປະມານ 74 ປີ ສ່ວນໜ້າ​ວຽກ​​ບາງ​ປະ​ເພດ​ເຊັ່ນ ສິລະ​ປະ ຫຼື ການ​ວິຈານ​ຮູບ​ເງົາ ​ໂດຍ​ນັກວິ​ທະຍາ​ສາດ​ກໍ​ຍັງ​ບໍ່​ແນ່​ໃຈ​ວ່າ ​ປັນຍາ​ປະດິດ ​ຈະ​ກ້າວ​ຂ້າ​ມມະນຸດ​ໄດ້​ໜ້ອຍ​-ຫຼາຍ​ເທົ່າ​ໃດ? ທັງ​ນີ້ ກໍ​​ເກີດ​ຄຳ​ຖາມຕ່າງໆ​ນາໆ​ກ່ຽວ​ກັບ​ປັນຍາ​ປະດິດ​ວ່າ ​ຈະ​ເຮັດ​ໃຫ້​ມະນຸດ​ໂລກ​ສູນພັນ​ຄື​ກັບ​ໃນ​ຮູບ​ເງົາ ຫຼື ບໍ່? ​ໂດຍ​ນັກວິ​ໄຈ​ປະ​ເມີນ​ວ່າ ມີ​ໂອກາດ​ບໍ່​ເຖິງ 5% ທີ່​​ເຫດການດັ່ງກ່າວ​ຈະ​ເກີດ​ຂຶ້ນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.